بدايه الحلم
يمكن وانت بتكبر بالعمر ومشغول بالحياه فجاه ربنا ببعتلك فتره توقف فيها وتطلع وراك لتدرس حياتك .. تفكر انت مين ؟؟ انت وين رايح؟؟ ..وانت اصلا من وين جاي ؟؟ يعني معقول انسانه ما عندها اشي تقدر تعمل اشي لهيك قررت اليوم ابلش اكتب كل فتره شو صار معي بحلمي ولوين وصلت في لاشجع حالي واكون ملهمه حالي قبل ما اكون ملهمه لاي حد تاني وانا بعمر ال ٣٩ مش غلط ارجع بالعمر لعمر ال٩ سنوات واسرق حلمه منه واعطيه لعمر ١٩ ليركض في بجنون ويعطي كل جنونه وحماسه ويوصله لل ٢٩ ويدرسه منيح ويلش يحميه ويعتني في ويكبره لحتى اصير بالعمر هاد اذا ربنا زرع في قلبي هاد اليقين بهاد الحلم بهاي الفتره الصعبه مين بسترجي يصحيني منه ما رح اسمح لحد مين من كان....لاني رح عيش كل لحظه بحلمي انا واكبره انا كل يوم بيوم
