歪畸

I'm a creep  I'm a weirdo What the hell am I doing here? I don't belong here.

[damnkidyk-blog]

被謀殺的一代

點解政府對咁多香港年青人自殺無動於衷？ 吓？唔逼死多啲香港人點塞啲尊貴嘅中國菁英入嚟？

[damnkidyk-blog]

平行世界的貓cafe

話說前嗰排我去咗間貓cafe嫖貓 點知間cafe啲貓好多都好大年紀 每當我摸佢哋嘅時候，佢哋都會露出「唔好搞鳩呀叔我啦」嘅神情，眼神流露住滄桑同厭世 搞到我都唔好意思再騷擾佢哋

於是我忍唔住諗如果喺一個貓同人掉轉身份嘅世界，個畫面會變成點......

[damnkidyk-blog]

社會棟樑

努力守護這個家園的棟樑們都被關起來了 我們還可以有什麼未來？

[damnkidyk-blog]

現代童話 之 糖果屋

細個睇糖果屋呢個故仔時，我好想試下個糖果玻璃窗。

[damnkidyk-blog]

鬥慘大賽

唔知點解，每次有人自殺或者表達自己嘅痛苦時 總有一堆人會衝出嚟開個「鬥慘大賽」，講到自己點樣比當事人慘千百倍都未死／未呻 其實冇人想知你有幾慘呀，我哋想知嘅係「點樣先可以唔慘」呀:0)

[damnkidyk-blog]

送個波畀對面隊係咩玩法？

「我諗住落球場舒展下筋骨咋，原來真係要踢波㗎？嘩，都係咪搞我喇。」

[damnkidyk-blog]

選民應有的態度

最近喺網上睇到好多「XX講嘅就一定冇錯！」、「無論點我都支持XX」、「XX撐邊個我就撐邊個」、「我只會信XX講嘅嘢」呢類言論 雖然一個候選人嘅言行、形象、往績都係大家應納入投票嘅考慮因素，然而我哋必須謹記我哋只係選一個代表自己嘅代議士，而唔係追捧緊一個政治明星 有啲支持者好似當某啲候選人係偶像咁，將偶像嘅一字一句奉為金科玉律，因此好多時都無法與人進行理性討論（瘋狂粉絲永遠無法接受他人對自己偶像講半句壞話） 其實我覺得支持邊個候選人應該好似搭車咁，候選人只係司機，你要清楚自己嘅目的地係咩，然後睇下邊個司機揸嗰架車嘅目的地同路線圖適合你 當然有啲司機可能出名揸得好，但唔代表佢永遠唔會炒車或行錯線，所以做乘客嘅應該保持理性同警惕，當個司機唔係載緊你去目的地時，就應該即刻落車、轉車（或者自己做司機😂）

#2016立法會選舉 #小歪畸民主教室 #功利JJ #不做盲粉 #做個醒目選民

[damnkidyk-blog]

Election, Selection

[damnkidyk-blog]

曱甴的視角

有時喺度諗 我哋望曱甴覺得曱甴好核突 但可能曱甴望我哋會覺得人類先核突......

（利申：好驚曱甴）

[damnkidyk-blog]

藝人自拍向消防員致敬事件

有人話黎明匿名捐款，爆料人可能都係自己人，只係公關伎倆 我就覺得就算係都冇所謂，為善而不欲人知固然情操高尚，但即使想公告天下攞下道德光環亦冇壞，反正始終都幫咗人 但最令人睇唔過眼嘅，係一啲只做表面功夫，冇實際幫助人（或社會）但又想攞道德光環嘅人（例如啲一人一相撐乜乜、1 like = 1 support活動etc.） 當然我唔排除有啲有份參與自拍向消防員致敬嘅藝人係有捐款，而且就算冇捐款，用自己方式表達心意本來都冇問題（正如好多網絡圖文作家都有畫圖表達心意） 但呢個自拍行動畀人感覺太廉價，平日社會發生咩事都唔出聲嘅藝人突然一窩蜂出嚟用同一方式致敬，只令人覺得偽善又噁心 希望呢班香港藝人反思下點解今次呢個行動會惹起咁多人反感，唔好以為網民乜都反乜都針對佢哋就算啦

[damnkidyk-blog]

一位消防員的心聲

以下係我一位消防員朋友托我向公眾表達嘅訊息，希望大家可以花少少時間睇下： --------------------------------------------------------------------------------------- 身為消防處一員，內部問題我唔向外講啦，我只係想講下消防同公眾之間嘅野。 場火終於救熄，但代價好大。

一場四級火，突然將消防員抬舉到上天，喺街到有好多市民會送野食同水俾我地，會同我地打氣，會同我地講好敬佩我地，會多謝我地，甚至有市民向我地salute, 而我自己亦都收到黎自四方八面嘅短訊同關心，見到有啲senders, 我都覺得好驚訝，不過真心感動嘅。而我知道唔只我一個係咁，我啲師兄弟都係。

我唔係驕傲亦都唔係自大，但我覺得我地消防絕對係值得配有呢份嘅尊敬同對待，就連我自己都好尊敬我嘅同袍。好多人會覺得做消防又高人工又多假，又成日食女，但我想問有啲咩工係真係會做到死... 其實我地都係打份工啫，我地都係普通人... 我相信即使消防員有幾爛玩，有幾賤男，大家心底都有同一顆想幫人想為市民服務嘅心。就係呢一份精神將每一個消防員連繫住，所以當我地知道有即使完全唔識嘅同袍殉職，我地都會覺得好傷心好難受。我好希望所有人可以一直都咁尊重消防員，要記得我地做緊嘅工作都係幫緊大家，因為有市民嘅尊重同支持，我地先有動力做得更加好。對我地黎講，市民嘅一句「做得好」，比起出自長官口中黎得更有意義。我唔希望呢份對消防員嘅尊重變成一種潮流，會隨住呢場火嘅熄滅而減退。

不過，更更更重要嘅係，比起英雄式嘅對待，我地更加希望得到市民嘅合作同幫助。以下係一堆我做咗半年所親身經歷嘅例子： - 完全唔知點解嘅虛報火警 - 有人借消防過橋黎對付/報復其他人 - 無任何消防/防火意識而導致火警鐘誤鳴甚至火警 - 自己因on9同不自量力，要消防員冒住生命危險去救自己 - 當消防員趕住上樓做case嘅時候，仍然有人可以斯斯然行入𨋢，仲要㩒埋𨋢 - 消防員做緊case嘅時候，嫌消防員污糟 - 消防員做緊case嘅時候，認為發出嘅聲音嘈親佢 - 等等等等...... 而我自己最最最嬲嘅係，當消防同救護車著晒燈響晒siren去緊車途中，仍然有司機/人唔讓路，有啲仲要特登加速過埋你先，又有啲人舉一舉手say一say sor就照喺你面前過......我每次都會心諗，若果我去救嘅係你屋企人，你都唔會想我地遇到任何阻滯。

所以，與其將消防員當神咁拜，不如從日常生活開始，親力親為，出一分力，去幫助消防員，減低消防員不必要嘅工作量，亦都令消防員嘅滅火救援工作更有效率，從而達到消防處嘅vision: To serve Hong Kong by making it a safe place to live and work.

[damnkidyk-blog]

感謝你們，每一位救火英雄

願逝者安息。

願你們平安歸來。

辛苦了，消防員。

[damnkidyk-blog]

港式行為藝術

Joan Cornellà今次嚟香港取材一定取得好開心( ͡° ͜ʖ ͡°) 

[damnkidyk-blog]

君子論道，常人論事，小人論人

一直以來，我們花了太多時間討論「Who」

記得雨傘革命時，我最討厭的一句口號是「梁振英下台」，因為這不是我真正的訴求，換了個特首不代表有民主； 雨傘革命失敗後，大家最熱衷討論的，是「誰導致這場運動失敗」、「誰犯了錯」，於是展開了無休止的互相抹黑和對罵； 新東補選，很多人把注意力放在楊岳橋和梁天琦誰更有個人魅力之上，卻很少細心留意他們的政綱； 補選結束後，大家只盼望梁天琦會再參選，很少討論他的政綱和宣傳方向有什麼需要改善之處； 六四前後，有些人執著於「誰」的組織是共諜，「誰」辦的集會更成功，但對於六四這段歷史本身的討論卻很片面

我們總是喜歡把焦點放在人的身上：翻舊帳、起底、猜疑身份、看政治小丑的鬧劇、辱罵我們討厭的人物......（回望自己以前的創作，也常常犯了這個毛病） 當然，「Who」是不可忽視的，做錯事的人要負責任 但更多時候，我們需要問「What」、「Why」和「How」，這樣社會才會真正有進步 ：） 

[damnkidyk-blog]

制度問題

Wow~多謝林鄭司長，我今日又學識一招新嘅卸膊大法喇！

老細：「呢單case錯漏百出搞到公司損失慘重，邊個跟開㗎？」 員工：「呢個係制度問題，冇人需要負責！」

老師：「邊個打爛課室個窗？」 同學：「呢個係制度問題，冇人需要負責！」

老母：「今晚邊個負責洗碗？」 仔女：「呢個係制度問題，冇人需要負責！」

正呀！ಠ౪ಠ

[damnkidyk-blog]

限定乜乜乜......好難抵抗呀！

有冇人同我一樣對呢堆字眼冇咩抵抗力？(´･ω･`) 明知係商人嘅陰謀但硬係會中計..................(´･ω･`)

有冇人同我一樣對呢堆字眼冇咩抵抗力？(´･ω･`) 明知係商人嘅陰謀但硬係會中計..................(´･ω･`)

[damnkidyk-blog]

Sem尾先嚟黑仔......是常識吧

平時黑仔開嘅人，覺唔覺Sem尾要考試交功課時會加倍黑仔？ 唉，大家加油啊，暑假就近在眼前咋！！！ヽ( ` Д ´ )ノ （利申：其實冇暑假，要搵工:0) ）