The Weakest Man in Babylon

there is no wisdom to your freedom

[theweakestmaninbabylon]

"Araks" Belçikadakı erməni miqrantların "Tchamkerten & Company" adlı şirkəti tərəfindən istehsal edilən Misir üslubu siqaretdir. Birinci Dünya Müharibəsinə qədər ən məşhur siqaret sayılırmış. Ümumiyyətlə, həmin dövrdə Belçikanın tütün dövriyyəsini Tchamkerten ailəsi başda olmaqla, Missirian, Matosian, Enfiadjian və Mirzabekianlardan ibarət beş erməni ailəsinin əlində olub. Antverpendə siqaret istehsal edən ilk fabriki qurublar. Misir, İsveçrə və İsveçdə də şirkətin fabrikləri olub. Ermənilər Belçika və qonşu ölkələrdə tütünlə yanaşı parça, xalça və almaz alverinin də əsas oyunçuları olublar.  Biznesi yaxşı bacardıqları, işə yaradıcı yanaşdıqlarını posterlərdən bilmək olur. Aşağı sağdakı posteri Parisdə yaşayan məşhur italiyalı dizayner Leonetto Cappiello hazırlayıb. 1922-ci ildə çap edilib. Soldakı poster isə 1932-ci ildə çap edilib. Ortadakı poster də çox iddialıdı. Üzərində yazılan “Le Reine des Cigarettes Egyptiennes” fransızca “Misir siqaretlərinin kraliçası” mənasını verir. 

[theweakestmaninbabylon]

İtaliyalı rəssam Karavacco "Cardsharps" əsərini 1594-cü ildə çəkib. Orijinalı ABŞ-da, Kimbell İncəsənət Muzeyində saxlanılır. Əsərin bir də ikinci orijinal nüsxəsi var. İkincidən 2006-ci ilədək heç kimin xəbəri olmayıb. 2006-cı ildə Böyük Britaniya vətəndaşı Lansolet Uilyam Tveyts əsərin bir nüsxəsini orijinal olub-olmadığını müəyyənləşdirmək üçün "Sotbis" hərrac evinə təqdim edir. "Sotbis"in ekspertləri rəsmə baxış keçirdikdən sonra bunun orijinal deyil, Karavacconun davamçılarından birinin orijinaldan çəkdiyi sürət olduğunu deyirlər. Daha sonra əsər hərracda 42 min funta satılır. Rəsmin yeni sahibi Denis Mahon isə onun Karavacconun özü tərəfindən çəkildiyini üzə çıxarır. Yəni, Karavacco əslində iki "Cardsharps" çəkmişdi. Bu kəşflə əsərin qiymətinin ən az 10 milyon funt olduğu müəyyənləşir. Tveyts keçən 2014-cü ilin oktyabrında “Sotbis”i əsərin çox-çox ucuz satılmasına səbəb olduqları üçün məhkəməyə verərək kompensasiya tələb edir. O, hərrac evinin ekspertlərini səhlənkarlıqda ittiham edirdi. Bu yaxınlarda London məhkəməsi bu işlə bağlı son qərarını verib. Qərarda “Sotbis” ekspertlərinin əsərin orijinal deyil, Karavacconun davamçıları tərəfindən orijinaldan çəkilmə sürət olduğunu fikirləşmələri üçün kifayət qədər əsaslarının olduğu qeyd olunur. Nəticəcə Tveyts “Sotbis”in məhkəmə xərclərini də ödəməli olur.

[theweakestmaninbabylon]

Little Miss Sunshine filminə alternativ intro

[theweakestmaninbabylon]

Çox möhtəşəm yumora sahib filmdi. Absurd və ziddiyyətli hadisələr, dialoqlar, soundtrack`lər,  Volkswagen Type 2 də daxil olmaqla, hamısı çox ləzzət elədi.

Breaking Bad`dəki Walter White`la (Bryan Cranston) Hank Schrader (Dean Norris) bu kinoda birgə çəkiliblər. Dean Norris yenə polis rolundadı.

15 yaşlı Dwayne rolunu oynayan Paul Dano`nun filmə çəkilərkən 22 yaşı var imiş. Film boyu Dwayne`ın tam adı heç vaxt səslənmir.

Babanın (Alan Arkin) istifadə elədiyi kokain əslində B vitaminidi.

Bir maraqlı söhbət də var. Filmin rejissorları Jonathan Dayton və Valerie Faris The Smashing Pumpkins`in 1979 adlı mahnısına klip çəkib. Filmdə Frank marketdə 19.79 dollar pul xərcləyir.

Filmdə Olive`dən (Abigail Breslin) başqa digər bütün müsabiqə iştirakçıları, həqiqətən, daha əvvəl bu tip real yarışmanın iştirakçıları olublar.

Maliyyə problemlərinə görə, filmin çəkilişləri 5 il davam edib.

Ən yaxşı köməkçi kişi rolu (Alan Arkin) və ən orijinal ssenari nominasiyaları Michael Arndt üzrə Oskar mükafatı qazanıb.

[theweakestmaninbabylon]

Cars in movies

[theweakestmaninbabylon]

Beer is made by Man, Wine is by God.