Ni hindi nga ako nagsasalita o kumikilos na ayaw ko po sa inyo. Wala kayong naririnig sa akin. Iniingatan ko yung galaw ko, dahil may gawin ako o wala alam kong may masasabi kayo. Simula po umpisa, wala kayong narinig sakin na masama. Ginagalang ko kayo. Pinalaki po ako ng maayos ng magulang ko. Alam ko kung paano po gumalang sa mas nakatatanda sakin lalo na't magulang kayo ng asawa ko. Kahit ang dami dami kong nababasa na chat ninyo sa anak nyo patungkol sa akin na di magandang salita di ako kumikibo sa inyo. Kasi sabi ng asawa ko, pagpasensyahan ko dahil tumatanda na kayo. Pero hindi ho ba't kung tumatanda na kayo dapat na mas alam ninyo kung nakakatapak na kayo ng tao? Nahihiya po ako sa inyo sa tuwing nakavideo call kayo sa anak at apo ninyo. Gusto nyo na humarap ako palagi kapag tatawag kayo, paano naman po yung iba kong ginagawa? Alam ko naman po na mas priority nyo kamustahin yung anak at apo nyo, bakit ako makikiagaw ng atensyon? Hindi ko po kasi magets kung ano pong gusto nyo gawin ko. Nung nagkaroon ng bagyo sa inyo, nagchat pa po ako para mangamusta at magpaalala na mag iingat kayo, pero wala po kayong reply. Ganun po ba yung bastos sa inyo? Sobrang bigat po sa pakiramdam na hanggang ngayon e ganyan pa rin po pala yung tingin nyo sakin. Inaaway nyo pa po yung anak nyo at sinasabi nyo na magsama kaming dalawa. Malamang po may sarili ng pamilyang binuo yung anak nyo, mas priority po kami. Pero hindi po ibig sabihin nun na pababayaan nya kayo, dahil simula naman po ng nagsama kami, hindi po sya nakalimot sa inyo. Kung tutuusin nga po sobrang swerte nyo sa mga anak nyo. Hindi nyo lang po talaga sila naaappreciate. Sobrang bait ng mga anak nyo sakin. Wala ho akong masabi. Tinuturing nila ako na kapatid na nila dahil nga asawa po ako ng anak nyo. Pero hindi ko po alam kung bakit kayo hindi nyo ako maituring na anak ninyo. Uulitin ko po na wala akong ginagawang masama sa inyo. Kung nagaaway po kayo ng asawa ko/ anak nyo, wag nyo na po ako idamay palagi. Hindi nyo po alam kung gaano tumatatak sa isip ko yung mga salita ninyo.
Sa dami-rami ng taong nakasalamuha ko, ni-isa walang nagsabi na pangit yung ugali ko o bastos ako. Kaya hindi ko po matatanggap yung sinasabi ninyo sa akin na ganyan akong tao. Pasensya na po kayo. Nasa sa inyo na po yun kung ganyan po yung gusto nyo isipin. Basta yung galawa at ipinapakita ko po sa inyo, eto po yung totoong ako. At kahit kailan, hindi ko po kayo binastos.