Father's Day ngayon, pero sa amin hindi ko alam pero hindi ganon na-icecelebrate. Hindi ko alam kung hindi lang talaga nila trip icelebrate o walang budget pang celebrate. Lol. Pero, Happy Father's Day sa tatay ko! Hindi man kami ganon ka-showy sayo, kahit sa facebook o sa kung saan man. Ni hindi nga ko bumati sa facebook, nag-post ng picture at nag-message. I'm sorry for not being so sweet, just like you wanted us to be. Hindi kasi talaga ako ganong tipo ng tao. Yung showy ba, hindi talaga e. Alam ko namang hindi niya mababasa 'to, but still I'd do it. Sa totoo lang, late ko na nabati si papa. Netong patulog na nga siya, dun ko lang siya nabati. Eh kasi may pasok ako kanina, paguwi ko nagulat ako na may bisita kami, yung mga pinsan ko kaya parang nawal tuloy sa ulirat kong batiin siya. So, gumagawa ako ng plano sa isip ko paano ko siya babatiin. Medyo may pagka-sensitive kasi yun e, seriously. Minsan may mga dinadamdam siyang mga bagay-bagay na para sa akin mababaw lang pero iba pala yung dating sa kanya. Tsaka gusto ko rin naman sa sarili ko na mabati ko siya kahit na wala man lang din akong nabigay sa araw na 'to. Babawi na lang ako siguro balang araw, pag nagkatrabaho na ko or if ever next year. Hindi kami ganon ka-close ng tatay ko, pero in some ways medyo na rin. Noon talaga nung bata pa kami ng kapatid ko, hindi talaga as in. Siguro nung nag-hs na ko, namin siya medyo nakakausap na masyado. Kasi mas palagi na siya sa bahay nung mga panahon na yun. May mga bagay na ikinasakit ako ng loob dahil sa kanya, pero after a day parang kahit anong ikinasakit ng loob ko, mas nangingibabaw pa rin yung fact at pakiramdam na tatay ko pa rin siya no matter what. Nakasagutan ko na siya dati, dahil sa kemeng pagsisi niya sa pag-lovelife ko, na mas naiintindihan ko naman ngayon. Hindi ko man siya ganon nakakausap about serious matters towards my life. As in yung parang mga nangyayari talaga sa akin, na-isshare ko. Kahit minsan feeling ko, gusto niyang ganon kami. Na maging open, pero ang hirap e. Kahit naman ganon na di kami ganon ka-open, at alam ko namang hindi lang ako yung ganito, alam ko naman na nandiyan pa rin siya parati. He's the first man to love me in my life. The first man who loved me unconditionally, up until now. Lagi kong nararamdaman yung kagustuhan niya na protektahan ako, kasi 'babae' nga daw ako at anak niya ko. I always thank God for giving me a father, kasi kung wala naman siya wala din naman ako sa mundong 'to. At nag-iisa lang siya sa buhay ko, bali-baliktarin man ang mundo.
discoholicmusic
turnnoffyourmind
vaporwave
janainaart
