Creatas: I Feira de arte independente @creatasbetanzos - Tumblr Blog

Rematou CREATAS, co marabilloso concerto de Quintas Canella Grupo. Realizamos o sorteo dunha obra de Teresa Candal e xa apareceu a gañadora. Moitas grazas a todas e todos OS q participáchedes como artistas, músicos, público e diferentes colaboracións.

Catálogo de CREATAS I Feira de arte independente (antigo Matadeiro de Betanzos, 22-30 decembro 2016).

Pasa pola feira e o conseguirás en papel, nun formato de peto deseñado por Nieves Castrolara.

#creatasIFeiraArte #creatas #creatasbetanzos

Día 3 de CREATAS, I Feira de arte independente (Betanzos): DORES POLO.

“Medrar enunha sociedade educada e creada dende o medo e a ignorancia, esa ignorancia que impide entender e amar. Medrar e “reproducir esa herdanza”... outro medo.

Dores Polo ten o seu obradorio na Coruña e alí imparte aulas a rapazas e rapaces, axudándoos a medrar en liberdade, a “entender e amar”, a pechar esa herdanza e comezar, abrir, unha nova historia.

Imaxe con licencia CC de lagaleriade arcotangente.

http://tallerdepolo.blogspot.com.es/

https://www.facebook.com/taller.depolo

http://tallerdepoloacuarela.blogspot.com.es/

http://poloepolo.tumblr.com/

#creatasIFeiraArte #creatas

https://pabloorza.wordpress.com/traballando en solitario e tamén con diversas formacións como Día 0, C R E A T A S, I Feira de arte independente (Betanzos, antigo Matadeiro, 22-30 decembro). PABLO ORZA.

Licenciado en Belas Artes, cun Postgrao no "Studio Arts Centers Internacional ", en Florencia (unha das 3 primeiras bolssas de Caixa Galicia para artistas plásticos) e cunha longa traxectoria artística ás costas, Pablo adoita crear instalacións e performances nas que a tradición se mixtura e dialoga coa arte experimental e as novas tecnoloxías. Pintura, obxectos tridimensionais, textos, máquinaria... interrelaciónanse na súa obra para craer a mensaxe. Amais de artista plástico (ou poderiamos xa dicir, multidisciplinar) é músico autodidacta, traballando só e con diversas agrupacións, como Annamoviek, Karst Collective, maDam ou OMEGa. No ano 2003, xunto co dúo Parto, crean o Centro de Novas Tecnoloxías do Pico Sacro (TPS) que en 2007 daría lugar á Orquestra de Música Espontánea de Galicia.

Podedes coñecer máis sobre este artista na súa web https://pabloorza.wordpress.com/, de onde está tomada esta imaxe.

#creatasIFeiraArte #creatas

Hoxe comeza CREATAS, I Feira de arte independente (Betanzos, antigo Matadeiro, 22-30 de decembro -24 e 25 pechado), lembrade, de 17 a 21 horas. Ás 20 horas estará con nós Brais Morán, ídelo perder?

#creatasIFeiraArte

O 28 de decembro teremos a Xosé TaboadaDurán e Paco Campos. “Nos caladoiros das bravas augas do Atlantico, tan rico en plancton e tan dinámico nas súas correntes incansables, hai cardumes de peixes e tamén de cancións... Neses caladoiros Campos e Taboda botan os seus aparellos: saxo alto, frauta traveseira, gaita, harmónica, acordeón, guitarras e voz”. Músicos e cantautores. Paco Campos é ademáis actor. Xosé Taboada é o coordenador das actividades musicais, case un “mago”, que conseguíu atraer a CREATAS a grandes músicas e músicos. Aínda nos agarda algunha sorpresiña, neste eido...

#creatasIFeiraArte #creatas #creatasbetanzos

O martes inauguramos a exposiciòn LUSITANAS, coa obra de 3 fantásticas artistas: Renata Carneiro, Miriam Rodrigues e Teresa Pedroso. Gozaremos da marabillosa música de Xosè Taboada Duràn. Aproveitaremos para presentar Creatas, a I feira de arte independente, da que esta mostra forma parte.

Renata Carneiro

“A minha obra é uma reflexão sobre a mulher como ser independente, construtivo, sofredor, que supera obstáculos, que se impõe, que é criativo, trabalhador e que faz nascer” www.renatacarneiro.com

Miriam Rodrigues

“A Teresa Pedroso definiu-me como uma Árvore despida de preconceitos, que floresce e dá sombra a quem precisa”

Teresa Pedroso

“Construir totens onde a cor se esconde, dar forma a argilas adormecidas, registar na câmara em branco o mais pequeno ser, apoderando‐me assim de tudo o que me inebria” http://teresapedroso.blogspot.com.es

Pintoras, grabadoras, escultoras e ilustradoras, forman parte da asociación Inkprint group, de Porto, na que organizan actividades relacionadas co gravado. http://inkprintgroup.blogspot.com.

��6A��

#creatasbetanzos #creatasIFeiraArte #creatas

Conta atrás, 5 días para CREATAS, I feira de arte independente (Betanzos, 22-30 decembro) ISABEL PINTADO PALACIO licenciada en Belas artes pola Universidad Complutense de Madrid, profesora de pintura e gravado en varias institucións (Museo de Belas Artes da Coruña ou MAC, entre outros), ilustradora, colaboradora en espectáculos teatrais facéndose cargo da escenografía e atrezzo (Pisados Botamán de Melide ou Snakizados, de Gustavo Pernas), realiza ademáis instalacións artística, pintura en seda, etc. Acadou numerosos premios e bolsas artísticas. A súa obra queda ben definida neste texto de Xavier Seoane: “Porque Isabel Pintade tende a substraerse dunha realidade que, máis que de texto, lle serve de pretexto, entregándose a unha viaxe polos mares dun psiquismo silencioso, dunha intimidade vertida a través do estrañamento, e dunha suspensión por ámbitos dunha irrealidade marcada pola temporalidade e inmanencia. Son cadros dos que se emerxen prespectivas e atmosferas que actúan como auténticos trasuntos do soño e do tempo. Por iso o despegue do matiz, das veladuras e das transparencias, asi como o laborioso traballo coa luz: aspectos qeu outorgan algo de gasa atmosférica, de sutileza divagatoria por espazos e tempos de achega imaxinaria e unha certa vaguidade simbólica. Isabel Pintado vén creando, pois, unha poética afastada do turbulento ruído histórico e mediático de hoxe, en conexión con certas pintoras intimistas contemporáneas. E faino decantando uns coñecementos técnicos sólidos, desprazándose con naturalidade entre figuración y abstracción, integrando rexistros postcubistas ou dun relaismo irreal, en composicións de elaborada estructura, nas que non faltan o xogo e a ruptura de planos, dentro sempre dunha minuciosa achega debuxística, tanto na súa vertente pictórica como na da gravura ou na obra sobre papel” (Xavier Seoane). Isabel Pintado impartirá ademáis o obradoiro “retrato e autoretrato” os días 26 e 28. Reserva xa a túa praza. http://www.isabelpintado.es

Conta atrás, 6 días para CREATAS, I feira de arte independente (Betanzos, 22-30 decembro) MERCEDES MORED Pintora, escultora e ceramista, toda a obra de Mercedes é materia, terra, pigmento, textura, pel. Inspírase nas caricaturas de Castelao para crear personaxes nosos mais tamén para afondar na situación da poboación mundial, na crise de refuxiadas e refuxiados. Todo material é válido, o refugallo ten outra vida nas súas composicións: vidro, plástico, látex... Máis sobre Mercedes https://mermored.blogspot.com.es/

Conta atrás, 7 días para CREATAS, I feira de arte independente (Betanzos, 22-30 decembro): NOEMÍ LORENZO

Licenciada en belas artes pola Universidade de Vigo, Noemí meteuse de cheo no gravado, realizando o mestrado de obra gráfica da Fundación CIEC e logo na tese, afondando nos espazos nos que os artistas desenvolven a súa creación. Pintura, gravado, fotografía, escultura, instalación, a súa obra a podemos gozar con todos os sentidos, visual, táctil... mais tamén co olfacto, para mostra a serie “Chocolat nation” que realizou na súa estadía en Londres.

Se queres coñecer máis sobre a súa obra visita as súas webs: http://sinfoniaparapapel.blogspot.com https://noemilorenzoperez.carbonmade.com

Conta atrás, 6 días para CREATAS, I feira de arte independente (Betanzos, 22-30 decembro)

GX0vjaSxݰ�L

#creatas #creatasbetanzos

Conta atrás, 8 días para CREATAS, I feira de arte independente (Betanzos, 22-30 decembro) INMA DOVAL "Inma é materia, forza cromática, raíz….mais tamén soño, melancolía, esperanza. Ao observar a súa pintura é inevitable atopar historias: unha historia atemporal e contemporánea, asemade historias sacadas do baúl do inconsciente co que recupera o poder para crear a súa propia realidade. Así mirando cara adentro cos ollos abertos hacia sí mesma os silencios das súas obras cóntannos segredos de arcos da vella acesos de luz" (Dulce Das Anca). inmadovalporto.wordpress.com

Conta atrás, 9 días para CREATAS, I feira de arte independente (Betanzos, 22-30 decembro) DULCE DAS ANCA “Nomear a Dulce DAS Anca e falar de debuxo, deseño, arte. Traballadora incansable, ofrécenosnos obras que deixan ver o seu evoluír, obras nas que reflicte a súa vida, inspiración, crencias, dúbidas, e o seu mundo interior. Atenta e sensible plasma en imaxes figurativas o inconsciente, sentementos ou soños; a sùa pintura e unha evocación da alquimia en feminino". Dolores Villaverde (Historiadora da arte). Dulce móvese entre a representación figurativa na pintura e certo conceptualismo nas instalacións que crea para proxectos urbáns. Pintura, gravado, collage, frotagge... Na súa obra apreciamos multitude de técnicas diferentes. Podedes ver algunha obra no seu face, e por suposto, na feira. https://www.facebook.com/dulceancasantos

Conta atrás, 10 días para CREATAS, I feira de arte independente (Betanzos, 22-30 decembro) CASTROLARA Artista cordobesa que actualmente reside en Betanzos, onde imparte clases de pintura e gravado. Licenciada en bioloxía pola Universidad de Córdoba. Artista autodidacta, tivo contacto coa pintura dende moi nena, no estudo do seu pai. Móvese entre a figura e a abstracción, enchendo esta última as súas obras máis recentes. Na obra figurativa recurre á muller e á natureza, que cada vez máis se despoxa de liñas e contornas, deixando só a mancha de cor, a impronta dunha estampa de luz. www.castrolara.tumblr.com Lembra que podes ver unha mostra da súa obra este nadal no Matadoiro de Betanzos, e se tes entre miúdas ou miudiños entre 7 e 12 anos os podes anotar no obradoiro “A abstracción: desenvolvendo a creatividade”, que impartirá o día 29 de 17.30 a 19 horas.

Conta atrás 12 días para CREATAS, I Feira de arte independente (Betanzos, 22-30 decembro) Teresa Candal licenciouse en Belas artes, e logo dun tempo en Londres, estudando os grandes mestres, voltou á terra e comezou traballar arreo con óleo, acrílico, acuarela… Os seus diálogos pintura-poesía son fantásticos, un equilibrio perfecto que finalizaría o vello debate “ut pictura poesis”. Teresa é tamén deseñadora gráfica e imparte cursos de pintura para todos os públicos. Se queres afondar na súa obra apúntate ao obradorio “Acuarela e poesía”, que impartirá o día 27 de 17.30 a 19.30 na feira. http://teresacandal.com/

Conta atrás: 13 días para Creatas, I feira de arte independiente (Betanzos, 22-30 decembro) Pilar Cancio dorme e vive entre paxaros. A delicadeza das súas acuarelas nos fala dunha sensibilidade extrema, de luz e silencio. Ela persegue a auga no papel, e ésta esvara atopando no camiño as cores máis doces. As paisaxes e arquitecturas acóllennos no misterio que desvelan. No seu Facebook e no Flickr tedes unha boa mostra deste bo facer. Visitádenos do 22 ao 30 de decembro e deixádevos levar polos seus paxaros. https://www.facebook.com/pilar.cancio?fref=ts e no https://www.flickr.com/photos/pilarcancio/albums/

#creatas

Conta atrás 14: Carlos Botana

Faltan 14 días para que comece a I Feira de arte independente Creatas. Iremos presentando a cada artista participante. Comezamos con Carlos Botana. Pintor do mar, peixes e sereas mergúllanse nos seus lenzos, levándonos a aquel mundo fantástico no que xa habitara Lugrís. Carlos ten alma de róbalo, sardiña, escacho, sargo... Ten amais no mail art unha das súas paixóns, sendo un dos artistas máis activos da nosa terra. Visitade o seu blog e deixádevos levar polas ondas da auga, iso si, con coidado, os seus peixes teñen dentes afiados.

O 29 de decembro, ás 20 horas estará con nós, en Creatas, I feira de arte independente, Eva Veiga.

Presentación dos seus últimos poemarios “Soño e vértice” (premio de poesía Concello de Carral, na súa XVIII edición) e “Silencio percutido” ( XXXI premio de poesía Cidade de Ourense), ambos publicados en Espiral Maior. Colaboración da libraría Biblos.

Eva Veiga é poeta, xornalista, presentadora de tv, actriz de teatro e de cine e difusora cultural. En 2004 forma, xunto aos músicos Bernardo Martínez (percusión e clarinete) e Fito Ares (frauta traveseira e saxo) o grupo Ouriol, no que a poesía e a música se funden nunha fonda aperta. Eva sempre está aberta ao diálogo entre as artes, realizando tamén proxectos con artistas plásticos como Alfonso Costa ou Masafumi Yamamoto.

Podedes ler aqui 5 poemas que publicou en palavracomun.

#creatasIFeiraArte #evaveiga

Trending Blogs

Recently Viewed Blogs

Creatas: I Feira de arte independente