Lakbay Natin

Ang aming paglalakbay sa buhay na ito. Sinimulan ngayong Hunyo 7, 2025

[jariatmeann25]

Kape. Simple lang ngunit nakakapagbigay lakas. Lagi mo akong ipinagtitimpla ng kape tuwing umaga, bago pumasok, at kapag umaalis tayo o may lakad. Binibigyan mo ako ng lakas at sa init nito ay naipadarama mo ang iyong pagmamahal. Gusto ko lang sabihin at magpasalamat sa araw-araw mong pagpaparamdam na mahal mo ako-- Kape.

[jariatmeann25]

Aming binisita ang Ili-likha na isa sa mga lugar ng sining sa syudad. Malapit lang ito sa Session Road. Kakaiba ang lugar sapagkat sa unang tingin ay parang pinagtagping mga bakal, kahoy, salamin, at bato ngunit nang dahil sa malikhaing pagkakayari at pagkakaayos nito ay naging isang obrang maitururing. Parang isang panaginip, kakaiba man ay may iisang nais, lugar na may kakaibang kwento na pinagtagpo at nagtatapos sa iisang dulo. Mahal ko, salamat sa araw na ito.

Isa sa mga tradisyon sa aming pagsasama ay ang pagbili ng bulaklak. Isa lamang sa mga simpleng hiling niya sa akin pagkaraan naming ikasal.