#ujesu

[unkulunkulumuhle-blog]

Ukwazi Izigaba Ezintathu Zomsebenzi KaNkulunkulu Kuyindlela Yokwazi UNkulunkulu

[profoundlyzealoussheep-blog]

Indaba Eyiqiniso Ngomsebenzi ENkathini Yokuhlengwa

https://insindiso.ucoz.org/blog/the_truth_concerning_the_work_in_the_age_of_redemption/2019-08-28-91

[unkulunkulumuhle-blog]

I. Umyalo KaNkulunkulu Ku-Adamu

I. Umyalo KaNkulunkulu Ku-Adamu

(UGenesise 2:15-17) INKOSI uNkulunkulu yase imthatha umuntu, yambeka ensimini yase-Edene ukuba ayilime futhi ayinakekele. Futhi iNKOSI uNkulunkulu yamyala umuntu, yathi, Kuyo yonke imithi yensimu ungadla ngokuthanda kwakho: Kepha kuwo umuthi wokwazi okuhle nokubi, ungadli: ngoba ngosuku oyodla ngalo kuwo uyakufa nokufa.

Ingabe kukhona enikutholile kula mavesi? Le ngxenye yemibhalo inenza nizizwe kanjani? Kungani “Umyalo kaNkulunkulu ku-Adamu” ucashunwe emibhalweni? Ingabe ngamunye wenu manje ninesithombe sikaNkulunkulu no-Adamu engqondweni yenu? Ningazama ukucabanga: Ukube benikuleso simo, wayeyoba njani uNkulunkulu enhliziyweni yenu? Lesi sithombe sinenza nibe namiphi imizwa? Lesi isithombe esishukumisa inhliziyo. Nakuba kunoNkulunkulu kuphela kuso, ukusondela okuphakathi kwabo akufanele sibe nomona ngakho: Uthando olukhulu lukaNkulunkulu lubekwe phezu komuntu, luzungeze umuntu; umuntu akanake nakunaka futhi akanacala, ukhululekile, uphila ngenjabulo ngaphandle kokuqapha kukaNkulunkulu; uNkulunkulu uyamkhathalela umuntu, kuyilapho umuntu ephila ngaphansi kwesivikelo nesibusiso sikaNkulunkulu; yonke into umuntu ayenzayo nayishoyo ihlobene futhi ayinakuhlukaniswa noNkulunkulu.

Ningasho ukuthi lona umyalo wokuqala uNkulunkulu awunika umuntu kusukela emdalile. Uqukutheni lo myalo? Uqukethe intando kaNkulunkulu, kodwa futhi uqukethe nokukhathazeka Kwakhe ngesintu. Lona umyalo wokuqala kaNkulunkulu, futhi kungokokuqala uNkulunkulu ekhathazeka ngomuntu. Lokho kusho ukuthi, uNkulunkulu ubelokhu enesibopho ngomuntu kusukela ngomzuzu amdala ngawo. Siyini isibopho Sakhe? Kufanele avikele umuntu, amnakekele. Unethemba lokuthi umuntu angemethemba futhi alalele amazwi Akhe. Lokhu futhi kuyinto yokuqala uNkulunkulu ayilindele kumuntu. Yilokhu kulindela okwenza uNkulunkulu asho amazwi alandelayo: “Kuyo yonke imithi yensimu ungadla ngokuthanda kwakho: Kepha kuwo umuthi wokwazi okuhle nokubi, ungadli: ngoba ngosuku oyodla ngalo kuwo uyakufa nokufa.” La mazwi alula amelela intando kaNkulunkulu. Embula nokuthi inhliziyo kaNkulunkulu isiqalile ukukhathazeka ngomuntu. Phakathi kwazo zonke izinto, u-Adamu kuphela owenziwa ngomfanekiso kaNkulunkulu; U-Adamu uwukuphela kwento ephilayo uNkulunkulu afaka kuyo umoya wokuphila; angahamba noNkulunkulu, axoxe noNkulunkulu. Yingakho uNkulunkulu amnika lowo myalo. UNkulunkulu wakwenza kwacaca kulo myalo ukuthi yini engenziwa umuntu, nalokho angeke akwazi ukukwenza.

Kula mazwi ambalwa alula, singayibona inhliziyo kaNkulunkulu. Kodwa nhloboni yenhliziyo esiyibonayo? Ingabe lukhona uthando enhliziyweni kaNkulunkulu? Ingabe inakho ukukhathazeka? Uthando nokukhathazeka kukaNkulunkulu kula mavesi akunakwaziswa abantu kuphela, kodwa lungazwakala nokuzwakala. Ingabe lokho akulona iqiniso? Manje njengoba sengisho lezi zinto, ingabe nisacabanga ukuthi lawa amazwi ambalwa alula? Awalula ngaleyo ndlela, akunjalo? Ningakwazi ukukubona ngaphambi kwesikhathi lokhu? Uma uNkulunkulu ekutshela yena mathupha la mazwi ambalwa, ungazizwa kanjani ngaphakathi? Uma ungenabo ubuntu, uma inhliziyo yakho iqinile, akukho lutho ozoluzwa, ngeke ulwazise uthando lukaNkulunkulu, futhi ngeke uzame ukuqonda inhliziyo kaNkulunkulu. Kodwa uma ungumuntu ononembeza, onobuntu, uyozizwa ngendlela ehlukile. Uyozwa imfudumalo, uyozizwa unakekelwa futhi uthandwa futhi uyojabula. Akulona yini iqiniso lelo? Lapho uzwa lezi zinto, uyoziphatha kanjani kuNkulunkulu? Ingabe uyonamathelana noNkulunkulu? Ingabe uyomthanda futhi umhloniphe ngokusuka ekujuleni kwenhliziyo yakho uNkulunkulu? Ingabe inhliziyo yakho iyosondelana noNkulunkulu? Ungabona kulokhu ukuthi lubaluleke kangakanani uthando lukaNkulunkulu kumuntu. Kodwa okubucayi nakakhulu ukwazisa komuntu nokuqonda Kwakhe uthando lukaNkulunkulu. Eqinisweni, ingabe uNkulunkulu akasho izinto eziningi ezifanayo phakathi nalesi sigaba somsebenzi Wakhe? Kodwa ingabe abantu banamuhla bayayazisa inhliziyo kaNkulunkulu? Ingabe ningakwazi ukuqonda intando kaNkulunkulu engiqeda kukhuluma ngayo? Anikwazi ngisho nokuyiqonda intando kaNkulunkulu uma ingokoqobo futhi inokwethenjelwa kanje. Yingakho ngithi aninalo ulwazi lweqiniso nokuqonda ngoNkulunkulu. Ingabe lokhu akulona iqiniso? Yilokho esizoxoxa ngakho kule ngxenye.

kwethi Izwi Livela Lisenyameni

[unkulunkulumuhle-blog]

South African Christian Music "Ukudala KukaNkulunkulu Umhlaba" (Zulu Subtitles)

UGenesise ulandisa ngendlela, ekuqaleni, uNkulunkulu adala ngayo umhlaba ngokumangalisayo. Lesi siqephu sebhayisikobho yobuKristu sikwethulela isenzo esimangalisayo sikaNkulunkulu sokudala umhlaba.

Unyazi LwaseMpumalanga, IBandla likaNkulunkulu uSomandla lasungulwa ngenxa yokuvela nomsebenzi kaNkulunkulu uSomandla, ukubuya kwesibili kweNkosi uJesu, uKristu wezinsuku zokugcina. Lakhiwe yibo bonke labo abawamukelayo umsebenzi kaNkulunkulu uSomandla ezinsukwini zokugcina futhi banqotshwa basindiswa ngamazwi Akhe. Lasungulwa ngokuphelele nguNkulunkulu uSomandla ngokwakhe futhi liholwa Nguye njengoMalusi. Nakanjani, alisungulwanga umuntu. UKristu uyiqiniso, indlela, nokuphila. Izimvu zikaNkulunkulu ziyalizwa iphimbo likaNkulunkulu. Uma nje uhlala ufunda amazwi kaNkulunkulu uSomandla, uzobona ukuba uNkulunkulu usevelile.

[profoundlyzealoussheep-blog]

[unkulunkulumuhle-blog]

Impilo Yangokomoya Elungile Ibuyisela Abantu Endleleni Eyiyonayona

Impilo Yangokomoya Elungile Ibuyisela Abantu Endleleni Eyiyonayona

Nisahambe ibanga elincane kabi endleleni yekholwa elikholelwa kuNkulunkulu, futhi nisazongena endleleni eyiyona, ngakho liselide kakhulu ibanga ngaphambi kokufinyelela ezingeni likaNkulunkulu. Kodwa manje, isimo senu asenele ukuba nihlangabezane nezimfuno zaKhe. Ngenxa yesimo senu kanjalo nemvelo yenu enizelwe nayo eyonakele, ngaso sonke isikhathi niphatha umsebenzi kaNkulunkulu ngokunganaki futhi ningawuthatheli phezulu. Nansi into eyinkinga yenu enkulu enisilele kuyona. Phezu kwalokho, anikwazi ukuthola indlela kaMoya oNgcwele. Iningi lenu aliqondi futhi alikwazi ukukubona lokhu ngokucacile. Nangaphezu kwalokho, iningi lenu alikunaki lokhu, futhi alizimisele nakakhulu ngalokhu. Uma niqhubeka nokuziphatha ngale ndlela futhi ningawazi umsebenzi kaMoya oNgcwele, lapho-ke indlela eniyithathayo njengamakholwa kuNkulunkulu izoba yize leze. Lokhu kungenxa yokuthi anenzi konke okusemandleni enu ukugcwalisa intando kaNkulunkulu, futhi anisebenzisani kahle noNkulunkulu. Akukhona ukuthi uNkulunkulu akakasebenzi kuwena, noma ukuthi uMoya oNgcwele akakakushukumisi. Ukuthi wenza izinto ngokunganaki futhi awuwuthatheli phezulu umsebenzi kaMoya oNgcwele. Kufanele ushintshe izinto ngokushesha bese uhamba indlela eholwa nguMoya oNgcwele. Lesi yisihloko esiqavile sanamuhla. Le "ndlela eholwa uMoya oNgcwele" ukuba abantu bathole ukukhanyiseleka emoyeni wabo, babe nolwazi ngezwi likaNkulunkulu, bathole ukucaciseleka ngendlela ephambi kwabo, futhi bakwazi ukungena eqinisweni kancane kancane, bese bethola ukumqondisisa uNkulunkulu. Indlela eholwa nguMoya oNgcwele ngokuqavile ukuba abantu babe nokuqonda okucacile izwi likaNkulunkulu, kungekho kuphambuka kanye nezinkoleloze ukuze bakwazi ukuhamba kuyona. Ukuze nikwazi ukufinyelela kulesi simo, kuzodingeka nisebenze ngokubambisana noNkulunkulu, nithole indlela eyiyo enizohamba ngayo, futhi nihambe ngendlela eholwa nguMoya oNgcwele. Lokhu kufuna ukubambisana ohlangothini lwabantu, okusho ukuthi, enikwenzayo ukufeza izimfuno zikaNkulunkulu ngani, kanye nendlela eniziphatha ngayo ukuze ningene endleleni efanele yokukholwa kuNkulunkulu.

Kuzwakala kuyinto elukhuni ukuhamba endleleni eholwa nguMoya oNgcwele, kodwa uzothola ukuthi inqubo ecacile uma indlela yokwenza icace bha kuwena. Iqiniso ukuthi abantu bangakwenza konke lokho uNkulunkulu akufunayo kubona—akazami ukufundisa ingulube ukucula. Ezimweni zonke, uNkulunkulu ufuna ukusombulula izinkinga zabantu athukulule nezinkathazo zabo. Abantu kufanele bakuqonde lokhu; bangadidwa uNkulunkulu. Indlela kaMoya oNgcwele ukusebenzisa izwi likaNkulunkulu ukuze kuholwe abantu. Njengoba bekushiwo ngaphambilini, kufanele ninikele izinhliziyo zenu kuNkulunkulu. Lokhu kuyisidingo esiqavile sokuhamba indlela eholwa nguMoya oNgcwele. Kufanele nenze lokhu ukuze ningene endleleni efanele. Pho umuntu uyinikela kanjani inhliziyo yakhe kuNkulunkulu ngenhloso? Uma nibuzwa ubukhona bukaNkulunkulu futhi nikhuleke kuYena empilweni yenu yansuku zonke, nikwenza lokhu ngokungaqikeleli—nikhuleka ngenkathi nisebenza. Ingabe lokhu singakubiza ngokunikezela ngezinhliziyo zenu kuNkulunkulu? Nicabanga ngezimo zasekhaya noma izinto zenyama; izinhliziyo zenu zihlezi zicazeke kabili. Ingabe lokhu kungabukwa njengokuthulisa izinhliziyo zenu ebukhoneni bukaNkulunkulu? Lokhu kungenxa yokuthi inhliziyo yakho ihlezi igxile ezintweni ezingaphandle, bese ingakwazi ukuphendukela kuNkulunkulu. Uma nifuna ukuba izinhliziyo zenu zibe nokuthula phambi kukaNkulunkulu ngokweqiniso, kufanele nizimisele ukwenza umsebenzi wokubambisana. Okuchaza ukuthi, ngamunye ngamunye wenu kufanele azinikeze isikhathi ekude nabanye abantu, izindaba, nezinto ukuze nizinikele esikhathini senu sokuthandaza, lapho nizokwazi ukuletha ukuthula ezinhliziyweni zenu nithule nithi du phambi kukaNkulunkulu. Kufanele nibe namanothi enu nganodwana lapho nizobhala khona ulwazi lwenu lwezwi likaNkulunkulu kanye nokuthi umoya wenu uthinteke kanjani, kungakhathalekile ukuthi lokho enikubhala phansi kujulile noma cha. Thulisani izinhliziyo zenu phambi kukaNkulunkulu ninenhloso. Uma ungazinikeza ihora elilodwa noma amabili empilo kamoya yangokweqiniso osukwini, lapho-ke impilo yakho ngalolo suku izoba ngenothile futhi nenhliziyo yakho iyoqhakaza futhi icace. Uma uphila lolu hlobo lwempilo kamoya nsuku zonke, lapho-ke uyokwazi ukunikela inhliziyo yakho kuNkulunkulu kakhulu nakakhulu, umoya wakho uyoba namandla nakakhulu, isimo sakho siyokuya ngokuya siba ngcono, uyokhula kakhudlwana ukwazi ukuhamba indlela eholwa nguMoya oNgcwele, kanjalo noNkulunkulu uyothulula izibusiso eziningi nakakhulu phezu kwakho. Inhloso yempilo yenu yangokomoya ukufuna ngenhloso kanye nokuthola ubukhona bukaMoya oNgcwele. Akukhona ukugcina imithetho noma ukwenza izinqubo zezenkolo, kodwa ukuphila nibanye noNkulunkulu kanye nokuqondisa umzimba wenu unithobele. Nakhu okumele abantu bakwenze, ngakho kufanele nizinikele ngako konke ukuze nikwazi ukwenza lokhu. Ngale nkathi kukuhle ukusebenzisana kanti nomfutho owufakayo umningi, kungale nkathi uzokwazi ukuphendukisela inhliziyo yakho kuNkulunkulu, futhi kungale nkathi uzokwazi ukuthulisa inhliziyo yakho ithi cwaka phambi kwaKhe. Uma usufinyelele isimo esithile, uNkulunkulu uzozuza inhliziyo yakho ngokuphelele. Akekho oyokwazi ukukuthonya noma ukuthumba inhliziyo yakho, futhi uyoba ngokaNkulunkulu ngokuphelele. Uma uhamba ngale ndlela, izwi likaNkulunkulu lizozambula kuwena ngaso sonke isikhathi futhi likukhanyisele kuyona yonke into ongayiqondi—konke lokhu kungafezeka ngenxa yokubambisana kwakho. Yingakho uNkulunkulu ehlezi ethi, "Bonke ababambisene naMi, Ngizobavuza ngokuphindwe kabili." Kufanele niyibone le ndlela ngokucace bha. Uma nifisa ukuhamba endleleni eyiyona, kufanele-ke nenze konke enikwazi ukukwenza ukuze nenelise uNkulunkulu. Kufanele nenze konke eniokwazi ukukwenza ukuze nizuze impilo yangokomoya. Ekuqaleni, ungangakwazi ukufeza nokuncane kulokhu, kodwa akufanele uzivumele uhlehle noma usibekelwe ukungabi nathemba—kufanele uqhubeke nokusebenza ngokuzikhandla! Ngale nkathi uphila impilo yangokomoya, kungale nkathi inhliziyo yakho izogcwaliseka ngamazwi kaNkulunkulu, ihlezi ifuna izindaba zikaMoya futhi ihlezi ikhathazeke ngalokhu. Emva kwalokho, ungadalula ukujula kweqiniso elisenhliziyweni yakho kuNkulunkulu ngempilo yakho yomoya, umtshele lokho ofuna ukukwenza, lokho okade ucabanga ngako, ukuqonda kwakho nokubona kwakho izwi likaNkulunkulu. Ungafihli lutho, ngisho nokuncane! Zejwayeze ukukhuluma amazwi angaphakathi enhliziyweni yakho kuNkulunkulu, Mtshele iqiniso, unganqikazi ukukhuluma okusenhliziyweni yakho. Ngale nkathi ukwenza lokhu kakhulu, kungale nkathi uzobuzwa ubuhle bukaNkulunkulu, nenhliziyo yakho izodonseleka kakhulu nakakhulu kuNkulunkulu. Uma lokhu kwenzeka, uzozwa ukuthi uNkulunkulu ungothandiweyo wakho kunanoma ubani omunye. Ngeke uphinde usuke eduze kukaNkulunkulu, noma kwenzekani. Uma wenza lolu hlobo lokuzinikela nokukhulumisana noNkulunkulu nsuku zonke futhi ungayeki ukucabanga ngako, kodwa ukuphathe njengobizo lwakho empilweni, lapho-ke izwi likaNkulunkulu lizogcwalisa inhliziyo yakho. Kuchaza lokhu-ke ukuthintwa nguMoya oNgcwele. Kuzoba sengathi inhliziyo yakho selokhu yayiphethwe nguNkulunkulu, sengathi selokhu kwakunothando enhliziyweni yakho. Akekho ongakuphuca lokhu. Uma lokhu kwenzeka, uNkulunkulu uphila ngaphakathi kuwena ngokweqiniso futhi unendawo enhliziyweni yakho.

[profoundlyzealoussheep-blog]

Imithetho YeNkathi Entsha

[profoundlyzealoussheep-blog]

Indlela Yokukhonza Ngokuvumelana Nentando KaNkulunkulu