#magbigayan

[mylifemyfaithmystory-blog]

SORRY KUNG MINSAN HINDI KO NA KAYO MAPAGBIGYAN.

Ang daming dahilan eh. Minsan kasi hindi ko na talaga kayang gawin o ayoko talagang gawin. Hindi naman ako nagdadamot o namimili ng taong tinutulungan. Kaso ayoko na na aasa lang kayo sakin. Hindi naman kasi lahat kaya ko eh. Sorry talaga. Kasi halos lahat ngayon tinatanggihan ko na. Para fair lang. Isa pa marami rin akong personal na problema at mga gawain. Kaya ang hirap para sa akin na pati problema ng iba eh problemahin ko pa. Alam ko nasanay kayo na lagi akong tumutulong. Nagkamali ako. Dapat pala hindi ko kayo ini-spoiled. Kasi parang pag hindi ko kayo napagbibigyan ang sama-sama na ng loob niyo. Grabe ha. Parang hindi sumasama ang loob ko kapag nag-iinarte kayo ng ganyan. Hehe. Love ko naman kayo eh. Gusto ko lang ma-relax. Alam niyo naman kung gaano ang ginagawa kong pagsisikap para sa sarili ko at sa future ko di ba? Intindihin lang muna natin ang isa't-isa. Malalaki na tayo. Wag na tayong magbalik sa pagbubuhay 3 years old. :) Alam niyo naman kung sino kayo eh. Kung sakaling mabasa niyo ito, lilinawin ko lang hindi ako galit, although medyo masama ang loob ko, pero mawawala din naman to. Gusto ko lang din na maintindihan niyo ako sa ngayon. Dapat nga yung mga ganitong sitwasyon eh hindi na pinaguusapan pa. Di bale pag nakausap ko kayo, sasabihin ko rin ito sa harap niyo. :')

[crisdianegd]

Sa pag-ibig uso din ang bigayan, akala mo ba sa pasko lang?

Mahirap sa isang relasyon yung sarilinan. Yung tipong hindi uso ang bigayan, kanya-kanya, tapos sa huli iisa lang ang dapat masunod lagi. Kung ganon lang din ang isang relasyon, mas mabuti pang habang maaga, putulin nyo na kung ayaw nyong mas lumalim ang sugat at mas tumindi ang saket. 

Ang pag ibig parang dama, minsan kailangan mong magpakain ng pyesa para makakain. At kung ihahambing mo ito sa isang school project, kalimutan mo ang salitang individual, dahil ang pag ibig ay pandalawahang proyekto. Di magtatagumpay kung wala ang isa at lalo na kung may dumagdag na isa. Pandalawahan, hindi pantatluhan ang mahiwagang bagay na ito. 

Burahin mo ang pagiging makasarili at madamot, sa pag ibig hindi lang sayo iikot ang mundo; kundi sa inyong dalawa. Wag kang magdesisyon mag isa, ano pa't andyan sya, diba? Wag laging ikaw, dahil lahat ng tao napapagod, lahat nagsasawa.

Masarap yung balanse lagi, magbigay daan sa bawat isa. Igalang ang kanya-kanyang kagustuhan, ang kanya-kanyang desisyon; wag magpakain sa pride at selfishness. 

Magbigayan! yan ang uso ;)

[nanatiris]

Magbigayan

may dalawang car accident akong nawitness ngayon araw na ito. ang rason kung bakit sila nagkabanggaan? obviously, di sila nagbigayan. 

ang resulta? ayun, nadelay sila sa mga pupuntahan nila. nadagdagan pa ang kanilang mga gastusin. naging hassle rin sila sa mga ibang motorista dahil sa traffic na nagawa nila. buti na lang at minor accident lang ang nangyari.

kung nagbigayan sana sila, edi sana walang ganito. walang gulo. maayos sana ang lahat. kaso nangyari na e. wala ng magagawa. sana marealize na lang nila (at sa mga taong nakasaksi sa aksidente) na mahalaga ang magbigayan para di na maulit ang mga ganitong pangyayari.

kaya muli nating tandaan,

Magbigayan.