دَروِيشة 🌸

"أنا قوية ولكن إيضًا مُدمرة، أنا هادئة وقاسية وميؤوس مني.رغم ذلك أملك الحُب داخل نفسي، إنني فقط لا أعرف كيفية استخدامه."

[dabdooba-blog1]

عظيم انك تلاقي نموذج لعلاقة عاطفية انتهت، ومكانتش نهايتها الطف حاجه في الدنيا بالعكس كان فيها اذي ووجع وظلم كبير، وتلاقي الوقت عدى والناس تجاوزت وكل طرف لقي شريك يرتاح معاه، أو ملقاش، وتلاقي الأطراف دى رجعت تتعامل بود وبلطف. الحقيقة ان اللى بيخلينا نعيش ونكمل ونقف على رجلنا هو إننا نتجاوز ونغفر ونؤمن انه غصب عننا الحياة بتستمر

[chloewritings]

[pokec0re]

[dabdooba-blog1]

أمل دنقل لخّص إحساس العجز كله في كلمتين لما قال: ويهزني صحوي فأفتقدك، لكن بلا جدوى.

[daliaelsaid]

هل يمكنك أن تحبّني بما أنا عليه ؟ بذاك الارتباك الذي لا يخفى على أحد حين يذكر أحدهم شيء أحبه ، إمارات الغضب التي تعلو وجهي عندما يحاول أحدهم التصنع أماميّ بما ليس فيه ، أيمكنك أن تكون جلداً لتتحمل تقلباتي المزاجية المفاجئة .. بكائي من اقل الأشياء .. نبرتي الساخرة في حديثي عني و عن الآخرين ؟ اتسائل يا عزيزي إن كان بمقدورك أن تراني ساخطة على الأحداث من حولي غير قادرة على الحديث لا استمع لأحد ولا اود أن أرى أحداً . أشفق عليك يا عزيزي من حالي الذي آلت إليه و الذي يزداد سوء بسوء الأيام و ضيق نفسي ، ولهذا لا أودك أن تكن لي حباً أو تشعر نفسك بشيء تجاهي أحتاج إلي حبك نعم لكنني أخشى عليك من مثلي ، أخشى عليك أن تخسر صورتي لديك و أخسر أنا شخصاً أحببته من أعماق القلب.

[literary-texts]

[areslunaire]

[beauteous-n]

♛

[dabdooba-blog1]

" في الليل يا حراجي تهف عليا ما عرف كيف.. هففان القهوه.. على صاحب الكيف و بامد إيديا في الضلمه ألقاك جنبي.. طب والنبي صُح ومش بكدب يا حراجي. " : ))))

[sara-yakout]

"زينب"

لو كاره التمثيل اقفل من الاول لو شفت فيا جميل ف انا لسه هتحول هو التراك دا طويل ولا التراك طول انى اراك بتميل و انا روحى بتنمل انا ابن هذا الجيل يا قتيل يا متسول هو التراك دا طويل و لا التراك طول! / الساعه تلاته بالليل ف طلعت حرب كنت تقريبا زى ما كنتى طالل عليكى بغنوه من قلبى و انا قلبى بلكونتى مقدرش .. ميصحش اتعشم ف نشوة نصر تانيه مقدرش غايبك رابع بالنتى يضيع ف نفس الماتش / الوقت اتأخر دلوقتى انسب وقت تتمشى فيه عند المدافن و تطل على الواح الرخام تحت الاسامى من بين فروق البوابات الحديد القديمه و تبتسم مش لان مافيش راجل بيعيط لأ.. لأ لانك لو عيطت فيه ناس ف قلبك مبتعرفش تعوم ملهاش ذنب و دا ميرضيش ربنا و لا يرضيكى يا زينب / لو قربنا مـ الشمس هنتحرق يا على و لو وقفنا ف الضل هنبرد و هنختفى لو وقفنا ف المسافات انا عارف انت مكنتيش عاوزه تموتى ولا عاوزه الباقى سنينى شقى كنتى عاوزه تبقى ف حلاوة سعاد حسنى و جسم هند رستم ف تحلى من على حبل المشنقه / بتصحى كأن الشمس مستنيه تاخد اذن و بتغنى كأن الناس كلها حلوه محدش غيره يعرف عن دموع الحضن محدش غيرى يعرف حاجه عن علوه بس انتِ حلوه انت احلى من شقوق الحيطه ف البيت القديم و لو ع التخن ف عادى يعنى كلها شهرين ريجيم صندوق ندور فاضى ، مشقوق بلا تصنيف منتاش ولى راضى ، منتاش على الحريف بقى كل دا عادى و بتبتسم يا خريف صادقه بانفعالات ادرينالين مش لوح ازاز بسيطه و واضحه و مبتلجأيش للمجاز يعنى مثلاً .. مثلاً مين دا يا زينب؟! تبصى للصوره و تبتسمى “واحد كان بيحبنى” و تقلبى البرواز / عدى الجمايل يا حبيبتى و اذكرينى حينما تضرب عينيكى ف السما و تحسى بالوحده بتطيرى العصافير و تطيرى وياهم و تدمعى ف حزنهم و تغنى ف غناهم يصبح لقاكى مصير للى بيهواهم و اللى بيهوى الهرب يا طيبه يا زينب / إطمن .. إطمن بقيت كويس، خلاص، بقيت عادى هبقى احسن، بعد فتره مش بعيده هستثمر الذكريات ف الشفقه ع النفس و بداية علاقات جديدة هاتى شنطة ايدك اخبى الأكل يا عبيطه الحلو مش بالشكل الحر ميعرفش الشفقه و العبد ميفهمش الثورة الدوله متعرفش الرحمه والضلمه متعرفش ابوها و التوهه متعرفش طريق و العمر بيحصد و بيجرد عصبيه عشان وقت البيريود بتدارى خوفك ف زعيق / من زمان عاوز اقترح ع الدوله توفير اراضى المدافن و استغلالها مساكن للشباب و محدودى الدخل او استغلالها لدفن نفايات نوويه للقضاء على الشباب و محدودى الدخل المهم يعنى.. يستغلوا الاراضى دى ف حاجه مفيده و كل واحد يدفن اللى يخصوه ف قلبه و اهوا برضوا لما يحب يزورهم تبقى المسافه مش بعيده بس على الله الدولة تسيبنا ف حالنا و ميدخلوش على قلوبنا عشان المشاريع الجديده تحت شعار “ تغيير اللى فات بطريقه تانيه” كنت حكيتلك قبل كده ان بلكونتنا الواسعه فيها سبع كراسى فاضيه بس مع ان اللى ف القلب اكتر من كده بكتير الصداع النصفى اللى بيجى لـ على بقاله تلات ايام هيفرتك دماغى و السجاير هتفرتك فلوسى ع السنين الحرام! و الكلام هيفرتك الذكريات على القلوب الغريبه ف الزحام مش كنت وفرتك لعيشه انضف من كده زى اللى ف الافلام عينيا مخزن اسئله مهجور عينيكى مخزن اسلحه و ذخاير يمكن لما نبص لبعض تموت الاسئله بالدور لكن هتفضل الأحزان و كنكة البن الفاير ف حاجات مينفعش تبان عشان كده ربنا خلق الموت و البيوت و الستاير / هعرف اسامحك على كل حاجه على اخر مشهد سبتيه إتعاد لبقية العمر و حسرة الحنه على ايد البنات السُمر ووحدة المسلسلات الممله و المناجا اللى انتِ شربتيها مع انى كسبتك ف الطاوله و كسر القلب الرخيصه و الرخيص و القهوة اللى لما زعلتك رمتيها على القميص هعرف اسامحك على كل حاجه حتى الغياب! / ﺧﻄﺄ ﻓﺎﺩﺡ ﻭﺧﻮﻑ ﻭﺍﺿﺢ ﻭﻛﺎﻡ ﺫﻛﺮﻯ ﻟﺤﺒﻴﺐ ﺭﺍﻳﺢ ﺧﻄﺄ ﻓﺎﺩﺡ ﻭﺧﻮﻑ ﻭﺍﺿﺢ ﻭﻛﺎﻡ ﺫﻛﺮﻯ ﻟﺤﺒﻴﺐ ﺭﺍﻳﺢ ﺧﻄﺄ ﻓﺎﺩﺡ ﻭﺧﻮﻑ ﻭﺍﺿﺢ ﻭﻛﺎﻡ ﺫﻛﺮﻯ ﻟﺤﺒﻴﺐ ﺭﺍﻳﺢ ﺧﻄﺄ ﻓﺎﺩﺡ ﻭﺧﻮﻑ ﻭﺍﺿﺢ ﻭﻛﺎﻡ ﺫﻛﺮﻯ ﻟﺤﺒﻴﺐ ﺭﺍﻳﺢ ﺧﻄﺄ ﻓﺎﺩﺡ ﻭﺧﻮﻑ ﻭﺍﺿﺢ ﻭﻛﺎﻡ ﺫﻛﺮﻯ ﻟﺤﺒﻴﺐ ﺭﺍﻳﺢ ﺧﻄﺄ ﻓﺎﺩﺡ ﻭﺧﻮﻑ ﻭﺍﺿﺢ ﻭﻛﺎﻡ ﺫﻛﺮﻯ ﻟﺤﺒﻴﺐ ﺭﺍﻳﺢ ﺧﻄﺄ ﻓﺎﺩﺡ ﻭﺧﻮﻑ ﻭﺍﺿﺢ ﻭﻛﺎﻡ ﺫﻛﺮﻯ ﻟﺤﺒﻴﺐ ﺭﺍﻳﺢ / هو التراك دا طويل و لا التراك طول! لو شفت فيا جميل ؛ ف انا لسه هتحول هو التراك دا طويل و لا التراك طول وسطنينى ف ذكريات هشه وطنينى ف لمسه او رعشه و الطفى بيا ، و ارأفى بيا دا السنين جايه و جايه بالغيبه و الوحشه اصطفينى مـ الجسد و الروح قلبى كان صابح ، صبح مجروح اخطفينى من سطوح لسطوح نبنى نفس العيشه و العشه ولا اقولك هاتى ايدك ؛ قومى نتمشى / انتِ الكسوله ، الطموحه، الغريبه، الكئيبه، المضحكه انتِ العنيده، الشهوانيه، الصوفيه، الجميله، المؤمنه بس عارفه ضحكت امتى؟! لما جه تفكير ف بالى ان ابويا مات كافر لإنه مات موتة ربنا! و إنى ارجع تانى اكتب .. ليكى و ابعت اللى كتبته لبنت كل كام شهرين بتسأل ع الأغانى الممكنه زى كل مره تيجى و تمشى مش مطمنه / أنا آسف .. بس أنا عندى أكتر من عاهه حضن، مبيطمنش حد ، و رجلين مبتلمسش ارض و نفساً و ما سواها! كنت عارف بتخبى الحاجات فين البسبوسه تحت السرير و العسليه ف الدرج ارقدى ف سلام يا زينب دلوقتى الكل هيبكى عليكى و يطير الحمام مـ البرج يا ايتها النفس المطمنئه يا ايتها النفس ارجعى إلى ربك و اقطعى فينا الونس و سيبلنا الخرس و الضلمه ف الاوضه / اوضتى اللى شبه الكنيسه او جامع السلطان هاديه هدوء الفريسه ، ضلمه كما النسيان ابدأ طقوسى الرخيصه من غير جرس و ادان و أدين لذاتى الخسيسه بالفضل و العرفان اوقات بكون يحيى قدرى ، دكتور طارق و اوقات بكون عيان! / اخواتى سافروا دا قدرى قبرى اتملى غربان بتنامى يا أمى بدرى و افضل انا سهران كلب الحراسه اللى شيلتيه تسع شهور عشان فاكره ان بنوته جايه ، دُفعه دفا و حنان دفعت غلطة مين علشان اكون إنسان رفعت إيدى سنين ، اقبل دُعا السكران لا جدوى مـ الاحزان ، لا جدوى مـ العصيان لا جدوى مـ الإنتظار كان جاب نتيجه زمان / ما بين اول جريه من الدخان عشان حق المظلوم و شق الظالم لحد آخر محاولاتك البائسه للتعايش بالفرجه على كاس العالم يا دوب مافيش كأنك كنتِ بتنزلى جرى على السلالم فيه حاجات بتبتدى ف ثانيه و تنتهى ف سنين و حاجات بتاخد سنين و بتنتهى ف ثانيه يا هل ترى يا زحمة الفتارين هتملوا امتى مـ البص ع الدنيا؟! / نفس الشوارع و البشر و الشوف نفس الكلام العادى و المعروف نفس العتاب و الأسف و السف و نفس نفسى بنت دين الـ.. الخوف من مشرحة أهلك لمشرحة الدوله لمشرحة الصحاب و كسرتك بينهم لمشرحة زينهم / حطيلى فروق تتنسى زى اى ورقه في مهب الريح مجرد شهادة وفاه لأ و كمان ، بيأخروا التصريح شقتت عمدان الكبارى و لعبت ف اساس البيوت الليله دى كل البشر كل البشر ، لازم تموت / موجوده لسه ف دموع الناس ولا ف الكلام ، ف السمع ولا تحت لوح الرخام كنت بصحيها عشان تروح الشغل يا حسن و انت عارف زينب مبتحبش حد يصحيها لما بتنام طراطيش غُنا بتعيش بعد الكلام ما يموت و شوارع سموها باسم جثث و قبور بيقولوا عنها بيوت! لما كنت بقولك الموت قريب تضحكى و تقوليلى “خبرى قبل خبرك” يا قلة صبرك يا زينب ، يا قلة صبرك دلوقتى تلاقيكى سكرانه بلُقاه و انا تلاقينى بسكر لوحدى على قبرك كنت بكسر مين مش عارف كنت بخسر إيه مش فاكر عايز اوصل فين مش فارقه و انتِ حلوه ، حلوه جداً هبقى اشوفك كل كاس سرقه كنت صوفى جميل ، بقيت مادى كات كفوفى سبيل ، بقت صحرا سبت خوفى دليل على وعدى سبت شوقى قتيل على الناصيه و الغريبه دمعتك حلوه! الغريبه ضحكتى قاسيه! كسرى البراويز و عدينى من ضحايا الحادث المؤسف كنت حلم عزيز لكن دينى لا انول و افضل سنين اوصف كسرى البراويز و انا راضى انا عادى في شرعيتى كل شىء غربه في شرعيتك كل شىء منصف / هتزعل عليكى القهاوى و تشتاق لك الروايح وتندم عليكى الكراسى الضيقه و كل سواق تاكسى مرضيش يقف لك و تغنى ليكى الموالد و يبكى عليكى الشجر و يستثمرك بابليك فيجر / انا الممثل اعرف اأدى اى دور الحب،الزعل،البعد، القرب،الخوف،الحنين و انتَ يا على ؛ انت الغريب اللى لو جبت جون ف الدنيا دى بيتحسب باتنين زمان كانت بسيطه، بسيطه جداً علشان احضنك كان يدوبك بوطى اربعين سنتى او تلاتين لو لابسه كعب دلوقتى مفروض اطلع كام سما؟! دلوقتى مفروض اطلع كام سما علشان احضنك يا زينب! / فيه ناس صاحبة قضيه و ناس صاحبة محل و ناس صاحبة مرض و ناس صاحبة مزاج و انا صاحبك يا على صاحبك .. و دا فيه مـ الإنتماء و المكسب و الخسارة و الإندماج و الإستسلام و الأحتياج مره واحد واحش واحد، بقى واحش واحد واحد ، بقى واحد واحد واحش هدروش و هلف عليك عليكى ف الموالد ،و همَّ هيسقطوا عليكى قضيه المرأه او يزهقوا و ينسوكى و يعيدوا فتح ملف داعش / عرفت معنى الخوف ، و عرفت معنى الندم عرفت معنى الشوف ، و عرفت معنى العدم احنا ضيوف ف ضيوف، ماشيين نقدم قدم ،ماشيين نأخر قدم نردم ع اللى فات و نحفر ما اتردم لسه ضحكتك بريئه ، حتى و انتِ بتحققى المأساه كنت ضعيف عكس ما اتعودتى ضعيف لدرجة انى كنت بدور على اى حد ف الشارع يقولى البقاء لله، كنت ضعيف يا زينب و اللفظ دا بالذات قسوته ف معناه / حفظت ماء وجهك و دلقت ماء وجهى طلى على حجرك تلقى القماش مبلول و تقولى ايه بكاه؟! ما كنت جايلك اقول / الله يستهزأ بهم ، الله يستهزأ بنا و يمدهم و يمدنا و مافيش فرار و مافيش بديل اخترتى ليه اصعب طريقه للرحيل؟! يا أمُ العيون المؤمنه انتقلت إلى رحمة الله تعالى أُمال هى كانت فين؟! / إحنا كُنا بعاد و مازلنا إحنا بينا بلاد بتعزلنا كل روح بفؤاد و بهزايم كل ذكرى ميعاد بتهزمنا يبقى إيه نلزم منازلنا / 110 كيلو بيجروا من قنابل الدخان يدورا ع الحق ف ضلمة الاوطان و يقسموا الفرشات جوا القلوب و ع الحيطان بين الامل ف النصر و العصر ف الاحضان من بين شوارع مصر هيبكى الشيخ ريحان هى دى فراشات و لا عقارب هى دى احضان و لا تجارب هو دا الإنسان، لأ دى الآله هى دى الاوطان، لأ دى سفاله هى دى الاحزان ، لأ دى بقاله نقفل الدكان ، ثم نحارب / عز الطلب موتك ،و الموت مبيعزش هز السما صوتك ، و العرش متهزش لو مُت فيه يجى عشرين بيت هيضلموا اتبسط انوار البيوت كات بيتضايقك لو مُت امك هتزعل اكيد لكن دا افضل بحسابات اكيده حزنها عليك ، اهون من قلقها و هى نايمه تصحى متلاقيش النص كيلو جبنه فيتا لو مُت هتبكى افلام محمد خان و كل مذاهب الدخان و تُمن الرومى ف الدكان و اخر كرسى ف السيما و نسخ مجلات الاهلى القديمه و صور صالح سليم لو مُت هتبكى اغانى التسعينات و تشغل اذاعه القرآن الكريم لو مُت فيه سواق ميكروباص قاهرة/فيوم هيخسر تمانيه جنيه او اكتر عشان هيطلع ناقص نفر ف ميعاد كان جاى و مجيتش معاه عشان تزور قبر ابو إسراء و تشم ريحة عنده ف بتبتسم و تقولها من شابه اباه لو مُت اخواتك مش هيلحقوا الدفنه و على هيشيل النعش لوحده رغم وزنه و انت هتفضل تحبه رغم موتك و هو هيفضل يهنيك رغم حزنه لو مُت مريم هترفض لدرجة انها هتصر تولدك تانى! من غير ما يمسسها بشر غيرك و ساعتها تحضنك براحتها من غير ادب بس للأسف لو مريم ولدتك ، ممكن تطلع يسوع و تتصلب! / لو مُت هتموت ف سلام من غير اذى بس انا عارف هترجع خمس دقايق بس توصى على قهوة على ف العزا زمانك لقيتى شغلانه مش متعبه و مرتب ثابت و حوافز و بدلات عشان كده فضلتى ما هو لو مكنتيش لقيتى كنت رجعتى و كملتى تقديم سي فيهات / العالم همجى و مسعور العالم سلبى متخاذل العالم مأسوى و كداب اساطير و ملامحم و مهازل العالم اقبح خلف الباب يا ترده يا تبدأ تتنازل بيحصد الارواح و يطلق الاشباح لكل قلب جناح ،بينفرد بالموت بننادى بعض نبص و نهادى بعض بونس و نشيل ف بعض جثث في ذمة الملكوت تفصيله واحده تكُر تفاصيل سنين بتمر يغنى ليها العمر بعد الأوان ما يفوت املى السكون زحمه املى العيون رحمه و املى عليا شروط السقف مركبه و شراع و ع الحيطه ضلى ف البرواز و دا مش تليفزيون دى ناس بتضحك و تعيط و ترقص من ورا لوح الإزاز اربع كراسى فاضيه ف اوضتى مسميهم باسم اصحابى عشان مش عارف اقعد معاهم و مش عاوز اقعد لوحدى و طفايه بتتملى و تفضى شايله الذكريات و الاغانى و الخوف الخوف الأبدى / بفتكرك كل ما تحيد الطريقه عن الطريق و افرح بدون اذنى و كل ما انسى كل شىء و احزن بدون حزنى بدون ما القلب الجميل يرجع برىء و يخف بيه وزنى و كل ما اخرج سنتى من روحى ولا حد يلاحظنى و كل ما ينادى الغريق صاحبه الغريق و يقوله انقذنى ، و الميه بتبلع المركب / بفتكرك لانى لما بنساكى بفتكرك ف بتعب بفتكرك ف كل حاجه بتبتدى بعنف و تنتهى بشويش و تعيش و ف كل رمية زهر و ف كل فردة شيش و ف ريحة المحمصه لما تملى جيوبى حشيش و ف كل مره عم سيد يقول متفوتنيش و يقطع ف الوريد من غير تفاهم متفوتنيش انا وحدى متفوتنيش وياهم / بفتكرك كل ما تحمل تيوتا اسكندريه و الم اجره و كل ما اهلك و اترمى ف ضل شجره و كل ما يموت منتمى و تعيش متاجره و كل ما بلمح وطن على بابه هجره و كل ما بلمح حديد و ابواب موسُجره و كل ما تجرى السنين .. و العادى يجرى / سقف الاوضه بقى ابعد كتير من سقف طموحاتى ابتسم للدخان و اتقسم نصين فاصل ما بينى جدار واصل ما بينك ضوء ، جسور بالله عليكى يا نور هدى جدار برلين بس انا عارف .. انا عارف عارف يا زينب اعرف ازاى الاحزان بتدوم و ازاى الثورات بتقوم و ازاى الكوابيس بتجيلك و بتصحى مفزوع مـ النوم و ازاى تتعلق بالقشه و ازاى تنساها و تتمشى و ازاى العلاقات الهشه بتطفو ع السطح و الناس فاكرها بتعوم و اعرف عن الغربه و طلعت حرب و غيرة عب وهاب من أم كلثوم و اعرف عن رعشه اللى شايل النعش و راحة اللى متشال فيه و سطوة الحاكم على المحكوم اعرف عن مواعيد الماتشات و عن موديلات العربيات و النضارات و محلات الهدوم ، عن الماكيانات الالمانيه و الشطوط الاسبانيه و الأناقه الفرنسيه و الاكلات الايطاليه و الروايات الانجليزيه و الجبروت الامريكى و المستوطنات الإسرائيليه و عن القاهره و اسكندريه و المنصوره و السويس و شبين الكوم اعرف عن السياسات و الاتفاقات و اسعار الضحايا و تمن الخيانه و ازمة الإنسان اعرف عن الحضارات القديمه و الهزيمه و السينما اللى فيها كراسى واسعه عشان التخان اعرف عن المخدرات و تأثرها و عن المقدسات و تكسيرها و لحظات الشك و فواتيرها اعرف عن الضلمه و عن الألوان اعرف عن الشوارع و المطبات و الإكشاك و الفقرا و المتشردين و تناحة الدوله و سماحة اسوان اعرف عن البيوت و الموت و اسبابه بس معرفش من طرق اجتنابه غير تقليل السجاير و القهوه و الانتظام ف الرياضه و تقليل محاولات الانتحار بقدر الامكان اعرف عن النسيان و عن التجلى و عن التخلى و عن التولّى اعرف عن كل حاجه تقريباً بس معرفش بالظبط دى المره الكام اللى بحدف فيها روحى للسما و تجلّى ازاى براحك يساع عيل غبى و مجنون دا انا معرفتش افرد دراعى ؛ نظراً لضيق الكون ضلت جميع المساعى ، دلت عيون لعيون مستنى صورتك كأنى كاميرا قديمه كأنك نجم أبيض و اسود كأنى مونتير قديم في سينما صيفى منها للسما ، للطف الخفى مستنى صورتك كأنى ورقه مرميه ف ادراج السجل كأنى الزمن عز و جل مستنى صورتك و قاعد لوحدى ببتسم و برتجف و برتجل / خالى اللى فيه شبه من محمد صبحى و بالصدفه عنده ولدين و بنتين زى يوميات ونيس بيجى كل يوم اربع يقعد مع امى يشتكوا لبعض الزمن اعزم عليه بسيجاره بس مشربش قدامه يقوم يدينى عيدية 100 جنيه اجيب بيها كلها علب سجاير و رغم انه ممكن يكون مبيحبنيش بستناه كل يوم اربع بس دى كلها حاجات مش مهمه بالنسبه لى ممكن اولع لو سمحت؟ شكراً .. شكراً استسمحك ف دقيقه كمان احكيلك فيها حاجه انا يا سيدى طول الوقت دا بطلع على سلم كهربا نازل لتحت! / الچينز أحلى عليكى مـ الفستان حاسبى جمالك يجرح المانيكان حاسبى لنظرة تخطف الماشيين و يتوهوا ف عينيكى و يطلبوا النسيان بالله عليكى اضحكى يا زينة .. يا زينب يجوز ضحكتك ، تحىّ بالغلط إنسان إهدى خُطى الشفايف لخدودك العنوان كنتِ تحبى الغزل ف هل الغزل مسموح؟! مسموح لحد الآن لو الغزل ممكن يرد الروح هفضل اغازلك يا زينب يمكن تعودى عشر دقايق تجرى عليا و تحضنينى ف زهرة البستان / العيال بتسب ف الشارع و الجيران تتخانق ف السابع و الخطيب بيزعق ف الجامع هو دا الواقع .. هو دا الواقع المعارك ضخمه لكن تافهه و الضحايا دمها نشّفها و السما بتهز في كتفاها و الرحايا سانه شفايفها العداله تايهه مين شافها العداله تايهه مين شافها الملوك بتـ*ـرص ع الشاشه الشيوخ قواده و حشاشه و العساكر عملوا الجلاشه العساكر رجالة الباشا التجارب حزن و مأساه و التعايش صعب يا ولداه و التوحد خوفى و صداه و النهايه سره و مداه رب روحى التايهه الله اوضه قافله عليا و انا قافل القدر رباك ولد سافل عشت تتكفل و تتكافل السكك ضلمه و الطريق حافل الحشيش فيه كيما ، بس حشيش خوفت لما وقفت ف التفتيش الشويش عدانى مسألنيش قمت ضاحك ضحكة الدراويش لون عينيكى جميل لكن شاكك ضحكتك تفاصيل بتتعارك سور لقاكى قصير لكن شائك قلت شاء الله و ما شاءك ادفنى ف القلب اشواقك / دلوقتى ببص للمروحه و ابتسم انتِ كنتِ شجاعه متعلقتيش بحبال دايبه و مبصتيش ف الساعه طلعتى و علقتى نفسك فيها رغبة الموت باستماته بس انا لسه جبان يا زينب اخرى بشغلها على تلاته يمكن هو دا الفرق ببساطه فيه روح مبتحتملش تجميل الجروح و روح بيعدى فيها الرصاص من كتر فتحاتها او من كتر إبر الخياطه اشهد بإنك كل يوم بتتطلقى طيفك و تكررى المشهد اشهد بإنك كنتِ طالعه للمجهول كنتِ لسه شايله في قلبك امك و اصحابك و ف شنطتك برفان هديه و ما تيسر من العسليه و الشيكولاته / بنغتسل بالبكا ،و بنمتثل للريح ترمينا ف التهلكه و ف حزن بهو فسيح و ذكريات مُدركه ، وجه الخسارة قبيح نطلع من المعركه ميت ف كتف جريح عاجز ف حضن كسيح نتعصر مـ الألم و ننتصر للعدم مع كل شمعة تسيح يا خالق الأكوان و طالقنا روح و عنان و سايقنا للنسيان سايق عليك النبى المصطفى العدنان اكسر خشب مربكى و الروح تعود بلا عود هذا الجسد قربان أحمد الطحان_ https://soundcloud.com/user14452408/mqieovbzrxpo

[dabdooba-blog1]

ممكن نتصالح بسرعة عشان فى صور كتير عايزة ابعتهالك وحاجات كتير عايزة اعملك فيها mention وحكايات كتير عايزة احكيهالك ومواقف عايزة اخد رأيك فيها؟

[dabdooba-blog1]

مانا بخاف على نفسى أوى يا مُهيب .. انا اجرح اه ،بس متجرحش !

[dabdooba-blog1]

أنا الغجرية التي تحملك في خلاخيلها و حلقها النحاسي الطويل ، وتسافر بك إلى آخر الدنيا و آخر حدود الدَولَه :)))

[hipster-aesthetics]

hipster blog

[nu-2-ta-deactivated20180509]

[dabdooba-blog1]

6:47 am كنا مستخسرين ننام علشان منضيعش الكام ساعة إللي فاضلين لينا مع بعض في النوم ، بس خلاص الصبح طلع و ده إنذار أن الوقت خلص ! جت اللحظات التقيلة ع القلب و الروح ، اللي بيسطر فيها فكرة أننا عارفين أنها المرة الأخيرة ف على رأي هاني الدقاق "هتفرق في الوداع" . فيروز سيدة الموقف دلوقتي و هي بتقول : "ياريتك مش رايح ياريت بتبقى ، بتبقى ع طول"

[aquiethunger]

Untitled (rrrroza) -2016, unknown -

[dabdooba-blog1]

لعلّ الأشياء التي انتهت بنهاياتٍ مفجعة كانت لتُحب ان تستمر للأبد.. لعلّ من رحلوا كانت أقصى امنياتهم ان يعانقوك خمس دقائق قبل رحيلهم.. لعلّ الأبواب المغلقة تبكي عجزها امامك لأنها لا تستطيع ان تفتح نفسها لك.. لعلّ العالم كان يطمح ان يكون اقل قسوة و اكثر عطفاً و حناناً على قلبك الصغير الخائف.. ربما كل الاشياء التي استعصى عليك امتلاكها تريد معانقتك و تقبيل رأسك قبل ان تنام لكنك بعيد جداً و ايديهم لا تصلك كما يديك لا تصل اليهم.. لعلّ كل هذا الخوف يبحث بكل قلق عن اي طريقة ليطمئنك.. انت لا تعرف حقيقة الأشياء.. و لن تعرف ابداً.