Ayamo Kabay
Sa pira kadagun dun nga aqueng pagpanawpanaw digue sa kalibutan mi mga agkaka’ragian ako ig agkakarasapduan nga mga barita atetengued sa atueng mga pangabui.Ang mga agkakarainabo,mga sadiling ikspirinsia ig aqueng mga agkakarakita sa aqueng mga kilid,unan ig likod aqueng madangmit y buatan y birso.
Agimpisa ako y sulat ang mga tuladiang mga sarabien obin mga tultulanen ang akaisip ako y aran nga aqueng ing buat para mag ireg sa isarang tarabidan nga grupo y aqueng mga kasimanua.Ang primiro aqueng ireg aliag ako lamang agsiri y rinawraw,magpataka y intrimis labi pa ren da engued magtaw y intrimis nga cuyunon.Indi mabilang aqueng mga binuliawang tultulanen ig indi mabailuan aqueng mga sarabien sa grupo nga datu.
Sa tarabidan da nga datu ko aka’mpang aqueng mga kaidad,mga kaidad aqueng tatay ig nanay obin mga kaidad y aqueng mga bugtitinai.Akampang ko sandang tanan sa aqueng sadiling paagi para sanda tawan y kaambengan.Atetengued sa ang mga tao manda mi mga sadilisadiling pagpararaeten obin opinion sa kabui atabo nga ako tangtangen sa grupo nga dato.Maintras aktibo ang grupo nga datu agtukod ako ra y aqueng sadili umaw ang KUSMOD,CUYUNONG REKLAMADOR.Ang grupo nga dan ing buat ko andan para pakunan ang aliliag agsuruay tengued ako mismo ing erepan ay sa grupo nga aqueng unang ing panabidan sanda agasuruayan,ararangga ang imahi ang mga cuyunon nga mapinasinsian.
Atetengued nga atangtang ako run manda sa grupo nga aqueng ing guegman den,ing buat ko ru lamang nga paraken ang grupo nga dia,ang grupo manda ang KUSMOD nga sa dadi bequen de lamang y mga riklamo indung matitirapan.Kung aliag kamo agpambasabasa y mga birso nga aqueng mga sadiling binuatan dutu indo dan makikita,ig dutu kamo ra makakakita ang alos puro intrimisan lamang nga bararitaen.