مجبور

@majbur

73 posts

لو تحاربك الحياه وما عليها

أنت ادرى عن مدى أحلامك وذاتك

كل لحظه تعيش فيها ، عيش فيها

لا تخلي غيرك يغير " حياتك "

المحترق قلبه من الشوق يلقاك

‏ان ما لقاله درب يلقى طريقه

‏واللي يدور عذر ويحب فرقاك

‏عادي يروح ويتركك في حريقه

2026

يامرحبا ياعام سته وعشرين

‏دام الجروح ان جيت بتصير ماضي

‏كنت اجهل شلون اتغاضى وهالحين

‏صرت اعرف وشلون فن التغاضي

‏وان راح عامٍ فيه محنا براضين

‏ يالله بـ علمٍ منه الكل راضي

لا والذي اوقد من النار صدري

‏اني دفنت اللي دفنته حشيمة

‏واني سكت من المعاذير بدري

‏لأني جعلت لخاطر الوقت قيمة

‏و اني تغيفلت الذي عنْه ادري

‏لأني تعاظمت السيوف القويمة

تالي نهار وعاتق الشمس مذبوح

‏والوقت لو تدرين للوقت ذبّاح

‏كنّ السما صوتٍ من الذعر مبحوح

‏والليل خيلٍ سود للضيّ تجتاح

‏وسحايبٍ فوق الشفق كنها قروح

‏على جبينٍ ما شكى كثر ما طاح

#مجبور #بدر بن عبدالمحسن #البدر بن عبدالمحسن

يستسلم الانسان عند الهواجيس

‏من كثر مامرت عليه التجارب

‏مايعرف من الحلم غير الكوابيس

‏ومايستريح الا استراحة محارب

احرص على الدسمه ليا صرت سوّام

‏ولا الهلامه ما تفيدك هلامه

‏خلك على طرق الجزيلات جزام

‏ما يكسب الهزلات من به شهامه

#مجبور #عبدالله بن صقيه

الضعف سلعة "وعزة النفس" مشروع

‏ومن يشـتـري نفـسه يـزيـد إحـترامـه‏

‏أما يـجي راسـك مـع الـنـاس مـرفـوع

‏وإلا حـرام تــعـيـش مـا لـك كـرامـه

لي قلب غرسه طيب وجذوره احسـاس

‏مـثـل الـنـخـل فـي عـزتّه و انـتـهـاجـه

‏يموت وجــذوعـه مـن القيـض يبّــاس

‏ولا يـبّــيـن للــســحـاب احــتـيـاجــه

ما طاح في قلـب الغلا غير الاوجاع

‏وما شالت كفوف الندم غير الضيقه

‏اثـر الغلا لا زاد عـن حـده انبـاع

‏مـثل الدفـى لا زاد يصبـح حريقـه

لحدٍ يعاتبنا . . ويشره علينا

‏ويفتح على روحه من الريع بيبان

‏معاد دون حلوقنا الا يدينا

‏مالله خلقنا نرضي فلان وفلان

لي عـزةٍ ترفـض مقارنتي مع الغير

‏وطمـوحٍ لفوق السـحب يحمـلني

‏مـاني مثـل غيـري وغيـري كـثـير

‏نفسي رفيعة عن حاجةٍ ماتجملني

عزاز النفوس من الضغوطات مايشكون

وضعوف العرب يشكون من دقة الشوكة

عسانا نموت ولا نعيش الحياة بهون

وعسى الروح ترضي من له الروح مملوكه

على الله كل شيً به الناس مايدرون

وعلى الله تعالى كل الاحوال متروكه

‏بعض الجروح تروح في ظرف ساعه

‏وجروح تبقى لين تقضي على الروح

‏الأوله فيني عليها استطاعه

‏والثانيه تحدني لأخر البوح

‏احيان احس اني بصبري شجاعه

‏واحيان احس أن الصبر ضيف ويروح

يا حظ من نامت عيونه قريره

لا جا طاري النوم جا عينه نعاس

شاف الكبيره لو تعاظم صغيره

ماهو بمثلي للهواجيس عساس

نومي على كوعي وعيني سهيره

ترقب طلوع الشمس عن ليل الاعماس

والصبح فراج الهموم الكثيره

لا صار ليلك بين هاجس ووسواس

الجرح يبطي بالقلوب الجريحه

‏ان ما رحمتو جرحهم لاتزيدون

‏اثر القلوب القاسيه مستريحه

‏واهل القلوب البيض مايستريحون

نفرح لو ان الضيق منّا وفينا

‏بعيوننا تصغر كبار الاسامي

‏ولو ترفع الدنيا قضايا.. علينا

‏نوكّل الله .. ما نوكّل محامي

مجبور @majbur - Tumblr Blog | Tumgag