Repent~ @thdrjhnduran - Tumblr Blog

Curse

Lumipas na ang mga taon ngunit natatakot ka parin na baka magkataon na magkatagpo kayong muli. Ika’y binabangungot ng mga salitang nagmula sa kanya nuon, marahil ay nasabi niya lang yun upang ika’y lumayo o kaya yun talaga ang kanyang nararamdaman. Marami pang pwedeng dahilan, iba’t ibang posibilidad pero dahil wala pa kayo sa tamang edad may mga desisyon na sa tingin nila wasto ngunit hindi pala. Kung ano man yung mga dahilan na yun ay iyong tinanggap at niyakap ang katotohanan subalit pakiramdam mo may kulang sa iyo na tuwing siya ay napapadpad sa isipan mo, ikaw ay nalulungkot, nangingilid ang mga luha na animo’y walang dahilan.

Kayo ay nagsumpaan nuon na kayo ay magaantay kahit na kayo ay magkahiwalay. Kapag lumisan ang isa at bumalik, ang dating kayo ay manunumbalik. Pinapaniwalaang sana hindi ito kathang isip lamang pero sa katotohanan ikaw nalang ang nag nahihintay, magisa, habang siya ay di man lang lumingon at sumilip dahil siya ay may iniintay nang iba....

#animowtf

“Sa labas ng silid aralan ikaw ay tumambay abot tenga ang ngiti habang nagiintay, naghanda ng magandang suot pero makalipas ang ilang oras ng pagiintay di ka naman sinipot.”

#chikiting

200

Bagong yugto ng iyong buhay Napadpad sa daang walang kulay Nagtataka kung bakit ka narito at napatingala Siya’y tinahak ang daan paitaas at ika’y pababa.

Sinubukan na tila naghahanap ng sagot sa daan na ito. Pagkalimot nga ba ang solusyon kaya ka narito. Di pamilyar ngunit pinilit kabisaduhin ang bawat detalye, naghahangad na sana’y patuloy ka parin na sinamahan at di naisipang lumihis ng daan. Ilang taon palang at ika’y nagsasawa na sa kapeng paulit ulit ang lasa ng pait at sasabihing ang buhay mo kay pangit. Nananabik sa halik ng langit, subalit hanggang panaginip nalang. Maaring napili niya ang daan na iyon dahil sa mga ambisyon niya o marahil nagsawa na rin sa lasa ng kapeng matamis na iyong itinitimpla’y labis.

Isang araw ika’y naupo at napatingala Nakatingin sa langit habang nakaupo sa lupa Daan tungo sa kalawakan Hinangad tungtungan at siya ay samahan Bituin nais kamustahin at abutin Habang nasa karagatang bughaw at kay lalim Nalulunod magisa at napangiti ka Paningin ay lumalabo distansya ay lumalayo, napaisip ka Dalawang daan ay imposibleng magkatagpo pa

“Sa kapatagang kay lamig at sa mga ibon na di makaawit Inaantay ang ilaw na nagbibigay liwanag at init O araw, bumalik ka nang muli.”

Asul na pasko

Ang pasko ay malapit at nagbabadya na Ngunit ito’y kakaiba dahil malungkot ka Dumaan ang matitinding araw na wala siya Hanggang sa maintindihan mo na magisa ka nalang talaga.

Kung nuon ay masaya niyong iniintay ang pasko Ngayon ay inaalala mo nalang ang mga araw na magkasama kayo Ika’y napapatingin sa langit at nagtatanong kung bakit “Kamusta ka na?” ay ang mga salita na iyong iniisip.

#memalang

If I had to choose just one day to last my whole life through. It would surely be that sunday, the day that I met you.

Hinahanap-hanap

Kami ay pumunta sa isang cafe ng aking mga kaibigan. Nagkwentuhan at nagusap ng matagal kami at masaya ang mga kaganapan. Pero tuwing nagkakanya-kanya nang uwi ang tropa, tila parang mararamdaman mo na gusto mo pang makipagkulitan at hinahanap mo siya. Lalo na tuwing nagkakasama kami ng espesyal na tao para sa akin, tila hinahanap ko ang ugali niyang napakadaldal pag di na kami nagkikita ng ilang araw. Hinahanap mo rin ang amoy ng kanyang pabango na tumatatak sa utak ko. Ganto ba talaga ang pakiramdam ng isang tao? O sadyang ako lang talaga ako nakakaramdam nito?

Ang aking matalik na kaibigan

Kay hirap ng buhay ng isang kolehiyo. Di ko na magawa ang mga bagay na kadalasan na ginagawa ko parati lalo na ang makasama ang aking matalik na kaibigan. Hinahanap hanap ko siya tuwing gusto ko kumanta hanggang sa manakit ang aking lalamunan. Gusto ko siya makasama sa isang tahimik na lugar habang kaakbay ko siya at magiingay. Ang hirap maghanap ng oras para muling makasama ko siya. Isang beses lang kami magkasama sa isang linggo di tulad ng dati na araw hanggang gabi kaming magkasama, sa recess at sa labas ng school. Kasama ko rin siya habang kinakantahan ko ang mahalagang tao sa akin. Sana mabigyan na kita ulit ng oras na magkasama ulit tayo ng buong araw. Kung may buhay ka lang eh edi sana mas masaya. Magingay nalang tayo sa linggo aking matalik na kaibigan, aking gitara.

Aso at Pusa

Simula ng bagong araw at tila ang saya ng gising mo. Ika’y babangon para batiin ang iyong mga magulang. Kakain at magaayos para sa klase. Pero di mo makakalimutan na batiin ang tao na gusto at inspiration mo. Kayo ay magtatawanan sa maliit na oras bago pumasok sa eskwela. Pero isang pagkakamali lang o maling bitiw ng salita, nagkakaroon ng sigalot sa pagitan ninyong dalawa. Wala kang magagawa maliban sa paghingi ng pasensya sa kanya pero minsan hindi niya ito pinapayagan. Ika’y papasok ng mabigat ang dibdib at malungkot dahil sa away ninyo. Paguwi mo ay patuloy ka paring hihingi ng kapatawaran ngunit lalo lamang siyang nagagalit. Mahigit tatlong araw na ang nakalipas at magkagalit parin kayo. Gagawin mo na ang lahat para lang mapatawad ka niya. Mapapatawad ka niya at magtatawanan na kayong muli at maiisip niyo na ang inyong away ay tila away lang ng mga aso at pusa. Magaaway pero magbabati rin sa huli, at dito makikita ang tatag ng relasyon mo sa magulang mo, kaibigan, at pinakamamahal mo.

One Piece

Ikaw ay isang tao na umiibig sa isang babae na ninanais mo. Kung totoo ang nararamdaman mo sa kanya, gagawin mo ang lahat diba? Kahit na may gusto siyang iba o kaya di ka niya gusto at iba pang dahilan. Di mo pinapansin yang dahilan na yan at patuloy ka parin na nagmamahal. Binibigay mo lahat ng kaya mo para pasayahin siya pero sa kadulu-duluhan ay ikaw parin ang masasaktan. Dudurugin niya ang puso mo na tila ginamit ka lang niyang libangan. Ika’y sawi sa kanya, di mo alam gagawin mo pero minamahal mo parin siya ng sobra sobra sa ginawa niyang iyon. Nagantay ka ng ilang taon ngunit wala paring nangyayari. At nagantay ka nanaman hanganggang sa malaman mo na may gusto siyang iba, at ika’y sawi nanaman. Pero isang araw, sinaktan siya ng gusto niya at wala siyang matatakbuhan maliban sayo, palagi kang nasa tabi niya kahit na ayaw niya sayo. Naisip niya na mali ang minahal niya at dapat na ikaw nalang pala, sinubukan niyang buoin ulit ang puso mo, isipan mo at iba pa into one piece. Minsan ang pagiging martyr at marunong magintay ay nagtatagumpay, minsan kailangan mong magsakripisyo para sa kanya.

Sa Katapusan

Ako’y pumasok sa eskwelahan araw araw, may mga oras na iniisip ko na ito’y nakakasawa na. Papasok ako ng maaga, magaaral at magkakaroon ng mga bagong problema. Kung laging magiging ganto ang araw araw malamang magsasawa ka rin. Ngunit paguwi ko ng pagod at galit sa mga pangyayari, may espesyal na tao at kakausapin ako para kumalma at iyon ang pinakamasayang pakiramdam. Buong araw mo man ay magulo, di mo maintindihan at kagalit galit, sa katapusan ng araw ika’y sasaya rin sa magandang usapan.

Tama na

Sa araw araw na pagpasok ko sa eskwelahan. Nakikita ko ang aking mga kaibigan at mga kakilala, guro at mga iba’t ibang bagay. Kasama narin dito ang isang kaibigan na di ko maturing na kaibigan. Pakiramdam ko ginagamit niya lang kami, “parasite” sa ingles. Di na nahiya, araw arawin ba naman ang panghihingi at ang masakit pa, mas marami pa nakukuha niya kesa sayo. Kulang nalang ibigay mo yung baon na binigay ng magulang mo sa kanya eh. Ewan ko kung yan ang turo sa kanya ng mga magulang niya o yan natutunan niya sa school o kaya dala ng gutom. Pero kung gutom yun, pagbibigyan ko siya ngunit sobra sobra na ginagawa niya. Kumukha ng walang paalam at kadalasan aangkinin niya na. Kung meron kang gantong kakilala panigurado maiinis ka rin. May baon naman siya pero bakit niya kailangang gawin yun. Isa isa naming napapansing magkakaibigan ang ginagawa niya na parang walang hiya. Nagparinig ka na at lahat, tigas parin ng mukha. Ngayon alam ko na kung bakit nagpapakaplastic ang mga tao, dahil meron silang kailangan sayo. Isang beses na kumuha siya ng masking tape sa akin ng walang paalam. nirolyo niya halos buong tape ko para sa kanya sabay tanong “Anong ginagawa mo sa tape ko?” sabi niya “Kumukuha. Wala akong tape para sa drawing eh.” dinugtungan ko “Bakit mo kinukuha yung sakin ng walang paalam?” dahilan niya “Ehhh? Wala akong pera eh, ni pamasahe nga wala ako.” Makikita mo sa mga sinasabi niya na kasinungalingan yun. Dahil sa ginagawa niya inaayawan na siya ng tropa namin. Kung nababasa mo man to sana makiramdam ka.

Lunes

Isang ordinaryong lunes ng magising ako. Kumain, Naligo, at umalis ng bahay. Sa pagdating ko sa eskwelahan, ang mga kaklase ko ay may mga bagay na ginagawa pero wala akong ideya kung ano yun kaya naupo nalang ako at nagintay. Nung dumating yung pinakaabang kong teacher. Palaging napupuno ng katatawanan at sigla ang aking umaga sa husay niya sa pagtuturo pati narin sa pagpapatawa. Ngunit isang araw nang magsimula siyang lumubog at lumitaw sa mga araw ng lunes. Ako’y nagtaka at nalungkot sa bawat liban niya. Ang mga tawanan at kalokohan tuwing umaga ng lunes ay nawawala na paunti unti. Isang araw at lumitaw siya at nagturong muli, Lubos ang tuwa ng lahat at muling nakinig sa mga turo niya. Binanggit niya ang kanyang mga liban at dahilan kung bakit nangyayari yun. Natulala ang klase at sinusubukang pakinggan ang mga sinasabi niya. Ang lunes daw ang pinakamalas na araw niya para sa amin dahil sa problemang kinakaharap niya kaya nagliliban siya, susubukan parin niyang pumasok para lang matutunan ang mga nakaligtaang kwento at aral. Inintindi, pinakinggan at pinagdasal ko na sana gabayan siya ng Diyos sa problema niya at sana malutas niya ang mga ito. Ako’y isang hamak na estudyante lamang at wala akong malaking maiitutulong para sa aking gurong nangangailangan. Ang pakikinig lang ang tangi kong magagawa at panalangin para sa kanya. Maraming salamat sa guro kong iyon na nagturo kung pano lumaban kung alam mong tama ka. Ipaglaban mo ang bayan mo at mahalin mo ito. Araw ng lunes, isang araw na puno ng aral at katatawanan ang di ko makakalimutan.

Ulan

Isang gabi nang ika’y susubukang iwan ng pinakamamahal mong tao. Di malaman ang dahilan at bakit niya gagawin ang isang bagay na makakadurog ng puso mo. Pilit mong hinahanap ang iyong mali pero huli na ang lahat. Iiwan ka na niya ng walang pagaalinlangan. Sinubukan mong pigilan siya ngunit para saan pa kung ayaw niya na. Diyos na ang magsasabi kung mabubuo ulit ang anumang meron tayo. Naniniwala ako na di nasusukat sa swerte ang pagibig, ito ay tungkol sa tamang desisyon at pagpili at hindi swerte at hula. Pero sumugal ka. Nagbigay siya ng senyas na pag umulan kinabukasan sa ika pito ng umaga, ako’y babalik muli dahil sa Diyos na ang nagbubuklod sa atin. Sumangayon ka at nagintay ng umaga, kahit na alam mong wala kang pagasa dahil panahon ng El nino ngayon at malabong umulan.

Ikaw ay nagintay ng ika pito ng umaga na umulan. Ngunit ni patak ng tubig wala pa. Nawawalan ka na ng pagasa. Pumunta ka sa kanya para sabihin na di umulan. At umiyak ka sa harapan niya at tumango. “Umulan naman pala eh, patilain natin yang luha mo sa mata mo. Pasensya na sa kagabi, ako’y babalik na. ^^” Umulan din sa wakas.

Pag-ibig

Isa sa nagpapaikot ng mundo mo ay pagibig

Kada oras, minuto, segundo, ito ay iyong bukang bibig

Pagibig sa kapwa tao, kaibigan, pamilya ay masaya

Ngunit pag natagpuan mo, ang taong magiging katuwang mo

Tiyak na ibibigay mo lahat sa abot ng iyong makakaya

Pero sa kabila ng kasayahan

Meron ding pighati at kalungkutan

At dahil sa kalungkutang iyong nadarama

Maari kayong mas tumibay pa

Ngunit may mga pagkakataong di maiiwasan

Ang inis at di pagkakaintindihan

Na maaring mapunta sa hiwalayan

Nasa sa inyo na kung pano niyo iisipin

Basta ako. Nagmamahal, at handang masaktan at tiisin

Kasi sa pag ibig, magkasama palagi ang kasiyahan

At kalungkutan.

Merong kanta para diyan

Liebesleid nga pala ang pangalan

Kung gusto niyong pakinggan

Tiyak magagalak kayo sa taglay niyang tunog na may kagandahan.

#Mema

Hi

demo

It does not matter how slow you go so long as you do not stop.

Wisdom of Confucius (via demo)

Trending Blogs

Recently Viewed Blogs

Repent~