Jul 8
واقف قدام التلاجة في الاستراحة بتاعتي، ماسك ازازة ميا وبشرب، وإذ بواحد من سكان الإستراحة (مهندس ميكانيكا) داخل يعمل فطار، فشاف بيض بيتسلق، فقال إيه ده بيض؟! بطريقة استغرابية كدا..
بعدها وجه الكلام ليا وقالي «مش أنا مبقتش آكل فراخ ولا بيض» قولتله إيه ده بجد؟ قالي أيوا.. قولتله ماشي، وسكتت. قام قايلّي تاني ومن ساعتها وأنا مرتاح.. مبقتش أحس بكذا ولا كذا ولا كذا، أصل الفراخ دي فيها معرفش إيه بيجيب كذا والبيض ده فيه معرفش إيه وإيه وبيعمل كذا. وأنا مفيش على لساني غير بجد؟ هايل.. برافو.
بعد ما خلص كلامه، روحت طفيت على البيض، وقشرته وواقف باكله جمبه، وعمّال يبصلّي من تحت لتحت.