Ice Candy Talks

poetry, quotes, random

[icecandytalks]

Leadership is not about titles, positions or flowcharts. It is about one life influencing another

John Maxwell

[icecandytalks]

Great moves of God are usually preceded by simple acts of obedience.

Steven Furtick

[icecandytalks]

Mananatili

Hindi na bago ang pagbabago Naganap na ito makaraan pa ang ilang siglo Wala naman talagang permanente sa mundo Marami nang nasira, marami nang nabuo Sa buhay ay naglalakbay ka Tatakbo, lalakad, gagapang, o kahit ano pa Makarating sa patutunguhan, 'yon ang mahalaga Pero mas maganda kung sa paglalakbay meron kang kasama Sa unang pag iyak, kasama ko sila 'Yong mga unang paghakbang, naroon sila Nang matutong bumasa't sumulat, nakilala sila Sa pagbati ng unang tigyawat, dumating sila Noong nakilala ang bola, nakalaro sila Bumigat ang responsibilidad, nakatulong sila Sa kasalukuyang paghakbang ng dalawa kong paa, Sumasabay rin ang lakas ng yabag ng kanilang pagmartsa Mapalad sa paghakbang, ang katabi ko ay sila Sila... Sila na pumapahid sa bawat luhang pumapatak Sila na pumupunas ng pawis na tumatagaktak Sila na nagpahiram ng lapis at papel Sila na nagpasigaw sa puso ko na parang may lapel Sila na sumusuporta nang tunay Sila na sumasama sa tagumpay Ako'y masaya sa malakas na pagtunog ng mga sapatos na nagma-martsa Sinisigurong lagi ko silang kasama Ngunit sa kalagitnaan ng paglalakbay, Tila humihina ang pagyabag ng mga paa Ang masiglang martsa ay parang unti-unting tumatamlay na Nababawasan ang lakas ng tunog na nagmumula sa bawat paghakbang ng aking mga kasama Pahina nang pahina ang tunog ng martsa Tingin sa kanan, tingin sa kaliwa Ang noo'y maraming paang kasabay, pabawas nang pabawas na! May umiba na ng dinaraanan May napagod na't di na nagpatuloy May huminto dahil hanggang doon nalang daw May mga nawala nang walang dahilan Pero ano't ano pa man ang sanhi, meron itong bunga Paalam na, wika nila Di man sabihin ng kanilang mga labi, Sinabi na ng kanilang pagkilos Ang pamamaalam na nagpapatunay na lahat ay nagbabago Ang kanina'y nariyan ay biglang mawawala Ang kaninang mabuti, biglang magwawala Ang iniwan mo lang saglit ay maglalaho na lang bigla Parang bula Isa-isa'y nagsisi-alisan Sunud-sunod nag-aayawan Malungkot man ang bawat paglisan Masakit man tanggapin ang katotohanan Kailangan pa rin ipagpatuloy ang martsa Ang martsa sa paglalakbay na sinimulan ng dalawang paa Na dapat matapos kahit manatili itong dalawa Hayop ay mamamatay Halaman ay malalanta Bawat bagay ay mawawala Maging tao ay may katapusan Permanente ang pagbabago sa kalikasan Ngunit Ikaw at ang 'Yong salita ay mananatili Sa dapit hapon ng paglalakbay Natagpuan ang sariling mag-isang nagmamartsa Nagpapasalamat sa mga ala-ala Mawala man sila, kasama pa rin Kita Wala mang tao sa paligid, nariyan Ka Iwan man ako ng lahat, di Mo ako pababayaan Sa lahat, ako'y Iyong sasamahan Salamat sa pag-ibig at pagsama Salamat 'pagkat kung ako naman ang mawala, alam kong mananatili Ka

[icecandytalks]

Na Naman

Isa, dalawa, tatlo. Pang-ilang ulit ko na bang nagawa ‘to? Tila ba walang katapusan Para bang walang hanggan Paulit-ulit na lang na parang sirang plaka At masasabi na naman sa sariling “hala, lagot ka!”

Gagawa ng isa, bukas hindi Sa isang araw oo, sa susunod hindi Naiipit sa siklo ng paggawa ng mali Matapos magsisi sa isa’y gagawa na namang muli Heto ang tanong, ako ba’y nagsisi talaga? O nadala lang ng pagtapik ng kunsensya?

Muli ay nagawa ang bagay na hindi dapat Hindi dapat dahil ito’y pangakong di na gagawin, hindi naging tapat Hindi naging tapat pagkat isip ay kalat Isip ay kalat dahil ibinababad ang sarili sa di karapat-dapat Sa di karapat-dapat na lugar, sa mundo Sa mundo sa halip na sa piling Mo.

Patawad po Patawarin sa hindi maunawaang kahulugan ng pagsisisi Patawarin sa pagbitag sa sarili sa siklo ng paggawa ng marumi Patawarin sa di pakikinig sa lahat ng ‘Yong sinasabi Patawarin sa di pagpapatawad sa iba, maging sa sarili

Patawad! patawad aking dalangin Naniniwala akong ako’y diringgin Dahil iba Ka sa akin na nagbibingi-bingihan Kaya’t salamat sa kapatawaran

Ayaw ko nang sabihin ang katagang na naman! “Patawad sa ginawa ko... na naman” “Nasaktan Kita... na naman” “Ako’y umulit... na naman” Na naman! Na naman! Ayan ka na naman!

Ayoko na nito! Tulungan akong makalaya Tulad ng mga ibong sa kulungan ay wala Alisin sa gapos na nagdadala sa ‘kin sa “na naman” Ako’y di naging mabuti kaya’t ikaw ang naging mabuti para sa ‘kin Salamat sa pag-ibig na makapagpapabago rin sa akin At ‘pag dumating na naman ang nanlalason ng isipan Tulungan akong ang pakinggan, Ikaw naman.

[icecandytalks]

Stop determining your worth and value by what other people say. Be determined by what the Word of God (scriptures)says.

Joyce Meyer

[icecandytalks]

You must make a decision that you are going to move on. It wont happen automatically. You will have to rise up and say, ‘I don’t care how hard this is, I don’t care how disappointed I am, I’m not going to let this get the best of me. I’m moving on with my life.

Joel Osteen

[icecandytalks]

If God always met our expectations, He'd never be able to exceed them.

Steven Furtick

[icecandytalks]

I may have absolutely no control over what happens to us, but we can control how we respond. If we choose the right attitude, we can rise above whatever challenges we face

Nick Vujicic

[icecandytalks]

Vision

Vision is a clear mental picture of what it could be, fueled by the conviction of what it should be. - Andy Stanley ...

Ang vision, pinupuntahan. Hindi lang tinititigan. PWEDE siyang mangyari pero DAPAT siyang mangyari. Iba ang vision sa panghuhulang di ginagamitan ng bolang kristal.

[icecandytalks]

Magkano?

Kung pumapasok tayo sa eskwela para lang makahanap ng trabaho at kumita ng pera balang araw, di na nakakapagtaka kung bakit marami ang namamatay nang mangmang. - Bob Ong

... Tama bang maging batayan ng karunungan at tagumpay ang pera? na kung naging magkano ka matapos kang mag-aral ng mahabang panahon? Sa ganitong pag-iisip, nawawala ang tunay na kahulugan ng talino’t tagumpay. Di lang tayo nabuhay para mag-aral tapos magtrabaho/ magnegosyo tapos gumastos nang gumastos tapos mamatay na lang. Marami pa tayong dapat magawa sa buhay gamit ang dunong na nakuha natin sa pag-aaral. Masasabi ba nating talagang matagumpay ang mga grumadweyt at yumaman pero sa masamang paraan naman? Sila ba ang may “natutunan” sa eskwelahan? ‘Wag nating hayaang mag-asam tayo ng kaalaman nang dahil lang sa pera. Hindi lang  tungkol sa pera kung bakit tayo nasa eskwela. Kapag pera ang nagiging dahilan natin, mamamatay nga talaga tayong tokwa ang ating utak.

[icecandytalks]

One More Round

Going in one more round when you don’t think you can - that’s what makes all the difference in your life. ...

         Isa ‘tong linya na napakinggan ko noong pinanood ko ang movie na Rocky. At tinuruan ako nito ng magandang bagay. BASAGIN ANG SARILING LIMITASYON. Sa pagkakapanuod ko sa bawat laban ni Rocky Balboa, madalas na siya ang unang nabubugbog. Tapos makakabawi siya sa mga susunod na rounds. Halos barag-barag na ang kaniyang mga pisngi pero patuloy lang siya sa laban at siya pa ang nananalo sa huli. Kung sa mga unang rounds pa lamang e umayaw na siya, magwawagi kaya siya? Malamang hindi. Kung hindi siya lumaban ng isa pa uling round, magwawagi kaya siya? Malamang hindi. Kung nilimitahan niya ang mga rounds na ilalaban niya, magwawagi kaya siya? Malamang hindi. Hinang hina ka man, pero kung may tapang ka pang lumaban, naniniwala ako na humahakbang ka na sa hagdanan ng tagumpay.           Kung pakiramdam natin e di na natin kaya pang umabante sa mga pagsubok sa buhay pero nagdecide pa rin tayo na humakbang, pinatutunayan natin na tayo ay LIMITLESS. Nagiging limitless tayo dahil limitless din ang Diyos natin! So take extra steps! If we take courage to do what we can, God is really able and willing to do what we can’t! Malay natin, next round e mapatumba natin ang kalaban? :)))

[icecandytalks]

Handling Emotions

Galak, galit, takot, lungkot. Walang mali sa pagbibigay ng Diyos sa'tin ng mga emosyon. Ang mali lang e 'yung pagproseso natin ng mga 'to sa ilang mga sitwasyon. ... :) :P xP :D ;( ;) :( :'( xD

[icecandytalks]

No Man is an Island ..

         Masaya pag nakikita mong masaya ang mahal mo sa buhay, at masaya sila pag nakikitang nagtatagumpay ka. Pero kung ikaw lang at ang tagumpay - pangit! Walang kwenta. - Bob Ong

         Ang sagwa kapag may napagtatagumpayan kang mga bagay pero wala ka namang mabahaginan ng saya mong iyon kahit sa guni guni mo lang. Mabuti at binigyan tayo ni Lord ng kapwa. ‘Di tayo pupwedeng mamuhay nang walang kasama. Kaya kailangan natin ang isa’t isa. ‘Di mo masasabing tagumpay ang tagumpay kung wala ang presensya ng iyong kapwa.          Ang korni mabuhay para sa sarili lang natin gayong nilikha tayo para sa isa’t isa sa dapat na isang layunin. Ang korni.

[icecandytalks]

Wala lang. Gusto ko lang sabihin.

         Bad trip kapag may insecurities yung teacher sa estudyante niya. O yung nakaka-ahead sa baguhan. Nahahadlangan ang tamang pag-grow at pagdevelop ng estudyante kasi ‘di na binibigyan ng tamang turo at pagsasanay dahil may takot na baka mahigitan ng “bata” ang kakayahan niya. Nakalulungkot kung minsan na hinuhubog tayo ng ilang mga institusiyon sa paraang nais lamang ng tagapagturo at para pansarili at hindi sa paraang dapat at para sa ikabubuti ng iba.

         Ang sabi pa naman sa Bible, teach children the way they should go. Hindi the way we want them to go. At syempre, kasama na roon ang pag-unlad ng “bata” na walang negatibong paghadlang. Kung patuloy ang ganito at maraming ganito, e baka nililikha na natin ang susunod na henerasyon bilang lupon ng mga bopols?

[icecandytalks]

Present

What usually gives us unnecessary stress and unwanted heaviness in the now are the unwanted baggage of the past and excess luggage of the future. - Ru Dela Torre

         Limutin na ang mga hinanakit at kahihiyan sa lumipas na panahon. ‘Wag na ring problemahin pa ang mga ‘di kaproble-problema para sa kinabukasan. Ienjoy ang ngayon dahil regalo ‘to ng Lord sa atin. Kaya nga in english, PRESENT siya. :)))

[icecandytalks]

One Peace... ^_^v

Peace I leave with you; my peace I give you. I do not give to you as the world gives. Do not let your hearts be troubled and do not be afraid. - John 14:27 ... Peacefulness isn't just about being quiet, calm, and secured. It is more on the state of being with Jesus. :))))

[icecandytalks]

Blessings?

But seek first his kingdom and his righteousness and all these things will be given to you as well. -Matthew 6:33

         Isang utos at isang magandang pangako. Ngunit minsan para sa mga Homo Sapiens Sapiens na tulad natin, ang Matthew 6:33 ‘e gustong gawing “and all these things will be given to you as well” na lang. Gusto lang ‘e ‘yung pangako. Tila ayaw magseek sa kingdom ng Lord. Ayaw gumawa ng mga bagay para sa Lord. Ayaw sumunod sa Lord, Gusto lang ng blessings, blessings, at blessings pa.

         Tandaaan natin na mailap ang pagpapala kung mawawala ang elemento ng pagsunod. Pagsunod sa Panginoon. Buksan natin ang ating isipan na susunod muna tayo bago tayo sumahod. Sumahod ng pagpapala. Minsan na akong naging part ng network marketing company. At tulad ng sinabe saMatthew 6:33, natutunan kong hindi talaga darating ang blessings slash kita kung ‘di ka kikilos. Pagaaralan mo muna ang negosyo, aattend ng trainings, at marami ka pang ibang dapat gawin. At tapos n’on, asahan mo na ang kita. Ganun din kay Lord. Alam Niya ang mga pagkilos mo oara sa kingdom Niya at meron at meron Siyang reward para sa’yo. Unahin natin Siya. Sundin natin ang kalooban ng Lord at asahan din natin ang sure shot na pagpapala!

         Si Lord hindi nagnenetworking pero may tanong Siya sa’tin. “Open-minded ka ba at gusto mong yumaman?”. :)))