Maren

[marenlind-blog]

17/31

Vika 3 í meistaramánuði er frábær! Ég hef verið að borða nokkuð hollt (80-85%) og hreyfa mig mikið. Nú á ég nýjan uppáhalds morgunmat, mér finnst æðislegt að fá mér ab-mjólk með banana, glútenlausu múslí og 2 dropum af stevíu. Alveg ofboðslega gott og saðsamt :)

Svo vil ég líka benda á að ekkert nammi, ekkert kók stenst ennþá! Þvílíkur sigur :)

-Maren

[marenlind-blog]

Vika 2

jæja,

Vika 1 liðin. Hún var sannkölluð meistaravika! Ég sleppti því að borða nammi og kók, þeir sem þekkja mig vita að ég er vön að borða nammi svo gott sem á hverjum degi. Ég náði ekki hreyfingarmarkmiði vikunnar. Ég vann ofboðslega mikið í seinustu viku var með fólk á fundum frá nokkrum löndum og fór m.a. í boð í Flugstöðinni svo þegar ég var að koma heim hvort sem það var kl. 22 eða kl.20 þá var nennan í ræktina ekki til staðar. Hinsvegar fór ég á sunnudag og fer núna í hádeginu og mun taka fyrsta TRX-banda daginn.

Ég keypti líka nokkrar bækur í síðustu viku og er byrjuð á fyrstu, Konan í búrinu eftir Jussi Adler Olsen. Hún byrjar vel og ég hlakka alltaf til að fara að lesa smá á kvöldin :) Það er líka alveg ofboðslega fínt að eyða einhverjum tíma helgarinnar uppí sófa með kertaljós og góða bók :)

Annars heimsótti ég tvo veitingastaði í síðustu viku, Forréttabarinn og Kopar. Kopar var algjörlega frábær. Fórum í ævintýramatseðil, hver réttur var öðrum betri. Alveg yndislegt. En nú dreymir mig um að fara þangað um hverja helgi og fá mér Lime Pie Mohijto.. einhver besti drykkur sem ég hef fengið!

Síðasta vika var bara æðisleg í alla staði, fórum í skemmtilegar heimsóknir, vinnan var skemmtileg, kók og nammi leysið var skemmtilegt svona í lokin og það sem var ennþá skemmtilegra var að vita á mánudagsmorgni að maður hafi ekki svindlað en mínir menn í vinnunni, Grétar og Gummi fóru í P.Max og Nammi um helgina! Sigurvegari vikunnar hlýtur því að vera ég :D

[marenlind-blog]

Það er korter í Október og markmiðasetning fyrir meistaramánuð er á fullu!

Við á skrifstofunni störtuðum í September en eitthvað gekk brösulega, fyrri 2 vikurnar voru góðar, seinni tvær mun verri. Hinsvegar var ágætt að byrja í September þar sem maður áttaði sig á því hvað þarf að skerpa á og hvað ætlar maður að gera betur.

Ég er búin að setja inn í dagatal meistaramánaðar hreyfingu mánaðarins sem og markmið og verðlaun. Svo er annað skjal þar sem krossað er í ef markmið eru uppfyllt á hverjum degi.

Markmiðin mín fyrir Meistaramánuð tengjast hreyfingu, mataræði og heilsu almennt:

1.Vakna kl.6.40 alla virka daga.

2.Hreyfing 5x í viku - nota púlsmælir oftar.

3.Taka alltaf stigann í vinnunni.

4.Borða hollt og hreint.

5.Forðast unnar kjötvörur.

6.Ekkert kók - almenna reglan í vinnunni er ekkert gos en kristall óbragðbættur sleppur.

7.Ekkert nammi - verður by far lang erfiðasta markmiðið.

8.Klára Lean In bókina á náttborðinu.

9.Sjá bætingar í lyftingum í lok mánaðarins.

Ég ætla nota dekur-"verðlaun" fyrir hverja viku. Fyrir viku 1 og viku 3: fara í nudd. Fyrir viku 2: Fara í fótsnyrtingu. Í lok mánaðarins: ný íþróttaföt/ræktarföt. :)

Mikið hlakka ég til :)

-M

[marenlind-blog]

Á skrifstofu Isavia er tekið forskot á sæluna og haldið upp á meistaramánuð í 2 mánuði. Við byrjuðum í gær og eru þrír starfsmenn búnir að negla niður markmið og hengja upp. Markmiðin eru þríþætt; Matarvenjur, Hreyfing og Lífið. Einnig er smá keppni, sá sem er með flesta krossa í hverri viku vinnur. Engin verðlaun ennþá, en ef ég þekki þátttakendur rétt þá verður breyting á því :)

Þar sem ég virðist einungis hafa notað þetta tumblr-dót fyrir meistaramánuð þá hef ég bara ákveðið að halda því áfram.

It's on!

[marenlind-blog]

Búin að hengja upp markmiðaplan í vinnunni! Agalega gaman að setja krossa í, þó svo það eigi ekki alltaf við. Góð áminning og sýnilegt! :D

ÞAð var líka agalega góð meistaratilfinning að fara í ræktina og lyfta í hádeginu, fínt að vera búinn með það þegar maður kemur heim úr vinnunni!

[marenlind-blog]

MM 2012!

Meistaramánuður 2012!

Markmið 1: Betri matarvenjur

Að borða morgunmat á hverjum morgni, helst próteinshake

Að plana kvöldmatseðil fyrir alla vikuna og þal fara bara 1x-2 í matarbúð í hverri viku.

1 nammidagur í viku, annaðhvort laugardagur eða sunnudagur.

Minnka brauðát og hætta að borða pizzu. Leyfilegt er að borða tortillur, hveitikím og hrökkkex. 

Borða fisk 1x í viku (ferskur fiskur keyptur sama dag í fiskbúð eða sushi)

Borða rautt kjöt amk 2x í mánuðinum (nautakjöt eða lambakjöt)

Markmið 2: Hreyfing

Stunda líkamsrækt 4x í viku (helst 3x í hádeginu) ásamt því að fara 1x í viku í sund/heitan pott.

Hlaupa 3x 5 km í mánuðinum. 

Markmið 3: Lífið

Taka vítamín og trefjar á hverjum degi (3x á dag)

Klára bókina á náttborðinu, Afleggjarinn og byrja á nýrri.

Ekki láta drasl safnast upp, ganga frá jafn óðum. 

Markmiðin í ár eru öðruvísi heldur en í fyrra. Þá var helsta challenge-ið að hætta að drekka pepsi max og borða nammi. Í fyrra gat ég ekki beðið eftir að októbermánuður kláraðist svo ég gæti fengið mér nammi og gos, í ár vill ég gera raunhæfari markmið sem stuðla að betri venjum. 

[marenlind-blog]

Dagur 19

Jæja þá! Núna eru flutningar yfirstaðnir. Hinsvegar er ekkert net komið í íbúðina svo ég hef bara gleymt að skrifa þegar ég er upp í skóla.

Hér eru upprunalegu markmiðin mín:

Ekkert nammi - so far hef ég ekki borðað neitt nammi, en vá hvað mig langar!

Ekkert gos - er að standa mig vel hér, langar samt alltaf!

Ekkert áfengi - gaf þessu breik á síðasta laugardag og fékk mér hvítvín, er samt ekki með neitt samviskubit yfir því.

Reyna að sleppa hvítu hveiti - borðaði fyrstu venjulegu brauðsneiðina í gær, annars hefur þetta gengið ágætlega.

Forðast sykur - hef valið vörur með hrásykri í staðin, og hef verið að nota hrásykur og agave sýróp í staðinn í bakstur (heppnast misvel)

Forðast unnar matvörur (Skinka, pepperoni, pylsur, osfrv.) - hef náð að sleppa þessu alveg..

Borða meira grænmeti - borða mun meira kál t.d. og almennt á góðu róli

Borða fleiri ávexti - tjekk, easy

Hreyfa sig 4-5x í viku - ekki nógu gott. Keypti kort í Reebok stöðinni, fyrsti Hot yoga tíminn er á laugardaginn, hlakka mikið til.

Taka hreinsikúr - stefni á næstu viku.

Sofa í 8 tíma á sólarhring - hef allavegana alltaf náð 8 tímum :)

Klára bókina sem ég er búin að vera endalaust með! - þetta mjakast áfram

Skipuleggja lærdóm vel fyrir masters-ritgerð. - skipulagning komin af stað, og önnur verkefni farin í gang.

Skrifa á þessa síðu 3x í viku - klikkaði sl viku.

Allt í allt er ég nokkuð ánægð með mig, þrátt fyrir að vera ekki að standast öll markmiðin.. Ég hlakka samt alveg ótrúelga til þegar þetta er búið.

Mér finnst samt æðislegt að hafa gert þetta, og ég ætla að reyna að hafa sem langtímamarkmið að gæta hófs í nammiáti (takmarka það við helgar) sem og gosdrykkju,þ.e. drekka ekki gos á virkum dögum. Svo líður mér nú ágætlega af því að minnka svona mikið brauðát, ætli ég reyni ekki að halda því áfram :D

[marenlind-blog]

Dagur 9

Jæja þá! Langt frá síðustu færslu (sorrý Ingunn), en það hefur bara alveg verið brjálað að gera! Planið er að flytja inn í íbúðina næsta laugardag svo við erum búin að vera á fullu að sparsla, mála, kaupa hitt og þetta og gera fínt :D Hinsvegar er ekki hægt að líta fram hjá því að það er dagur 9 og ég ekki ennþá búin að drekka sopa af pepsi-maxi né borða nammi! Ég er alveg smá stolt (smá mont), en fokk hvað þetta getur verið erfitt! Hin markmiðin ganga líka ágætlega, hef náð að sneiða hjá hvítu hveiti og hvítum sykri, hef ekki borðað unnar matvörur og hef ekki drukkið áfengi. Ég hef ekki ennþá tekið hreinsikúrinn, en það eru nú alveg 21 dagur eftir, svo ég hef nægan tíma. Það sem hefur helst setið á hakanum er hreyfingin, ég er ekki búin að vera dugleg þar, en það stendur til bóta (svona þar sem það er að byrja nýr mánuður og þá er hægt að kaupa nýtt kort í world class).. Ég verð að viðurkenna að mér líður nú ekkert alltaf eins og meistara, en það er líklegast út af hreyfingarleysi! Hinsvegar verð ég smá montin þegar ég heyri að fólk er slippin, að fá sér nammi og áfengi hér og þar.. ;)

[marenlind-blog]

Dagur 4

Dagur 4 að klárast.. So far er ég að standa mig nokkuð vel. Mig langar samt alltaf í nammi og pepsimax, en hætt að fá hausverk og er farin að elska að fá mér döðlur frá Sollu (í appelsínugulum pokum) á kvöldin. Ég hef líka verið veik fyrir hnetum og þegar ég er alveg að farast (eða rosalega þreytt) þá hef ég fengið mér kókosstykki eða hnetustykki sem er líka frá sollu (sem þýðir að það er ekki hvítur sykur í því heldur hrásykur og það bragðast svona svolítið eins og próteinstykki). Ég viðurkenni samt að ég hlakka ótrúlega mikið til um helgina þegar ég baka speltpizzuna!

Það sem mig hefur mest langað í þegar ég hef farið í búðir er piparkökur og mjólk! Vá hvað ég hlakka til að borða það í lok nóvember! 

Ég er búin að plana einn menningarlegan atburð; að fara á Todmobile með mömmu 18.nóvember! Mikið rosalega hlakka ég til. Svo fór ég nú að spá, eftir að ég las pistilinn hans Ragnars, hvort það væri menningarlegur viðburður að fara í bíó? Ef svo er þá langar mig ótrúlega á The Help og Moneyball! Hver er eiginlega skilgreiningin á menningarlegum viðburði?

[marenlind-blog]

Dagur 2

Eins og dagur 1 heppnaðist vel þá er dagur 2 strax erfiðari. 

Það er nú bara vandræðalegt að segja það, en ég er komin með hausverk, líklegast svipaðan höfuðverk og kaffidrykkjufólk fær, nema minn hausverkur er út af því að ég drekk svo mikið pepsi max svona á venjulegum degi. En þar sem það er meistaramánuður þá er ekkert pepsi max á boðstólnum.

Ég fékk mér þennan fína drykk í morgun, einhverskonar goji drykkur úr Bónus, þessi í krukku, appelsínugulur á litinn. Síðan var dýrindis kjúklingasúpa í hádegismatinn. Mamma hafði kjúklingasúpu í matinn á laugardaginn og ég var búin að panta alla afganga, með því skilyrði að hún gerði hana frekar holla :) Hún var líka svona agalega góð upphituð.. Kjúklingasúpa með sætum kartöflum, gulrótum, brokkoli og blómkáli. Ég er ekki alveg búin að ákveða hvað verður í kvöldmatinn, en það er alveg á hreinu að ég verð að losna við þennan hausverk! 

[marenlind-blog]

Dagur 1

Jæja, þá er komið að því! Dagur 1 í meistaramánuði er í dag. Viðurkenni að það er alveg hrikalegt að byrja meistaramánuðinn á þynnku! Ég er búin að vera að meta markmiðin og er loksins komin með markmiðalista:

Ekkert nammi

Ekkert gos

Ekkert áfengi

Reyna að sleppa hvítu hveiti

Forðast sykur

Forðast unnar matvörur (Skinka, pepperoni, pylsur, osfrv.)

Borða meira grænmeti

Borða fleiri ávexti

Hreyfa sig 4-5x í viku

Taka hreinsikúr

Sofa í 8 tíma á sólarhring

Klára bókina sem ég er búin að vera endalaust með!

Skipuleggja lærdóm vel fyrir masters-ritgerð.

Skrifa á þessa síðu 3x í viku

Það má eiginlega segja að meginmarkmiðið sé að borða hollara fæði og líða þal betur. Ég borða allt of mikið af brauði, og ég ætla reyna að sleppa því. Pasta ætla ég líka að sleppa en vil þó benda á að bókhveitinúðlur eru í lagi :) Þar sem ég ELSKA pizzur þá hef ég ákveðið að heimatilbúin pizza úr spelti (Ekkert ger, enginn sykur) er leyfileg 1x í viku. Þá þarf líka að vera hollt álegg (fyrir utan ost). 

Staðan í dag er góð. Smakkaði nýjan Goji safa, sem var mjög góður. Er búin að borða banana, gulrætur og hnetur i dag (þrátt fyrir að kúlusúkkið hafi glápt á mig í allan dag) og svo er ég að bíða eftir kjötsúpunni :) 

[marenlind-blog]

tumblr.. ad tumblr-a?!

Það styttist óðum í að meistaramánuðurinn byrji. Ég ætlaði ekki að taka þátt, en þar sem það er ekkert "eitt" rétt markmið sem þarf að ná í meistaramánuðinum, þá ákvað ég að slá til og hugsa hvað það er sem ég virkilega vil gera á þessum 30 dögum!

Markmiðin mín eru ekki alveg fullmótuð, en þau tengjast mataræði, hreyfingu, svefni, lærdómi o.s.frv. Ég ákvað að búa til þessa síðu svo ég gæti leyft fólki að fylgjast með, Ingunn þú getur tekið þetta til þín, ég veit þú hefur enga trú á þessu :) Ég ætla ekki að skrifa langa "pistla" heldur bara nokkur orð í hvert skipti. 

Potential markmið:

Hollt mataræði: nánari útskýring síðar

Sleppa nammi, gosi og áfengi. (Líklegast lang-erfiðast!)

Taka c.a. 5-7daga hreinsikúr

Ná 8 klst svefni

Gera hreyfingu að föstum lið í amstri dagsins

Skipuleggja lærdóm vel svo eitthvað fari að gerast í masters-ritgerðinni

Skrifa á þessa síðu 3x í viku