imyicel

emosyonal. pilit pinapalaya ang sarili sa lungkot. kaibigan. marunong ngumiti kahit nahihirapan

[imyicel]

Positive

One positive post for every heartache. One positive post for every loneliness felt. One positive post for every pain accepted.

[imyicel]

Biglaan

Habang gumagawa siya ng talata, bumubuhos ang emosyong  ikinahon niya nang ilang araw. Kasabay ng pagbuhos ng ulan, tumutulo ang luhang kaytagal na pinigilan. Masakit. Sobrang masakit pa rin pala.

Mahirap talaga mag-isa tuwing umuulan. Maraming alaalang nagpupumilit pumasok sa utak niya kahit matagal nya nang iginapos sa kawalan. Nakatakas, nakapasok, nagdiwang. Habang siya, natulala, hindi handa. Talo  na naman.

Sa mga araw na nagdaan, maraming beses syang nakipaglaban at hanggang ngayon, pilit na nakikipagbuno sa mga kaaway. Kaaway na alala. Naghanda siya. Nagdasal. Nangako sa sarili. Pero may pilit na bumubuwag sa pundasyong kaytagal niyang pinagplanuhan, kaytagal pinag-isipan. Ang akala niyang tapos na, bigla-biglang aatake nang walang pasubali. 

Biglaan. Tulad ng isang traydor kung umatake. Kung kailan akala nya’y maayos na, may bagay na biglang magpapaalala ng lahat. 

[imyicel]

“Sya”

Ayaw mo na magtravel kase gusto mo na lang alagan si tatay. pero gusto mo ring makita si “sya”. Hindi pala ako selfish. Hindi pala ako sensitive. Totoo pala.

. 

[imyicel]

14

Ito yong araw na sobrang saya ko. Yong araw ng unang yakap. Yong araw na nagdesisyon tayong lumevel up. Ang saya. ang saya saya ko non dahil don ko narealize na mahal nga kita. Hindi pala tayo magkaibigan lang. Hindi pala. Masaya. Sobrang saya. Ikaw din pala may feelings na. Ito yong araw na nagdesisyon akong subukan pagkatapos ng mahabang panahon kase sabi ko ikaw naman yon. Ikaw pala yon. Ikaw pala yong God’s best ko. Pinagdasal kita sa Panginoon.

Pero ito na yong araw na pinagsisisihan mo. Ilang beses mong sinabing sana hindi ka nagmadali para hindi mo ako nasasaktan ng ganito. Ang lungkot. sobrang lungkot. Sa tuwing dumadating ang araw na ito, hindi ko mapigilang lumuha. Andaming sayang. Sayang ang pagmamahal. Sayang ang pagkakaibigan. Andami nang nabago. Pinili mong bumitaw. Pinili mong patayin ang pagmamahal.

Hindi ko pinilit na ako ang piliin mo, na ako’y ipaglaban mo. Pero masakit saken na binitawan mo ako. Masakit na marinig na pinapatay mo ang feelings mo. Sabi mo ayaw mo akong mawala. Na pinili mo ang pinili mo para magkita pa rin tayo kahit hanggang kaibigan lang. Pero lumalayo ka at naghanap ng ibang masasandalan. 

Ayaw mo akong masaktan. Naiintindihan ko yon. Pero may sasakit pa ba sa nararamdaman ko ngayon? Hindi ko pinagsisihan ang araw ng sinimulan nating maging higit pa sa kaibigan. Kaya napakasakit marinig nang sinabi mong sana hindi na lang. Siguro nga hindi ganon kalalim yong pagmamahal mo. Hindi rin kita masisisi na di ako ang piliin mo dahil pamilya mo ang kalaban ko. Nakakalungkot lang dahil hindi ako nabigyan ng pagkakataon na magpakilala. 

Malungkot. Sobrang lungkot na parang natapon lang lahat. Kahit gustuhin kong maging maayos, kahit gustuhin kong bumalik, hindi pwede. Paano nga ba ako babalik kung hindi naman ako ang umalis. 

Ito ang isa sa pinakamasayang araw ko pero ito na ang araw na pinagsisihan mo. Marami akong tanong pero pipiliin kong tumahimik na lang dahil alam kong ayaw mo na. Ayaw mo nang lumaban. Masaya ka na. Maraming pagkakataon na pwedeng ibalik ang dati, pero siguro nga ayaw mo na kaya pipilitin kong maging masaya na lang para sayo. Iiyak ako, pero hindi o makikita ito dahil alam kong ang masayahing ako ang gusto mong makita. Mahal kita at hangga’t mahal kita, patuloy akong kakapit dahil mas mahirap piliting kalimutan ka. Patuloy akong kakapit kahit bumitaw ka na, Hangga’t mahal kita...

[imyicel]

Overthinker x Words of Affirmation

  Ang hirap maging into words tapos overthinker at the same time. Sa words ka kase kumakapit. Kung overthinker ka, hindi ka mapapakali kas​​e andaming pumapasok sa isip mo. Yong tipong kahit alam mo naman na, may what ifs pa rin. May bakit pa rin. Tapos maiimagine mo pa yong mangyayari sa lahat ng what ifs mo. Tapos hindi mo na alam kung alin na yong totoo. At dahil may mga bakit ka, hindi ka matatahimik kase kailangan masagot yon. Kase nga, into words ka. Itatry mo sagutin para matahimik ka. Pero dahil overthinker ka, andaming sagot na atatry mo para lang masatisfy ka. At dahil overthinker ka, yong mga sagot mo, may panibagong tanong. Kase nga, into words ka. Hangga't di nasasagot, di ka masasatisfy. Ang hirap! Pati sarili mo, hindi mo na rin maintindihan. Ang hirap maging into words. Kase yong sinasabi nila ang pinanghahawakan mo. At madalas kang masaktan sa sinasabi ng iba. Kahit gusto mong intindihin, masakit pa rin kase nga, words of affirmation ka. Lagi kong sinasabi noon na kaya kong kumapit basta sabihin mo lang. Kaya kong maghintay basta sabihin mo lang. Kaya kong maniwala basta sabihin mo lang. Kahit hindi ok ngayon, magiging ok din ang lahat basta sabihin mo lang. Basta sabihin mo lang.. at pag nasabi mo na, yon na yong panghahawakan ko. Kaya pag binawi mo, sobrang hirap tanggapin.

[matabangutak]

Minsan we feel sad kapag may taong nagsabi na hindi sila mawawala, na hindi sila tulad ng iba tapos mararamdaman mo na onti-onting nawawala. Starting from countless nights na nagpupuyatan kayong dalawa then darating sa point na biglang may reasons na sila not to talk to you or catch up with you.

Minsan, naiisip ko kung gaano kadali sa kanila magbitaw ng salitang hindi naman nila kaya panindigan. Sa taong big deal ang salitang binibitawan. Dinadala ko yun as sama ng loob sa tao. Once na lumabas sa bibig mo or nabasa ko sa ‘yo. Aasahan ko yun kasi nagtiwala ako eh. Sabi niyo kasi iba kayo sa kanila, na nasaktan din kayo kaya alam niyo na rin pakiramdam nang nasaktan. Pero nagiging kayo yung klase ng tao na sinabi niyong hindi kayo. Lahat tayo especially kapag hindi niyo talaga gusto 'yong tao. Siguro para mapadali ang buhay. Accept the fact na lang na may mga taong dadaan lang talaga na hindi sa 'yo nakalaan.

[imyicel]

Dear Cyberfriend,

Welcome to my #randomthoughts

While listening to Yeng’s musics, yong bagong album nya na pamatay sa lungkot, isinusulat ko ngayon ang mga bagay bagay na bigla bigla na lang pumapasok sa isip ko. Ganito ata talaga pag nasa sitwasyon na ganito (ang vague). Basta malungkot.... Ito na.. simulan na natin. Pinapaalala ko lang, random thoughts ito.. Sorry na kung walang context o walang koneksyon ang iba o lahat na...

1. ang hirap pala talagang magdecide lalo na kung hindi mo gusto. 

2. Ang hirap pa rin bumitaw kahit alam mong ikaw na lang ang humahawak.

3. Kahit pinalaya mo na, pag may nakita kang kasama o kausap o bagong kaibigan, sampal pa rin sayo.

4. Minsan gigising ka at sasabihin mong tama lang ang nangyari, pero madalas babangon kang  umiiyak dahil maiisip mong gusto mo pa ring subukang bumalik kahit ilang beses ka na nareject.

5. Gusto mo syang sumaya pero gusto mong kasama ka sa kasiyahan nya kahit di na pwede. Sakit kaya iyak na lang.

6. Maggogoal ka tuwing umaga na dapat di ka na malulungkot pero wala pang lunch time, tumutulo na luha mo. Achievement na kung after 5pm ka na iiyak. 

Pasok Moira...

[imyicel]

Bakit kahit sa panaginip, ikaw pa rin ang iniisip. Tama bang maging tama kung pumapatak naman ang luha? Hindi ko inakala na susubukin ng tadhana. Ang puso kong mahina na pinuno mo ng tala. Tala ng mga alala, tamis at ligaya. Na hanggang ngayon sa aki'y nagbibigay saya. Ngunit kung ang oras na ang sa ati'y humuhusga, Siguro nga tamang maging tama kahit pumapatak ang luha. 😊😊😊 bow. #tumutula

[imyicel]

Pagbabalik

Nagbalik,

Nagbackread,

Sumaya. 

Kumusta? 

Para kang ex ko na nakalimutan ko na simula nang nakamove on ako. Grabe. Nakakatawa talaga magbasa ng sariling mong mga sulat. Tatawanan mo ang sarili mo dahil sa dami ng drama sa buhay. Sa dami ng mga ngayon ay tinatawag nang “kawirduhan”. Tama talaga ang sinasabi ng iba:  na may tamang panahon para sa lahat. Maiintindihan mo lang ang isang bagay sa tamang panahon. 

Isang pagbabalik-tanaw ang ginawa ko kanina na sobra kong naenjoy. May mga bagay na hindi ko na matandaan, Ginawa ko pala yon? Sinabi ko pala yon? Naramdaman ko pala yon? Sino ang tinutukoy ko don? Andami ko ring mga naging tanong pero karamihan, tinawanan ko nang maalala ko.

Subukan mong gawin. Tiyak akong sasaya ka rin. 

[imyicel]

waiting... (at Laguindingan Airport)

[imyicel]

[imyicel]

Sa mga sandaling palubog ang araw, muli kitang nasisilayan. Sa gitna ng dilim, ikaw ang tanglaw #IlawSaPoste #Holiday #Alabatfeels #isla (at PORT of Alabat)

[imyicel]

make it great #pizzahut

[imyicel]

"higit sa lahat, ang maglakad kasama mo ang tunay na nagpapasaya sa akin" -tsinelas charot ng paborito kong tsinelas.

[imyicel]

Muntik na kaming maubusan. Buti umabot kami sa pila.. try this lumpia from quiapo. Globe lumpia. Since 1956 pa sila (kung di ako nagkakamali) and walang ibang branch. Super sarap and mura lang. With 18 pesos, sulit na sulit. (at Quiapo, Manila)

[imyicel]

Alam na this. #presleepingSession #selfworkout #tummyme #mapagpanggap #start

[imyicel]

@orchidarium #luneta #pinas #sidetrip