Kaisipan

Tula, Awit, atbp.

[magatsalamat]

[magatsalamat]

Kung minsan ang pangarap

Habambuhay itong hinahanap

Bakit nga ba nakapagtataka

'Pag ito ay nakamtan mo na

Bakit may kulang pa

Mga bituin aking narating

Ngunit langit ko pa rin ang iyong piling

Kapag tayong dalawa'y naging isa

Kahit na ilang laksang bituin

'Di kayang pantayan ating ningning

Balutin mo ako ng hiwaga ng iyong pagmamahal

Hayaang matakpan ang kinang na 'di magtatagal

Mabuti pa kaya'y maging bituing walang ningning

Kung kapalit nito'y walang paglaho mong pagtingin

Itago mo ako sa lilim ng iyong pagmamahal

Limutin ang mapaglarong kinang ng tagumpay

Sa piling mo ngayon ako'y bituing walang ningning

Nagkukubli sa liwanag at kislap ng ating pag-ibig

kompositor: Ginoong Willy Cruz

[magatsalamat]

Ang Aking Ikinakatakot

Ang manalo ako sa buhay

Ngunit sa aking puso

ang pagmamahal sa kapwa ay namatay.

[magatsalamat]

Aking nakita

Puting paru-paro

Ngayong masiglang umaga

Lumipad tilang reyna

Kanyang pakpak tila mariposa

Lumulutang ang kanyang ganda

Dali-daling tumawid

Sa patag na kalsada

Sumabay sa lamig ng hanging amihan

Kung ilang sandali ako'y nauna

Tiyak nang nahagip

Ng kanyang pagsungaw

[magatsalamat]

Kauna-unahang sipi.

Ika-tatlumpu ng Disyembre.

Madaling araw aking narinig

makahulugang taghoy ng radio

Hihiraming mga kataga

ang saliw ay ganito --

Sayang raw ang kanilang sinumpaan

Ang kanilang pagtitinginang tunay

Nais raw ba nilang kalimutan na lang

Ang kanilang suyuan at galak.

Paano na ang kanilang (mga) Pasko?