Əgər uzun müddətdir ki, Tumblr istifadə edirsizsə, nə demək istədiyimi daha yaxşı anlayacaqsız. Buranı dəyərli edən başlıca amillərdən biri, Tumblr'ın digər sosial şəbəkələr qədər aktiv istifadə olunmaması idi. Əvvəllər buradan istifadə edən insanlar, buranı evi olaraq görürdü. Sanki insanlar burada daha fərqli biri idi, real həyatda və digər sosial şəbəkələrdə daha fərqli. Bura onlara doğma gəlirdi. Çünki burada onlar fikirlərinə, əməllərinə, hərəkətlərinə görə dəqiqə başı qınanılmırdı. Burada öz fikirlərini bölüşmək tam sərbəst idi. Heç kim sənə anonim olub, səni təhqir etməz, nədə ki, boş-boş suallarla baş-beynini xərəb etməzdi. Əvvəl ki, Tumblr istifadəçiləri daha səmimi, daha içdən, daha hörmətcil idi. Amma indi Tumblr istifadə edən əksər insan, səmimiyyəti çox yalnış anlayır. Onlar heç tanımadığı blogların hər postunun altına mənasız rəylər yazıb, özlərini səmimi zənn edirlər. Hörmətə qalsa, yenilərinin əksəriyyətinin digər blogların fikirlərinə qarşı hörmət etməkdən, heç xəbəri belə yoxdur. Bu kütlənin əksəriyyəti Tumblr postlarının instagram, twitter, Tik-tok'da paylaşılmasından sonra buraya axın etdi. İndi isə onlarların sayı, əsl Tumblr istifadəçilərinin sayını ötüb keçir. Bəlkə fərqində deyilik, amma onlar bizim “ Evimizi ” İyrənc düşüncələri və hərəkətləri ilə xarabaya çeviriblər. Onlara görə artıq Tumblr əvvəl ki, kimi hiss etdirmir. Əvvəllər bura girər-girməz insana doğmalıq gələrdi. İndi isə sanki heç tanımadığın bir ölkədə, heç tanımadığın insanların arasına düşmüş qərib kimi hiss edirsən. Nəysə, çox danışdım. Bunu yazmaq istədim, çünki öz yuvamız kimi sevib, qoruduğumuz Tumblr öz əllərimizdən arasından yavaşca sürüşüb gedir. Sözüm bundadır ki, gəlin öz evimizə sahib çıxaq. Çünki, sayımız az qalıb. Biz unudulmaz Tumblr dövründən geriyə qalan sonuncu nəsilik...
areudirty
pixelskylines
stormborns
blakekathryn
janainaart
origamiaround
dailybridgerton
discoholicmusic
theartofmadeline
