The New Journey

A restart. Muggleborn, Witch at heart Educated Drug Dealer (AKA: Pharmacist) #Rabia #Syria #Palestine #One_Ummah

[hoperose4]

حاسة إني نفسي أقعد اتكلم مع حد عن عصوري الذهبية والحاجات الكتير اللي كنت بعملها في حياتي قبل كده وانجازاتي اللي محدش عنده علم بتفاصيلها كلها..

[hoperose4]

بفضل أبعت لنفسي بوستات وحاجات على أساس أبص عليها بعدين وعمري ما بعمل كده

وداخلة في عشروميت جروب على الواتساب والتليجرام وبرده عمري ما بفتحهم

هو بس clutter كتير في حياتي ودوشة محسساني إني ورايا حاجات كتير ومضغوطة ومزحومة وخلاص ومش عارفة بجد هبطل أعمل العبث ده امتى

في حاجات كتير اوي في حياتي بجد محتاجة reset

[hoperose4]

حد يعرف بديل للڨيمتو مش مقاطعة؟

[hoperose4]

من الحاجات القليلة اللي بتحسسني بالآدمية

[hoperose4]

كشف جلدية ايه اللي بقى ب900 جنيه! هو في ايه 😳

[hoperose4]

قررت أنام من أكتر من ساعةولسه برده منمتش لحد دلوقتي 😪

ودلوقتي بقول لنفسي خلاص الساعة داخلة على 4 والفجر هيأذن فخليني قاعدة للفجر بقى وخلاص

مازال عندي close to zero self discipline بجد. ربنا يهديني

[elsa7afia]

🖤

[hoperose4]

حسيتها رسالة موجهة اوي 😅

سبحان الله الراجل ده ربنا رازقني إن أغلب كتاباته بتيجي كإنها مكتوبة مخصوص ليا وبحسها بتخاطبني مباشرة في الوقت المناسب

لسه امبارح كنت بشوف برنامج حابة ألتحق بيه وكمان فيه ميزة إن الدفعة الأولى منه مجانية فا فرصة لا تُعوض يعني وانا عملت زي ما مكتوب كده ومقدمتش لحد دلوقتي 😅

لعلها رسالة ولعلي ألحق ألتحق بيه بقى وربنا يجعل فيه الخير ليا.

[hoperose4]

كنت خايفة الكواليتي بتاعته تتغير مع الوقت زي كل حاجة، وقد كان للأسف

الناتشو بقت صغيرة وخفيفة جداً وشاربة زيت ومبقاش حلو

Time to move on again

[hoperose4]

Current status at all times: محتاسة

[wshm]

ليس كل من خرج من حياتك خير لك..

ممكن أن يكون خير لهُ.. وأنت هو رأس البلاء..

لا تتحيز لنفسك دائما ، فأنت لست من الصالحين

[hoperose4]

حقيقي

[hoperose4]

حاسة إن كل الناس لازم يبقى عندها مكان لتلقي الرسائل مجهولة المُرسِل

الواحد بيبقى عايز يبعت كلام لناس مبقاش ينفع يتكلم معاهم (كلام عادي يعني مش حاجة وحشة زي ما بعض الناس بتستغل خاصيات الanon وتبعت كلام قاسي أو وحش)

وأوقات ببقى نفسي أسأل أسئلة مينفعش تتسأل مني غير anon

حتى تطبيق ask ده لقيته اتقفل هو كمان

وبعدين برده 😅😂

[hoperose4]

طاقة فراغ عاطفي رهيبة 🤦🏻‍♀️

الموضوع مبيتحسنش من رمضان

وبعدين ..

[hoperose4]

بقيت ملاحظة بوضوح جلي إن الocd tendencies بتاعتي بتزيد بصورة كبيرة في أي وقت ببقي مضغوطة فيه وكل ما الضغط زاد كل ما هي بتزيد معاه

[hoperose4]

بقيت بدخل تمبلر أدور على شعور الألفة والراحة اللي كنت بحس بيه زمان وللأسف مبلاقيهوش :/

مش عارفة هل الناس اللي عليه اتغيرت ولا الفترة اللي بعدتها اللي خلت الدنيا عندي مش زي زمان ولا ايه المشكلة بالظبط بس انا مستاءة من الموضوع ده.

أنا عايزة أحس بالشعور الحلو اللي كنت باجي هنا علشان أحسه 😭

[elsa7afia]

🖤

[hoperose4]

بقالنا كام يوم في الوقت ده كده من ساعة تقريباً بيبقى في صوت ترزيع فظيييع بجد في المنور صوت زي ما يكون حد بيرمّي حديد ولإنه في المنور فا بيبقى عالي جداً جداً وبيرن ويعمل echo وبيفضلوا كده وقت طويل بجد بصدع

احنا ناقصين قلة نوم! 😭

بجد موضوع إن الواحد يبقى في عمارة مش كلها متشطبة وكل شوية يسمع دق ورزع شكل فوق دماغه دي حاجة غير آدمية بجد :'/