هَمـس الولّـه @hmsalwalh1 - Tumblr Blog

إن بداليّ وجهها يصبح صباح اليوسفية

وإن غشتني نفحةٍ من ليلها يسعد مساها

درةٍ بالموت محروسةٍ وبالبحر محميّه

البحر من دونها والموت الأحمر من وراها

دونها ما أغليت وأسمحلي ولا شداد المطيّه

مرخصٍ بالقاع عُمري والثريّا في سماها

#ضيدان بن قضعان

وش جمع سحر الغموض بسودها والنرجسيّه

الوكاد إني بشطّ الكحل غنيت لبحرها

ماحَلا هوسة هدبها والمساء والسامريه

مِن يعلم مسترييح الريح عن فوضى شعرها ؟

الحرير الي كساها كالمتون العسجديّه

#مساعد الرشيدي

أنتي بشر ولا ملاك ؟ إلا ملاك .. إلا بشر

أنتي حقيقه ياتُرى ؟ أو ياتُرى أو خيَال ؟

أنتي جنون الشِعر وأنت كلّ رنات السَمر

أنتي حلال ولا حرام ؟ إلا أجمل ذنوب الحلال

أنتي ملذّات السهر ريّحانه القلب الخضرّ

أنتي موسيقى ترسم الضحكة على وجه اللّيال ❤️

ودي بك وابيك واباك وابغاك

جمّعتها لرضاك واختار فيها

شف ويش منها يتبع حكاك ورضاك

ولي لك اسقي مسمعك لا ضميها

غديت أفرّ حكاي واساير حكاك

وانا تشّرف لكنتي واهتويها

مضمونها ودي بشوفتك واهواك

يلي دروب اهل الردى ما تجيها

#محمد بن فطيس

لو دريت إنك الي ينتظرني مِن خلف أبواب الزمان

كِنت شلت سنيني الي عشتها قبلك وجيت

أنتي الي مِن عرفتك ماأذكر إني قلت لـيـت

إلا لـيـت إني عَرفتك مِن زماان ❣️

#فهد المساعد

رعي ريف قلبي لين صار الحشا مدهال

وعن مدهله جنبت غيره وذيرته

اداري عليه من الزعل وازعل العذال

وخطاه ان كبر في عين غيري تصاغرته

ترافقت انا وياه من يوم كنا اطفال

تكون غلاه بوسط قلبي وكبرته

# تركي الميزاني

-1/1/1447-

اليوم راس السنة وأمس آخر العام

ليت العُمر يهدى أبهديك عُمري

تستاهل الأيام يازهر الأيام

لو الهَوى المحبوس في جوف صدري

يظهر على العالم غشَى العالم هيام ❣️

#خالد الفيصل

مِن زعلّك ؟ فعيونك السود نظرة

لا شفتها حسيت بالحِزن واليأس

مِن زعلّك ؟ طاحت من الليل قمرا

وخلَى الطريق من المواعيد والناس ..

#بدر بن عبدالمحسن #عبدالمحيد عبدالله

لي صاحبٍ غالي وأداريه تَبعه شقى ومفارقه هم

كل ما بغيت أضعّن واخليه القلب قال أضعّن وأنا اتم

ببقى معه بِبطي أراشيه عساه يذعِن لي بـ مبسم

وابطول ليلي بت أراضيه ودموع عيني يذرفن دم

حب وغلا ماحد يساويه حُسن ومعاني وشوفٌ وشِم

ان قامت العّذال تطريه أذني عن العذال تنصم ❤️

سريت أطرد سرابٍ بين لي ضمّه

ولا دريت إنه السراب أقسى من الناري

أنشد نجوم السما عن حالتي لمّه

وأسأل قمرهم.. وش اللي جار بالأشعاري

إن قلت ماني بحبّك قامت الهمّه

وإن قلت أحبك، جرى في القلب تذكاري

#عبدالله الفيصل آل سعود

واقربي بين السوالف وكتفي والذراع

وانظري لي نظرة الشوق لشيء القديم

واغرقي بدمع الازراق مظاليل وساع

يوم صرتي عود رياح ورضاى النسيم

أصبري ي نجمة الصبح مال الصبح داع

قد طلبت الله وانا بين زمزم والحظيم

شوفتك ي أغلى ثنيه ليا صرتي رباع

العيون تجوع لك جوع والله العظيم

والعشاء بعيونك السود وعيوني جياع

ان عطيتي مايرد الكريم الا الئيم❤️❤️

لاتخيب ظنون من يحبك ويرعـاك

ولا تبني طموحاتك عليه بأذيـه

ترى ردى أفعالك تبرهن نوايـاك

مهما تجمّلت وأخفيت نواياك الرديّـه

أذا بتروح عسى الله يحفظك ويرعـاك

وإذا بتبقى طموحاتك لاتبقى على ماهي رديّـه

أدري بعدت عن طريقي وسجّيت

تايه ولا أدري قلبي وين يوديني

وش يردني لـ طريق به مشيت

غير إنك ترد لي صوت يسليني

معك أشتاق لك وشلون لو إنك بعيد ؟

والمشاعر ضوامي غصب تنساق لك

كل ما بطت بك الأيام شوقي يزييد

شف جنون الغلا عقبك وانا عاقلتك

أحترق لك ولّه ولا أنكتب لك قصيد

والشعر كم تباهى كل ما رق لك ؟

من وداعك ونظراتك رميتني وحيد

غربة شعور هالجفى ما لاق لك !

ارفع راسك انت سعودي طيبك جاوز كل حدودي

مالك مثيلٍ بالدنيا غيرك ينقص وانت تزودي

فارس و اجدادك فوارس و اصبحت لبيت الله حارس

مغروس بالمجد و غارس في ميدان العز شهودي 💚💚

ومن حلاها ماتوّصفها الحروف الأبجديـّـه

كيف توصف وردةٍ يبـري من العله شذاهــا

الورود تغـــار منهـا مزهريـّه مزهــــريـّـه

وإن تبـاهت عذرهـا معها يحق لها تبـاهــا

مايشـابههـا شبـيـه ولايحـاليهـــا حليّـــه

جـلّ ربٍ يوم صوّرهـا فرقها عن سواهــا❤️

ليتك تجمعينا يالرياض بين بردك وحنينك

ياليت تجمعينا لو على اللقى تقدريين

Trending Blogs

Recently Viewed Blogs

هَمـس الولّـه