Alfasef

[alfasef]

هلت امطار نجد ياجعلها دوم

العذيه في سماها رعدها

راشـد محمـد ✍🏻

[alfasef]

هلت امطارها يا جعلها دوم

نجد العذيه في سماها رعدها

راشـد محمـد✍🏻

[alfasef]

انا لو حطوا الدنيا بعيني عشان اجفاك

تركت العين و الدنيا و جيتك فاقدٍ شوفي

[alfasef]

لا قادر اقرب ولا قادر انساه

ومشاعري له ما تمللت منها

رحنا و قلبي محتفظ في بقاياه

حاجات ما تغنيني الناس عنها

كلامه اللي كل ليله وانا اقراه

والصورة اللي لا بكيت احتضنها

[alfasef]

دام وصلك فيه شي من المذله

اعتبرني فرصةٍ جاتك و راحت

يا مطيِّح دمعتي ودعتك الله

والله انك طحت معها يوم طاحت

[alfasef]

كنت اظن ان مالك بصدري بقايا

لين جابوا طاريك و انهار ظني ..

[alfasef]

يحسب إنّا بنترجى و نتوسل في وصاله

ونتعنّى لجل نرضي خاطره .. لله درّه

والله إن يبطي ولا نرجيه حتى في رساله

و إن بعثنا له رساله والله انها ما تسرّه

[alfasef]

انا الفـارق و النـادر و الثميـن

قلبـي عظيم و محظوظ من كسبـه

[alfasef]

ليتنـي ياسعود مثل الطير بجناحين

واهـج كل ما ضاقت علي الوسيعـه

[alfasef]

اغدي بهالدنيا لحالي و تمر سنين

ليت تعوّد لي ذكرياتي بيوم ياليت

اسهر ليلي اواسي قلبي هالحزين

واتذكر الماضي يوم اني لك تعنيت

زارني طيفك و زوّد بقلبي الحنين

و اشكي له يوم رحلت عني و اقفيت

احكي و تنهمر دموعي من هالعين

ليتني ما رديت على طيفك و لا حكيت

[alfasef]

طلبت البعد و انا ما ارد لك كلمة

وهاذي غيبتي بانت مواريها

من افواه دنياي اخذ الحكمه

واكمل عمري و سيرتك اطويها

احاول امسح من اوجاعي الدسمه

وجروحي بيجيني من يداويها

ابيع الحب اذا انباعت الرحمه

وعيوني ما يعيش اللي يبكيها

[alfasef]

قولوا له اني بخير من يوم فرقاه

صدري وسيع و خاطري مسفهلي

من عقب ما بانت خفايا نواياه

صديت عن درب الهوى حشمةٍ لي

[alfasef]

خلك على عنادك اللي ما تمـله

وانا على عنادك بارحل و اخليك

بكره تجيني دمع عينك تهـله

و اقول لك مالي بحبك و لا ابيك

وش لي بقلبٍ كل حبه مذلـه

دور على غيري حبيبٍ يصافيك

راح الزمان اللي لك القلب كلـه

وراح الغلا اللي لك بقلبي و طاريك

[alfasef]

و من بغـى فرقـاي جعلـه مذاليـف القطـى

ما حسبتـه مربـح لجـل احسبـه راس مـال

[alfasef]

عز الله اني عايف الناس يا سـعود

ودي اصد و صدتي خير صده

ما عاد بي شده على كل منقود

ولا لي على هرج المخاليق شده

[alfasef]

بكره يمر احلى من اللي نويناه

بكره تزين و بعون ربي و تمضي ❤️

[alfasef]

قريب لو كان زولك عن عيوني بعيد

يا واحدٍ كل ما اقفى راح قلبي معه