CATRIN EURON

Merch 21 oed sydd yn hollol obsessed efo 'pop culture', rhaglenni teledu, ffilm, cerddoriaeth a bwyd.

[catrineuron]

Dyma fi yn adrodd y gerdd Trafferth mewn Tafarn gan Dafydd Ap Gwilym. Gwaith i'r modiwl Cynhyrchu yn y Cyfryngau. Mwynhewch.

[catrineuron]

Prosiect Ymchwil - Gwefan

Un o'n aseiniadau yn ddiweddar oedd prosiect Ymchwil. Roeddym yn gorfod pigo gwefan, a gwefannau roedd yn debyg i'r gwefan yna a ymchwilio a gwneud adroddiad arnynt. Wnes i bigo Vimeo a wedyn ei gymharu efo YouTube, Yahoo!Video a DailyMotion. Roedd rhaid i fi gymharu pa mor rhwydweithiol oedd pob gwefan, y edrychiad, faint mor hir oedd y fideos yn gallu bod ac yn y blaen.

[catrineuron]

Ymdopi a Derbyn

Dyma'r ddwy ffilm roeddwn i'n gorfod gwneud i aseiniad Cynhyrchu yn y Cyfryngau. Roedd pob ffilm yn gorfod bod yn 30 eiliad o hyd, dim deialog, ond yn gorfod cael dechrau, canol a diwedd. Dewisiais wneud un fi am merch roedd yn derbyn roedd ganddi broblem efo bwyta, hynny yw bod hi'n defnyddio bwyd i ymdopi a pethau. A wedyn ei bod hi'n derbyn bod ganddi broblem. Ond ei bod hi'n wirioneddol derbyn hyn a bod hi ddim am newid i neb. Mwynhewch!

[catrineuron]

Yr Wers Hanes / The History Lesson.

Blwyddyn dwythaf cefais y pleser o fod yn gynorthwy-ydd cynhyrchu ar y ffilm fer 'The History Lesson'.  Cwmni Winding Snake (cwmni cynhyrchu ffilmiau sydd wedi ei leoli yn Canton, Gaerdydd) oedd y cwmni oedd yn gwneud y cynyrchiad, ond cafodd ein cwrs ni yn y Brifysgol siawns i helpu gwneud y ffilm. Profiad gwych.

[catrineuron]

Don Jon - Adolygiad ffilm a gwasanaeth 'ShowFilmFirst'.

Yn mis Tachwedd fues i ddigon lwcus i gael tocyn am ddim i fynd i weld Don Jon.

Os rydych yn rhoi eich manylion i gwasanaeth 'ShowFilmFirst' fedrych gael gwybodaeth am sut i gael tocynnau i weld ffilmiau am ddim ac yn aml rhyw fis cyn iddynt gael ei rhyddhau i'r cyhoedd.

Ffilm amdan obsesiwn dyn efo 'Porn' a sut mae'r obsesiwn yma yn dinistrio ei obeithion o gael perthynas a bywyd rhyw iach. Joseph Gordon-Levitt sydd yn chwarae'r prif gymeriad a Scarlett Johansson yn chwarae ei gariad. Mae'r ffilm efo negeseuon pwerus am sut mae pethau fel Porn a pethau eraill fel ffilmiau a rhaglenni teledu yn gallu ystofi beth rydym yn goelio i fod yn iawn neu ddim, a yn y ffilm yma, cael perthynas iach. Ond er hyn roedd na rhannau doniol a dor-galonus i'r ffilm, doeddi ddim yn ffilm ddiflas!! Ffilm dda dros ben.

[catrineuron]

Y Bont

Yn mis Chwefror 2013, (yn benodol y 3ydd o Chwefror 2013) mi wnaeth Theatr Genedlaethol Cymru gynnal cynhyrchiad, byw, rhyngweithiol o'r enw 'Y Bont' yn Aberystwyth.

Cynhyrchiad a oedd yn atgofio digwyddiadau y Protest ar bont Trefechan 50 mlynedd yn ol yn 1963. Penderfynodd Theatr Genedlaethol Cymru i gynnal y cynhyrchiad ar cylchwyl y brotest. Cafodd y gynulleidfa o 500 o bobl ei arwain o amgylch Aberystwyth. Roedd y gynulleidfa yn stopio mewn llefydd penodol o gwmpas y dref i wylio yr actorion yn ailgreu digwyddiadau'r protest, e.e rhoi posteri ar y Swyddfa Bost ac ati. Roeddwn i yn rhan o'r tîm digidol, swydd ni oedd gwneud siwr roedd presenoldeb y cynhyrchiad ar y wê, yn benodol ar y Cyfryngau Cymdethasol, hybu y cynhyrchiad a rhoi cyfle i pobl oedd methu bod yna i ddilyn y cynhyrchiad hefyd. Roeddwn i yn gwneud Vines (app ar iOS sydd yn galluogi chi wneud clipiau ffilm bach 6 eiliad) o'r cynhyrchiad, felly roedd hyn yn galluogi bobl gael blas byr o'r digwyddiadau yn Aberystwyth. Roedd o'n brofiad gwych cael cofnodi y digwyddiad yma.

Dyma rhai o luniau ardderchog a gymerodd y ffotograffydd Keith Morris o'r digwyddiad. (Dwi wedi cael caniatad)

Diwedd y ddrama ar y bont.Y prif gymeriadau wedi aduno. Dwi ar y dde yn y blaen yn gwisgo côt goch.

Rhai o'r bysus hen ffasiwn oedd yn cludo y gynulleidfa o amgylch Aberystwyth.

Un o'r 'protestwyr' yn rhedeg i ffwrdd.

[catrineuron]

Noson yng Nghwmni John Ogwen.

Nos Sul y 10fed o Dachwedd, cefais y pleser o fod yn rhan o’r gynulleidfa yn recordiad ‘Noson yng Nghwmni John Ogwen’ yn stiwdios Enfys yn ardal Splott yn Gaerdydd. Cawsom wledd o noson, llawn adloniant difyr.

Mi wnaeth Côr y Penrhyn a Hogiau’r Bonc ganu i ni, a wrth gwrs wnaeth Mr Ogwen ei hun wneud llawer o ddarnau ei hun, rhai doniol a diddorol! Roedd rhain yn cynnwys dyddiadur ci o’r enw Pero, darllen golygfa allan o Un Nos Ola Leuad a dweud ambell i stori am ei fywyd cyffrous fel actor. Doeddwn i ddim yn ddim wedi diflasu o gwbl yn ystod y recordiad, a gweld y trefn a pethau tu ôl i’r llenni (BTS) mewn stiwdio teledu yn ystod recordio rhaglen. Dyma rhai lluniau o’r noson: Yr Stiwdio cyn i’r recordio ddechrau, pawb yn paratoi.

Dyma y Côr a John Ogwen ar ôl y recordio.

[catrineuron]

Dyma fy mhecyn i'r Prosiect Radio (Modiwl Cynhyrchu yn y Cyfryngau). Mae o amdan records/vinyls. Mae'r clip yma tua 2 funud a 35 eiliad o hyd. Happy listening!

[catrineuron]

Dyma fy Wrap nes i i'r prosiect Radio (Modiwl Cynhyrchu yn  Cyfryngau) sydd yn sôn am Vinyl. Mae o tua 41 eiliad o hyd. Mwynhewch!

[catrineuron]

Gorffen yr Prosiect Radio.

Wnes i gwblhau yr Prosiect Radio, yn y diwedd hyd y Wrap oedd 40 eiliad yn union a'r Pecyn yn 2 munud a 30 eiliad. Nes i fwynhau gwneud y prosiect yma yn fawr iawn ac yn fras dyma cynllun fy Prosiect.

Wrap:

Sting

Intro

Cyfweliad efo un o gweithwyr Siop recordiau Spillers.

Cerddoriaeth gan David Bowie - Fame fel Bed.

Outro

Sting

Pecyn: 

Yn fras yn y pecyn nes i roi cerddoriaeth gan David Bowie, Arctic Monkeys, Michael Jackson, Edward H, Daft Punk a Dafydd Iwan fel 'Bed's'. Dau gyfweliad efo pobl sydd yn gweithio mewn siopau record (Spillers a Catapult.) Prif bwynt y Pecyn oedd i gwestiynu a oes dyfodol i'r Vinyl? Ges i atebion, ond dim rhai pendant. Yn sicr mae o wedi ffynnu mewn rhai genres (alternative dance, underground dance etc) a wedi cael atgyfodiad yn y genres indie/alt/rock. Yr unig beth roeddwn i'n gallu tynnu o'r cyfweliadau bod y vinyl yn mynd i ffynnu am rhai flynyddoedd ond pwy a wyr faint wneith hynny barhau? Ansicr iawn.

I GLOI:

Ar ôl gwneud y prosiect yma, dwi wedi dod i ddeallt y vinyl a'i arwyddocad yn y gymdeithas, yn enwedig i bobl sydd yn mwynhau gwrando i gerddoriaeth. Pam? Maent yn mwynhau y Vinyl oherwydd ei bod yn mwy dilys, escliwsiff o wrando ar gerddoriaeth. Mae pawb efo CD neu albwm ar iTunes, ond dim pawb sydd efo LP ar vinyl!! Dyna sut mae o i llawer o bobl, neu/a maent yn hoffi swn Vinyl yn well na swn CD neu mp3's. Mae'r prosiect yma wedi bod yn ddiddorol iawn a dwi'n falch iawn nes i ddewis y pwnc yma.

[catrineuron]

Cwestiynau yr Prosiect radio.

Gofynnais nifer o gwestiynau i'r bobl yn y siopau records.

Dyma rhai o'r cwestiynau nes i ofyn:

Pam ydych chi'n meddwl bod y Vinyl wedi dod yn boblogaidd eto ?

Sut gafoch chi diddordeb yn y Vinyl?

A wnaethoch chi gael eich chwareuwr vinyl gan eich rhieni neu rydych wedi prynu un?

A wnaeth RSD (Record Store Day) helpu hybu y vinyl?

Ges i nifer o atebion gan yr gweithwyr yn yr siopau record, ond oedd rhaid i mi dorri rheini lawr i'r pecyn fod o dan dwy funud a thri deg eiliad.

[catrineuron]

Cyfweliadau Prosiect radio.

Dwi wedi cyfweld a dau o bobl i'r prosiect. Barry o Spillers records a Lucy o Catapult Records. Ges i gyfweliad hir a swmpus efo Barry, a cyfweliad eitha' byr efo Lucy. Er bod hyd y ddau gyfweliad yn wahanol, mae nhw'n gret. Pam? Oherwydd ges i yr atebion i fy nghwestiynau. Genai ddigon o glipiau i ychwanegu at y Pecyn/Wrap. Diolch byth.

[catrineuron]

Sut ydwi am wneud y prosiect Radio?

Wel, dwi am ddefnyddio offer dwi'n gallu benthyg o'r llyfrgell y yr ATRiuM. Rydych yn gallu benthyg bob math o bethau o'r llyfrgell: camerau, offer recordio sain, cyfifiaduron, cardiau cof a co' bach (USB's). Dwi am fenthyg Flash mic neu Audio Marantz gan ei bod yn hawdd ei ddefnyddio ac yn gyfleus (ddim yn rhy drwm a dwi'n gallu ei gario i bobman). Wedyn fyddai yn uwchlwytho'r ffeiliau dwi wedi recordio ar y cyfrifiadur a wedyn ei olygu ar Adobe Audition. Dyna darlun fras.

[catrineuron]

Project modiwl Cynhyrchu yn y Cyfryngau.

Un o prosiectau ni i'r modiwl Cynhyrchu yn y Cyfryngau ydi ein bod ni yn gorfod gwneud Pecyn a Wrap, a defnydd gweledol i gyd fynd a hwnna. Felly prosiect Radio yw e. Dwi wedi dewis gwneud fy mrosiect i ar Vinyls gan fy mod i yn hoffi gwrando arnynt a'i casglu. Rheswm arall ydi hefyd ei bod nhw wedi cael llawer o sylw gan y Cyfryngau yn ddiweddar oherwydd bod ystadegau swyddogol yn dweud bod y ffigyrau o'r vinyls sy'n cael ei gwerthu wedi codi, a bod 550,000 o wedi cael ei gwerthu blwyddyn yma yn unig. Yr rhif uchaf mewn 10 mlynedd!! Edrych 'mlaen gwneud y prosiect.

[catrineuron]

MY MHOST CYNTA'!!!!

Hwre, dyma fy mhost cynta' ar y blog. Mae llawer mwy o byst diddorol (a hirach) ar y ffordd bobl! Dwi methu disgwyl rhannu fy mhrofiadau a meddyliau gyda'r byd.