Space Dust

يجوب المجرة لشراء الحلويات

[butha1ina]

love being a girl

[butha1ina]

مسلسل ورد على فل وياسمين لطيف أوي، محتاجين النوعية دي من المسلسلات كتير زهقنا من البلطجة والوساخة اللي بقت مالية التليفزيون والشوارع

[butha1ina]

من يأخذ مني الأرق وأعطيه مليون دولار

[butha1ina]

جماعة فاكرين الفيس بوك بتاع زمان من يجي ١٥ سنة كدا لما كنا بنستعمله اكتر حاجة للشاتينج وأي حد عجبتك صورة البروفايل بتاعته تقبل الأدد وتدخلوا تتعرفوا على طول وتبقى لسه سايب صحبك في الدرس تروح تلاقيه فاتح تتكلموا ولا كأنك كنت لسه معاه..الحياة بقت بهذا التعقيد كدا امتى ؟ وازاي الأجيال الجديدة طالعة منعدمة الشغف كدا وغلسه من غير أي تجارب !

[butha1ina]

بحس الحمار كائن طيب أوي وأكتر مخلوق بحس بتعاطف ناحيته عشان أكتر حيوان بيساء معاملته في مصر وبنحمله فوق طاقته، لسه بقى مخلصة فيلم اسمه EO بيتكلم عن حياة حمار خلصت دموعي عليه

[butha1ina]

يمكن حياتي مش مثالية بس عندي بلكونة واسعه

[butha1ina]

حد مدخلني في جروب للحوامل عليه كمية رجالة بالعبيط وأكونتات فيك يعني تخيل قلة الأخلاق والمروءة لما تبقى واحدة حامل منزلة بوست بتسأل عن حاجة وتلاقي واحد عامل نفسه دكتور نسا بيقولك ابعتيلي خاص الرجالة المصرية عندها كبت جنسي مثير للإشمئزاز

[butha1ina]

أنا لولا الركعتين اللي بصليهم في القيام والفجر كان زماني فقدت عقلي

[butha1ina]

أمي انهاردة قالتلي ساعات كتير بتمنى لو أمي كانت عايشة عشان أخد رأيها في حاجات وتقولي أعمل إيه

مكنتش جاهزة أتأكد من فكرة إن الإنسان بيفضل محتاج أمه طول عمره

[butha1ina]

يا رب زي الأيام دي السنة الجاية تكون رازقني في عفو وعافية بطفل سليم معافي حسن الخَلق والخُلق

[seerraaa]

اللَّهُمَّ أَخْرِجْ مِنْ أَصْلَابِنَا ذُرِّيَّةً صَالِحَةً تُحْسِنُ عِبَادَتَكَ🤍.

[butha1ina]

بدون تدخلات بشرية

[butha1ina]

الذكور المصريين بقوا أنطاع أوي إلا ما رحم ربي

واحدة منزلة انها متجوزة في ايجار وانها قدرت توفر تمن الشقة تمليك من مرتبها وهتكمل الباقي بجزء من ورثها وهتشتريها وتكتبها بإسمها عشان تبقى شالت عن جوزها عبء الايجار، فبتسأل ازاي تقدر تعمل دا من غير ما تسبب حساسية بينها وبين جوزها، ف الرجالة تقولها خليه يديكي الفلوس اللي بيدفعها للإيجار تعملوا بيها حاجة لعيالكم عشان متمسيش رجولته أو تِخلي ايده من المسؤلية أو يقولولها هاتي شقة تاني وأجريها، لأ يقولولها اكتبيها بإسم جوزك وانت مخوناه ازاااي خلاص معدش في ثقة في الدنيا واسطوانة المودة والرحمة اللي مش بتشتغل غير عند الست، واللي يقولها يا تقبلي تعيشي معاه كدا يا تطلقي أحسن ، واللي يشكك في مصدر الفلوس !

عمومًا أنا بقيت فاهمة أوي انهم بيتجننوا أول ما بيشوفوا ست شغالة ومعاها فلوس، عشان الفقر وقلة الحيلة وحشة

الحكومة فشخاهم والظروف الاقتصادية فشخاهم

لا عارف يكلم الحكومة ولا صاحب الشغل ولا عارف يعيش عيشة آدمية ف مين الطرف الضعيف في المجتمع اللي هيرمي عليه اللوم ؟

[butha1ina]

الجرايد دي كانت محتفظة بيها خالتي الله يرحمها..كانت أول ثوريه جريئه أشوفها في عمري، كانت صعبه في تعاملها وشديده أوي لكن على حق وطيبة في نفس الوقت جدًا، بتشوف إن البنات الشاطره الجدعة أحسن من مية ولد وإن الولد الضايع يغور، وكانت ضد نظام مبارك على طول عاشت تحلم بالثورة طول عمرها وأول واحده تعرفني على بلال فضل وتخليني اقراله مقالته الاسبوعيه في الجرايد وتناقشني في السياسة من إبتدائي، وكانت من أوائل البنات اللى اتعلموا في البلد واشتغلوا وكانت ست في منتهي الشياكه بتلبس بیریه وجیبات وفساتین وبتشتغل في مصلحه السكة الحديد وكانت مبتتكسفش تقول لحد إنه غلط في وشه..كانت مصممه تعلم أطفال العيله أهميه القرايه فبدأت تجيبلنا مجلدات ميكي ومجلات ماجد وسمیر وفلاش والعربي تجیب ۳ نسخ من كل مجله نسخه لينا ونسخه لبیت خالي في بيتهم ونسخة لبيت خالي في بيت جدي، ولازم تقرأ الجرايد وتجيبها يوميًا لحد وفاتها..كانت بتحب نجيب محفوظ ويحي حقي واحسان عبد القدوس وقرأت كل رواياتهم.. كانت بتاخدني معاها الشغل كتير اوي وتخليني امضي معاها في دفتر الحضور وتجبلنا لبس خطير من القاهرة وياما سافرت معاها لوحدنا وافتکر بردو إنها أخذت إذن تأخير من شغلها عشان تروح ۹ أو بعد ۹ لإنها كانت ست رايقة لازم تصحي الصبح تشرب الشاى بلبن بتاعها بهدوء على الكنبه اللي تحت الشباك الكبير في الصالة وتستمتع بهوا الصبح وتبدأ تلبس وتروح الشغل ٩.. حبيبتي رحمه الله عليها كانت لازم تجيلنا على الأقل مرة فى الأسبوع من وقت ما أنا وعيت على الدنيا لحد ما طلعت معاش وتعبت معادتش تيجي..علمتني إن مدام معايا الحق افتح بوقي في وش أي بني آدم وماخافش أبدًا، فالله يرحمها حقيقي هي وكل اللى سبقونا

[butha1ina]

أنا أغلب الوقت زعلانة بسبب إن أمي اتجوزت وهي ٣٣ سنه وأبويا ٤٠ وخلوني عايشة في قلق بسبب سنهم. لما بشوف حد قدي في السن بيقول أمي عندها ٤٥ سنة ولا أكبر شوية بغبّطه وبقول في نفسي نعمة مش داري بيها أكيد..بعدين أرجع وأقول الأعمار بيد الله و أدعيلهم بالصحة وطولة العمر

وأتمنى أخلف بدري..مش عايزة عيالي يعيشوا نفس القلق دا يا رب

يا رب احفظ أهلنا

وطمن قلوبنا

واكتب لنا العمر الجميل مع اللي بنحبهم

[butha1ina]

والله أعظم عدو للمرأة في مصر واحدة ست sexually frustrated

[butha1ina]

بتفرج على مسلسل مصري فيه شخصية انتهازية ما بتقول أنا جمعت من أكرم ٩٠ مليون جنيه، بس مقابل المعلومات اللي هتاخدها مني هاخد ١٠ مليون قولت ايه الطمع دا معقول الملايين دي كلها وعايز تاني

بعدين افتكرت إن من سنة مكنش معايا فلوس أجيب الماك بوك..أنا مكنتش حطاه في حساباتي أصلا شيفاه حاجة أكبر من إمكانياتي ومستوايا ف كنت راضيه وبحوش عشان اجيب لابتوب فئة متوسطة ولما جبته كنت مبسوطة بيه أوي وحاسة إن معايا اللابتوب البريمو عشان بيلف ْ360، دلوقتي لما بقى معايا تمن الماك بوك اللي كان عاجبني مبقاش عاجبني وبدور على أحدث اصدار الله يرحم الإنسان مبيشبعش