நினைவுகள்

எனக்கு தமிழ் மீது உள்ள ஆர்வத்தால் இந்த கிறுக்கல்களை கிறுக்குகிறேன்...

[coolchandrakumar]

வேலன்டைன்ஸ் டே

ஒருநாள் வேலன்டைன்னு ஒருத்தரு தன்னோட காதல சொல்றதுக்காக கிளம்பி பஸ் ஸ்டாப்க்கு வந்தாரு. அப்போ பாத்து டிக்கெட் விலைய ஏத்திட்டாங்க. அந்த அளவுக்கு அவரு வசதி படைச்ச ஆளா இல்லாததால கைல இருந்த காசுக்கு ரோஜா பூவ வாங்கிட்டு நடந்தே போனாரு. ரொம்ப நேரம் ஆனதால அவரோட காதலி அங்க இருந்து போய்ட்டாங்க. அவர் தன்னோட காதல சொல்ல முடியாம, மனசு நொந்து செத்து போய்ட்டாரு. மத்தவங்க யாரும் அந்த மாதிரி சொல்லாம போய்ட கூடாதுனு, அந்த நாள காதல சொல்ற நாளா 'காதலர் நாளா' அறிவிச்சுட்டாங்க...

பின்குறிப்பு : அந்த வேலன்டைன் யாரும் இல்ல, நம்ம வேலுடைய 'வேலன்' முருகனே!!!

-சந்திரன்

[coolchandrakumar]

இயற்கை விவசாயம் பண்ண தயாரா !?!?

திருநெல்வேலியில் இருந்து திரும்பி வரும் பேருந்து பயணத்தில், ஒரு விவசாயிடம் பேசும் போது அவர் பகிர்ந்து கொண்ட விஷயங்களில் சில.

"தம்பி... செயற்கை உரம் போட்டு விளைஞ்ச மண்ண திரும்ப இயற்கை விவசாயத்துக்கு மாத்த 6 வருஷம் ஆகும்."

"அந்த 6 வருசமும் கொழுஞ்சி, சாணக் குப்பை, செடி குப்பை, ஆட்டு புழுக்கை இதெல்லாம் தொடர்ச்சியா போட்டு மண்ண சரி பண்ணனும்."

"அதுக்கு அப்புறமும் இயற்கை விவசாயம் பண்ணனும்னாலும், பக்கத்து மண்ணுக்காரன் பூச்சி மருந்து யூரியாலாம் பயன்படுத்தினா நம்ம மண்ணும் சேர்ந்து கெட்டு போகும்."

"அரசாங்கமும் பெருசா இதுக்கு துணை நிக்கிறது இல்ல. புதுசு புதுசா பூச்சி மருந்து, மாற்று விதைகள்னுதான் விளம்பரப்படுத்துது..." என்று மூச்சு விடாமல் பேசி முடித்தார் அந்த விவசாயி.

"இதுக்கு மாற்று வழி என்னங்க அய்யா"

"நான் 1 ஏக்கர்ல எங்க வீட்டுக்கு தேவையானத இயற்கை விவசாயத்துல விளைய வச்சு பயன்படுத்திக்கிறேன் தம்பி. அவ்ளோதான்."

[coolchandrakumar]

தலகாணில,

முகம் புதைத்து அழுது

என் சோகத்தை மறந்து போயிருக்கலாம்...

நீயில்லை,

அப்பா அம்மா தான் முக்கியம்னு

போலிஸிடம் எழுதி கொடுத்து இருக்கலாம்...

வேற, கல்யாணம் பண்ணி பெற்ற குழந்தைக்கு உன்பேர மட்டும் வச்சிருந்திருக்கலாம்...

"இவளால எப்படி மறக்க முடிஞ்சது" எனும் ஒற்றை வரியை கடந்து போக முடிந்திருந்தால்...

[coolchandrakumar]

ஏய் வெந்தழலே

ஏய் வெந்தழலே,

உன் நா ருசிக்கு

என் தம்பியைக் கேட்டாயோ?

அவனைத் தொட்டு எரிக்கும் போது

உனக்கு வெட்கமாயில்லை!

அது உன்னைச் சுட்டெரிக்கவில்லை!!

நீ சாம்பலாக்கியது,

அவனை மட்டும் இல்லை

அவன்

ஆசைகளை

கனவுகளை

கடமைகளை

இன்பங்களை...

வா வா என்று வாரி அணைத்தாயே!

அவனை அரவணைக்க நாங்கள் இருக்கிறோம் என்பதை மறந்து போனாயோ!!!

சொல்லற்று நிற்கிறோம்

எங்கள் விக்னேஷை திருப்பிக் கொடு

என்பதை தவிர...

[coolchandrakumar]

ஊருக்கு கூட்டிச்செல்ல நான் தயாராக இல்லை என்று தெரிந்தும், வீட்டை விட்டு கிளம்பும்போது, துள்ளலோடு எனக்கு முன்னே வாலை ஆட்டியபடி சென்று கொண்டிருந்தது டாமி...

[coolchandrakumar]

பிறந்த நாள் வாழ்த்துக்கள்

குடிச்சுப் போட்ட பாட்டில எடைக்குப் போட்டானாம், எடைக்குப் போட்ட காச வச்சு குடிச்சுப் போட்டானாம்... என்ற தத்துவத்தின் அடிப்படையில் உன் வாழ்க்கையையும், திட்டமிடுதல்; எதிர்நோக்கி செயல்படுதல்; இருப்பதைக் கண்டு வாழ்தல்; அக மகிழ்தல்; யோகா பழகுதல்; பசுவை வணங்குதல்; பிக்பாஸ்-கு ஓட்டு போடுதல் என அமைத்து கொண்டு மகிழ்ச்சியுடன் வாழ வாழ்த்த வயதில்லாமல், மகிழ்ந்திரு மகிழ்வித்து இரு என்று வேண்டி கொள்கிறேன்... பாரத் மாதா கி ஜே...

[coolchandrakumar]

விடை கொடு!! சென்னை...

விடை கொடு! விடை கொடு!! சென்னை... ஆயிரம் பிரச்சினைகள் இருந்தாலும், வலி மறந்து விழிகள் அயரா வழிகள் பல வகுத்து போ... போ... போய்க்கிட்டே இரு... நிக்காத!!! என வாழ்க்கையை, பல தருணங்களில் நகர்த்த உதவியது சென்னை... கடிகார முட்களைக் காட்டிலும் வேகமாக, அய்ய... ஓரமா நில்லு, போவனும் என்று நகர்த்திய நாட்கள் சென்னை... 'ஏன் டா அடிக்கடி பீச் போற' அலை அலையாய் நினைவலைகள் கடற்கரை மணலில் பல கொடுத்த சென்னை... விடை கொடு! விடை கொடு!! சென்னை... கடல்தேசம் சென்னை தொலைத்து, மலைதேசம் தென்காசி நோக்கி பயணத்தைத் தொடர்கிறேன்... -அனைத்து நட்புகளுக்கும்....

[coolchandrakumar]

நெடும்புனலுள் வெல்லும் முதலை அடும்புனலின் நீங்கின் அதனைப் பிற #இடனறிதல் #495

[coolchandrakumar]

எனைத்தானும் நல்லவை கேட்க அனைத்தானும் ஆன்ற பெருமை தரும் #கேள்வி #416

[coolchandrakumar]

மதார்

கரை உடைந்த குளத்துத் தண்ணீர் போல விழி கடந்து போக, கண்ணீர் எட்டிப் பார்க்கும் நேரத்தில் ‘அப்புறம்… நீ எப்பவும் சிங்கிள் தான்டா!!! நான் வேலைய விட்டுப் போனாலும் ஹா ஹா…’ என்று வெறுப்பேத்தும் நிமிடங்கள் இனி இருக்குமா… குடும்ப ஆட்சிக்கு பதிலாக குடும்பத்தில் ஆட்சி புரிய செல்கிற மாண்புமிகு இதய தெய்வம் மக்கள் திலகம் புரட்சி தலைவரின் ரசிகை மதாரை வாழ்த்த வயதில்லாமல் வணங்கி நிற்கிறோம்…

[coolchandrakumar]

நுண்ணிய நூல்பல கற்பினும் மற்றுந்தன் உண்மை யறிவே மிகும்

#ஊழ் #373

[coolchandrakumar]

தூங்காமை கல்வி துணிவுடைமை இம்மூன்றும் நீங்கா நிலனான் பவர்க்கு #383 #இறைமாச்சி

[coolchandrakumar]

முகங்கள் மறக்கப்பட போராட்டங்கள் அனுதினமும்... புதைந்து அழ துணியாமல் கடந்து போகிறேன்...

[coolchandrakumar]

இறந்தோம் பிறந்தோம் பிழைத்துக் கிடந்தோம் மீண்டும் இறப்போம் ஒவ்வொரு நாளும்...

[coolchandrakumar]

தன்குற்றம் நீக்கி பிறர்குற்றங் காண்கிற்பின் என்குற்ற மாகும் இறைக்கு #குற்றங்கடிதல் #436

[coolchandrakumar]

புறப்படு நீயும் புறப்படு...

விட்டுப்போன இலட்சியத்த விரட்டி நீயும் பிடிச்சிடவே, வாசல் வந்து வழியனுப்ப அம்மாவும் இருக்காங்க புறப்படு நீயும் புறப்படு…

எல்லாரும் பாத்து உன்ன மூக்குமேல விரல வைக்க உழைச்சு நீயும் வந்திடவே புறப்படு நீயும் புறப்படு…

தட்டுமேல பண்டம் இல்ல கருத்தாக புரிஞ்சுகிட்டு வாழ்க்கையை நீயும் உயர்த்திடவே, புறப்படு நீயும் புறப்படு…

நமக்கு வந்த சோகமெல்லாம் நம்மோடு போகட்டும் சாதிச்சு நீயும் காட்டிடவே, புறப்படு நீயும் புறப்படு…

உன்னால எதுவும் முடியுமென்னு அத மட்டும் ஒத்துக்கிட்டு துவளாம நீயும் ஓடிடவே, புறப்படு நீயும் புறப்படு…

ஊரு என்ன சொல்லுமென்னு ஒருபோது நீயும் நினச்சிடாத, உன்கூட வரும் நிழலாக நானும் இருக்கேன் புறப்படு நீயும் புறப்படு… - தங்கைக்கு

[coolchandrakumar]

எங்கு போகினும் கூடுதனை திரும்பும் பறவை போல, நின்னை நோக்கி எந்தன் மனம்...