Tes, tes, bun...tes, bun…123... check...

Buhay at mga berso. Itinala sa papel o digital na medium. Inipon. Ipinanganak sa mundo ng Internet.

[kulapu]

Sabado Night

Nagsasayaw Ang ilaw sa tabi ko Sa gilid sa harap paikot Naghalo sa kisameng kasama Ang antok-hilo kong ulirat Bingi na ako sa tunog Ng patagilid-pakalat na musika Habang pinapaypayan ako Ng higanteng bentilador Naisip ko Mas mainam siguro Nasa bahay lang ako

[kulapu]

Paramdam sa himbing

Kislap sa dilim Kindat-utal ngunit totoo Mahina at iginapos Parang kiliti o tapik Abot-kamay sa malayo Na nang-aakit sa indak Walang kawala sa yapos At minsan pang titibok Kahit na hindi mawari Ang direksyon ng pintig O kung may huni ang tunog Sapagkat nabingi na yata Sa matagal na paghihintay Mapapabuntung-hininga na lang At ibabaling ang tingin Sa kislap na makikita Bilang huling pagkakataon

[kulapu]

Ang iniwan na tamis

Matamis Oo Noon hangga't Saan na mararating ng Mapurol kong alaala ay Matamis ang mga karanasan Na aming pinagsaluhan Kahit na tahimik Nag-uusap kami sa paningin At naglalambingan gamit Ang matalas na pandama Noon Noong magkasama pa kami At nakikinig sa mga awit Ng ibon sa umaga Pinagmamasdan pa ang pagputok Ng sinag ng araw At napapansin ang kurap nito Tuwing dapithapon Oo Naglaho na nga ang panahon maliban sa tamis

[kulapu]

Karinyo

Namumulaklak Nagsasaboy Nagwawala Ang mura sa bibig Ng walang-hiya Nasalampak ako sa tabi At nakinig sa sermon n'yang Wala sa direksyon Paikot pabaliktad pasalubong Nagbuhol ang isip Na ginahasa sa mura Na walang tigil Nabugbog sa lait Nalibing sa duda

[kulapu]

Alaala

Nakikinig ako Kahapon lang Kagabi Sa awit na gustung-gusto Na nagdadala sa akin Sa malayong lugar Ng kabataan Noong wala pa akong Inaalala sa mundo Noong payak pa ang buhay Noon at doon lang

[kulapu]

Session 2

Parang bigla akong Nahilo nung isang araw Sa utos mong igib At swimming Nagliwaliw ako sa limbo Nagkukwento akong parang Isang kwentista At natulog akong parang comatose Sa gilid ng inodoro. Bago yon, Nagspeech muna ako Tapos ay nagbuga ng pagkain Na naitago ko sa aking tyan. Kinaumagahan ko lang nalaman Bagong taon na pala.

[kulapu]

Isang linggong pananatili

Lunes hanggang biyernes Ang sandali ko Ang mundo kong umiikot Ang munting kisap-mata Sa highway ng kapalaran Wala akong ginawa kundi Lunurin ang sarili sa pagpanday Sa bagay-bagay na Wala namang kahulugan Sa aking munting buhay Habang hinihintay ang Dulo ng linggo Upang lasapin ang magkambal Na araw ng gipit na buntung-hininga Pangungulit lang ito Sa kapalarang inuulit Ng animo'y walang katapusang linggo Ng pananatiling maikli Walang pag-unlad Walang takas.

[kulapu]

Ano

Ano raw iniisip mo? Nagtataka rin ako Gaya ng isip mong Nagtataka rin sa akin Saan ba tayo papunta? Nag-iisip rin akong tulad mo Gaya ng pag-iisip mo sa Patutunguhan natin Ano ba ang nangyari? Naguguluhan din ako. Gaya ng paghahanap mo Ng dahilan sa bawat araw Nalilito na rin ako Kaya nagtatanong.

[kulapu]

Sessions

Paikot ng paikot Pailalim sa gabi Nilunod nila at ako Ang mga awit at kwento At mga usok ng sigarilyo Mga tawanan at sigawan Doon iyon Basta naganap Malaking bahagi nito ay nalimutan na Kinabukasan nawala na Naitago na sa liblib Na paminsan-minsan lang naaalala.

[kulapu]

Hapon na

Naririnig ko na ang Tilamsik ng tubig sa batuhan Naamoy ko na ang alat sa Hangin na walang patid Sa pagkalabit sa akin Tanaw ko na ang araw Na dahan-dahang nagpapaalam Sa sandaling ito Kinakausap ko ang sarili Na di man lang umiimik Tinatanong ng mga bagay Na walang makasagot Ako lang ang maingay sa Tahimik na sulok Nasa isip ko ang lahat ng tunog

[kulapu]

Istrol sa baybay

Hapon na Naririnig ko na ang Tilamsik ng tubig sa batuhan Naamoy ko na ang alat sa Hangin na walang patid Sa pagkalabit sa akin Tanaw ko na ang araw Na dahan-dahang nagpapaalam Sa sandaling ito Kinakausap ko ang sarili Na di man lang umiimik Tinatanong ng mga bagay Na walang makasagot Ako lang ang maingay sa Tahimik na sulok Nasa isip ko ang lahat ng tunog

[kulapu]

panagimpan

kawalan sa dilim at kapos-hiningang liwanag isip na tangay nitong ipu-ipo na walang patid sa pag-ikot sulat-kalahig ng isipang lito-baliw-uhaw at mga kamay na nanginginig at pilit makalimot hubog sa balakang ang pabigat na abot hanggang puso hagilap ang hininga banggit ang iyong pangalan

[kulapu]

batugan

buhay kati sa reklamong bingi manhid sa pahid ng mga nagkalat na puna bulag sa totoo na likhang-isip lang daw bantayog ng katigasan sa lambot ng mga papuri ubos ang anuman sa nalalabing kamalayan sinasagasaan lang bilang karaniwan ewan iniwan pinakawalan hindi pa man hindi na muli hindi na magiging

[kulapu]

paikot

lilipad ako pero muli ring lalapag hanggang dito roon saan man umabot ang lingon at tango pipilitin ko para lang buuhin ang kadena na akmang bilog bola, gulong at isipan na patalbug-talbog hahayaan kong ako'y hingalin at matuyuan baka mamaya heto ako ulit.

[kulapu]

Hilo-lito

Nagising ako sa isang lugar Na 'di maalala kung saan Nararamdaman ko pa Ang gabing lumipas Pero di ko na masumpungan Ang sarap na hinatid nito Parang malayong awit lang Kumukurot t'wing napapakinggan Subalit nakakabingi na 'pag matagalan Naalala ko ang mga taong Hindi na ako matandaan at Nalalasap ko ang karanasan Na sa isip lang pala nagkabuhay Tama sila Hilo, lito, at gulung-gulo ako Nung nangyari ang lahat.

[kulapu]

unos sa paglisan

narito ako sa gitna ng kabukiran walang magawa kundi pakinggan ang tilamsik ng ulan habang pinapatay ang oras na kanina pang pumapatay sa akin dahil sa antok na hindi maitulog at alak na hindi dumating-dating sa gabing mahaba matapos ang init ng mahabang araw

[kulapu]

pupuluputan

wala raw tatalo sa kantang sigaw sala-salabat na kamalayan ang ipinapanganak sa aking isipan sabay-sabay habang kinakanta ang sigaw ng boses na tabingi at tonong pilipit wala akong pakialam pupuluputan ng isip ko ang kantang kalawang at matutulog ako ng mahimbing mamaya