الأســـد

@7alasd

833 posts

‏ما ندور بالجمايل على رد الجميل

‏نعتبرها لا جحدها الردي دفعة بلاء

‏أحب أنفع الطيبّ ولا أحب أضر اللاش

‏و إذا شفت أحد في حاجتي ما أستغليته

خلها على الله مابقا شيء ماراح

‏حلمي وهو حلمي تحقق لغيري

‏عهـدٍ عليـنا مـن قديـم الليـــــالي

‏لا نتبـع المقفـي ولا ونتـرك الجـود

‏نشـري مقـام العـزّ ولو كـان غالـي

‏وعمـرٍ بـلا نامـوس نـقـصٍ بـلا زود

‏احذر انك تتحداني على عزة النفس

‏واحذر تذلني وتحدني على القطاعه

‏ترى الكرامة مغروسة بصدري غرس

‏ترد قلبي عنك لو انك بكامل اندفاعه

‏غلاك ما يمحيه قل المواصيل

‏في كل حزه لك مع البال ميعاد❤️

‏وش عاد اسوي يومك اقفيت عني

‏لا انا اتبع المقفي ولا احب فرقاك

#الأســد

‏لا صار لك شخصً تحبه وتغليه

‏لا تدخله في كل طاري وسيره

‏سكر عيون الناس لاصارت شاريه

‏محدٍ في هذا الوقت يعطيك خيره

‏ما جبرتك للحب ياللي تغليت

‏الله يسهل دربك اللي مشيته

‏ما جاك مني غير طيبي و ياليت

‏تذكر مواقيف الوفاء ما نسيته

‏ياما على شانك من القلب لبيت

‏وياما على شانك قلوب جفيت

‏ياما لاجلك يالغلا جد ضحيت

‏وياما لاجلك بعت انا اللي شريته

#الأســد

‏والله مافيهم من لونك

‏لازين أوصاف ولا مذهب

‏أنت أغلى والباقي دونك

‏وأنت أحلى منهم وانت أعذب

‏و أنت اللي حبك مايخونك

‏و أنت اللي يخونك ماينحب

‏توك تدري أني مجنونك !

‏اجل من اول وش تحسب

لا تخليني على دربك وداعه

‏القلوب العاشقه ماهيب صلبه

‏ودي بوصلك لو إنه ربع ساعه

‏طالبك لو كان مافي الوصل طلبه

‏راضي في كل شي الا القطاعه

‏لا تقاطع واحدٍ قطعت قلبه .

ليت الزمان الي مضى يرجع شوي

‏يرجع على وقت اللقى يوم شفته

‏و اصد عيني كني ما شفت لي شي

‏و ابقى على مر العمر ما عرفته

‏لا تشد الوعود وحبالك رخيه

‏ولا تدق الصدر وافعالك رديه

‏امـا نـعـيـش وبـيـرق الـعـز مـرفـوع

‏ولا نـمـوت وبـيـرق الـعـز مـا طـاح

‏ماعاد توجعني خيانات الأحباب

‏وماعاد يصدمني الخوي لا تردا

‏الناس من علق عليها الأمل خاب

‏والدهر ماجابه مع الوقت ودا

‏من عذاب البرد جيت ابغى دفاك

‏واثرك بصادق حنينك لي شحيـح

‏لا غشاك البرد يا سمح المحيا

‏احطب الطارف من ضلوعي وشبه

الأســـد @7alasd - Tumblr Blog | Tumgag