#pinerlii

[macedonianfood]

CHEESE ROLLS (PINERLII SO SIRENJE)

[sezahrana]

Домашни пинерлии

Состојки:

500 мл јогурт

1 кг брашно

1 коцка свеж квасец

100 мл млака вода

1 јајце

3 мали лажички сол

1 лажица шеќер

½  филџан масло

250 грама маргарин (претходно ставен во замрзнувач за рендање врз кората)

сирење илиизварка по желба

1 јајце за премачкување

сусам по потреба

  Подготовка:

Во длабок сад за месење се става квасецот, 1 лажица брашно, шеќерот и водата. Се меша добро и се остава квасецот да нарасне.

Во садот се додаваат јогуртот, брашното, јајцето, солта и маслото и се замесува тесто.

Тестото се дели на 20 топчиња и со сукало од секое топче се расукува правоаголна кора. Врз корите се ренда маргарин и се става сирење, а потоа се виткаат како ролат. Од корите се формираат пинерлии и се оставаат да киснат околу 1 час.

Потоа се премачкуваат со разматено јајце и се наросуваат со сусам. Пинерлиите се редат во намрсен плех и се печат во загреена рерна на 200 степени, додека добијат убава румена боја.

Рецептот го испрати: Павлина Герасовска

Авторски текст, не смее да се користи за комерцијални цели или/и реемитување