︎

[9aqr]

أجلس مع الجلاس لو هم ثمانين

ويشرد بي الهوجاس كأني لحالي

[9aqr]

لو لبسوا ساقط الهرجه ثياب المديح

‏قلنا سحابه وبلت يابس ...حلوقها

[9aqr]

على شفا المجهول يالصدر الطليق

‏وعلى أمل غيمه وبارق مابرق

‏جاني من أبواب المسافه باب ضيق

‏محتوم مابيني وبينه مفترق

‏كل الكلام الي أقوله مايليق

‏دام السكوت اللي أشيله مافرق

‏من البحر دايم ينجون الغريق

‏المشكله باللي على الارض وغرق

[9aqr]

أنا مثل البحر طبعي عطا بس أوصيك

‏لا تامنه لا صار في يوم هَادي

‏أمواج غيضي لو تمرّك تنسيك

‏أيامك اللي عشتها في ودادي

[9aqr]

إرْحلْ على هامات الايام طايرْ

‏في موكب الأفْلاك بالعز سيّارْ

‏إِرْحلْ وللعدوان كسْر الخواطِرْ

‏شافوا الوطن سجّل لك المجْد تذْكارْ

[9aqr]

صقر رجعت حسابك انستا ولا ؟؟

لا والله

[9aqr]

من لاشرى دفع البلاء من حلاله

‏وخلىّ من اللي خاطره ناشبٍ فيه

‏وتصدد من الشر لا جاء مجاله

‏وحاول يسكر بابه اللي يغذيه

‏دفع ثمنها من حلاله و حاله

‏وقعد يقاسطها حقوق ومشاريه

[9aqr]

يامن على ثاير فؤادي تولى

‏خلك على قلب الكرامه شفوقي

و مارحت أدور كل زول تحلى

‏لولاك تسوى ما عطيتك خفوقي

[9aqr]

لا و الذي اوقد من النار صدري

‏اني دفنت اللي دفنته حشيمة

‏و اني سكت من المعاذير بدري

‏لأني جعلت لخاطر الوقت قيمة

‏و اني تغيفلت الذي عنْه ادري

‏لأني تعاظمت السيوف القويمة

[9aqr]

‏انا الحضور اللي مايشبه للغياب

‏وانا الغياب اللي شعر به من حضر

‏لا جيت مثل المزن في عرض السحاب

‏وغيري سحابٍ ما يجي منه مطر

[9aqr]

‏أسافر عنه من ديرة لديرة

‏عساي أسلاه لكن ما حصل لي

‏أهوجس فيه و أنسى اني نسيته

‏و افكر في ليال قد مضن لي

[9aqr]

حانت الفرصة ولكن ما انتهزت الفرصة

‏جيت ابغنمها وعيّت شيمتي وأخلاقي

[9aqr]

اسمها دنيا ولا فيها كبير

والكبير الله ولا غيره أحد

في نهايتها الغني مثل الفقير

كلهم نفس الكفن نفس اللحد

[9aqr]

توديع الأحباب مثل الموت له سكره

‏ أدما جروحي وشق الصدر منيا

‏والقلب طير ضلوع الأدمي وكره

‏لا شاقه الطلع لا سلم ولا حيا

‏مصير الأحزان تنساني وتفتكره

‏ماكل الأيام بيض وسمحت محيا

‏قل غيرها منت لامجبر و لا مكره

‏لاصار ما هو غلا مبيلك احميا

[9aqr]

‏انا الشموخ اللي تحدى الانكسار

‏وانا العناد الصعب لو اني جريح

[9aqr]

لاتعوّد ذكرياتك على شخص و مكان

‏وكل حاجه ترتبط بـ المحبّه ؟ كبها

‏لا تبالغ فالتعلق ترى طبع الزمان

‏يسرق الحاجه على قدر منت تحبها

[9aqr]

أحدٍ على شانه تجوز المشاريه

‏وأحدٍ تعدى بالخطايا حدوده

‏ومن لا يعزك لا تعزه وتغليه

‏ومن لا رفع قدرك تجاهل وجوده