#f.03

[searchsystem]

Figure / F.03 / Robot / 2025

[searchsystem]

Figure / F.03 / Robot / 2025

[searchsystem]

Figure / F.03 / Robot / 2025

[fabulatorio]

Xa queda menos para a presentación do libro kleinigkeiten/cousiñas de María Reimóndez! Nos próximos días máis información e datas definitivas.

[fabulatorio]

f.03 / f.04

Sempre quixemos que Fabulatorio fose un banco de probas, un lugar para experimentar con novas maneiras de contar aproveitando a capacidade que teñen os libros para deixarse asombrar polos contidos e ideas que transmiten.

Cremos que edición e o deseño do libro deben alumear os seus contidos igual que unha xanela deixa que entre a luz nun espazo. O deseño debe de ser transparente coma un vidro, e o traballo consiste, xa que logo, en descubrir como ten que ser esa xanela: de que tamaño, cal é a súa forma, con que materiais debe construírse ou se é mellor orientala ao abrente ou ao solpor…

Ata o de agora ensaiamos esta liña de traballo cos fotolibros de Luis Díaz Díaz e Simona Rota, e á volta do mes de agosto a continuaremos cun libro de Tono Mejuto con fotografías do Barrio das Flores da Coruña. A edición do libro está xa rematada e só faltan os últimos detalles para poder levalo á imprenta. Xa nos tarda compartir o resultado e a mirada sobre o Barrio que propoñen as fotografías de Tono.

E tamén, á volta das vacacións, chegaremos con outra publicación que inicia unha nova liña de investigación editorial dentro de Fabulatorio, coa palabra, e coa poesía, como principais ferramentas para acadar o tipo de comunicación que desexamos atopar nos libros.

Estamos moi emocionados por comezar a explorar este novo camiño, e aínda máis por facelo cun libro de poesía de María Reimóndez, orixinalmente escrito en alemán e que publicaremos traducido ao galego.

E nada máis, bailade, bañádevos e lede moito! :-)

[fabulatorio]

Visita ao estudio de Andrés Fernández–Albalat Lois. Seguimos avanzando na edición do seguinte libro de Fabulatorio (f.03). Un fotolibro con fotografías de Tono Mejuto do Barrio das Flores de A Coruña. Andrés foi un dos arquitectos que participou na construción inicial do Barrio proxectando unha das unidades veciñais en 1964. Durante unhas horas tivemos a oportunidade e a sorte de consultar moita documentación orixinal e, sobre todo, de compartir con Andrés a memoria da construción do Barrio.