من كام يوم كنت مرهقة ومش حمل ان باسل يعيط زيادة وكان بيشوف التليفزيون شوية وعاوزة اقفله، في العادي بتفق معاه ان ٥ دقايق وهنقفل واه بيعيط طبعا وبيحسسني اني ظالمة وبقطع متعتة في الحياة أو اسحبه لحاجة تانية ممتعة. اكتر او اي حاجة الا الكدب.
وقتها اضطريت اكدب عليه وقفلت الشاشة وقولتله الكهربا فصلت، معرفش شافني ازاي مع انه كان مديلي ضهره، قالي لا انتي قفلتيه بالريموت والريموت وراكي 😂 يمكن لانه كان عارف من البداية ان الريموت معايا
الحقيقة محبتش اكمل في الكدبة واقوله لا متهيألك وكده لانه واثق اني كدبت عليه، قولتله ايوة عندك حق انا مقولتش الحقيقة ان انا اللي قفلته.. وده فعل غلط جدا
في كل لحظة الواحد بيحاول يستصغر عقل الطفل ويفتكره ممكن يتضحك عليه او ممكن الطفل ده مش واعي للف والدوران والتلاعب بتاع تشتيت الانتباه اللي بجد مش بحبه لان الاطفال فعلا مش بتحب اسلوب بص العصفورة .. بجد الواحد لازم يراجع نفسه لانه زي ماهو استصغار لعقل الطفل زي ماهو تقليل من المربي لانه مش مباشر وصريح وبيواجه
او يمكن باسل هو كده، لو حاولت استخدم التشتيت ده اللي هو بدل ماتعيط تعالى نشوف حاجة تانية بسرعة، ده بجد بيعصبه اوي اللي هو لا انا بتكلم في حاجة دلوقتي، احنا ممكن نقعد نعيط ع الحاجة اللي مش عارفين نحصل عليها ونسمع مشاعرنا واحباطتتنا بحسه اسهل عليه واقل اثارة للعصبية من اني اشتته
وبجد مبسوطة انه فاهم وواعي للمشتتات ومش بينجرف وراها حتى لو ده شيء مرهق بجد بالنسبالي وفيها طبطبة ومواساة ولوم عليا وجدل خمسومية مرة في اليوم بس اتس اوكي المهم الوضوح في أي شيء حتى لو بيوجعنا شوية
ولان العالم مليان بأشخاص متلاعبين غير اسوياء وغير مباشرين وغير واضحين في كل مكان، وعشان الانسان يواجههم لازم هو يتعود على احترام عقله الصغير وتقديره والاعتراف بكل شيء بيحسه وبيحتاجه وبيمر بيه.. ومش كل اللي يقوله بص العصفورة يبص عليها
snowghoul
ellievsbear
amandla
gracieabrams
prguitarman
germansingergirl
romaincrisis
