Ályktanir Þekking á málþroska barna hefur aukist á síðustu áratugum og nú er vitað að góður málþroski er nauðsynleg undirstaða lestrarnáms. Góð færni í að geta orðað hugsanir og komið þeim frá sér á skipulagðan hátt má telja til grundvallarmannréttindi í nútímasamfélagi. Erfiðleikar í máltjáningu geta haft mikil áhrif á samskipti og líðan. Málsýni eiga að endurspegla raunverulega máltjáningu barna við eðlilegar aðstæður. Málsýni koma ekki í stað staðlaðra prófa við að greina hvort um frávik í málþroska sé að ræða eða ekki en þau eru notuð samhliða stöðluðum prófum. Málsýni hjálpa til við að skipuleggja íhlutun og meta framfarir í kjölfar íhlutunar, nokkuð sem er oft erfitt að gera með stöðluðum prófum. Niðurstöður rannsóknarinnar hafa gildi fyrir alla þá sem vinna með og rannsaka málþroska leikskólabarna. Í framtíðinni væri spennandi að skoða betur máltjáningu barna með frávik, sem og barna sem læra íslensku sem annað mál. Jafnframt liggur á að skoða frekar þroskatengda málfræðiþætti eins og þeir birtast í sjálfsprottnu tali barna
Þessa fræðigrein fann ég á netla.hi.is. Hún fjallar um Málsýni leikskólabarna, aldursbundin viðmið.