Cuntede Osta storia y partide Osc savëi!
Ći cosses, ći ogeć rapresentëia pa por Os „Cultura Ladina“?
Ći savëi y ći recorć orunse pa mantignì por les generaziuns dl dagnì?
Ći ô pa dì por Os „ester Ladins“ aldedaincö?
Le proiet „Memoria Ladina“ se dà jö cun chëstes domandes y documentëia te na manira partezipativa i recorć y le savëi dla popolaziun tles valades ladines, metü man cun la Val Badia.
Al gnarà fat na racoiüda publica de stories, ogeć, retrać y d’ater patüc che la jënt liëia cun „Cultura Ladina“.
Ći patüc chiriunse pa? Al dess ester cosses y stories olache i aratëis che ai ais da nen fà de val’ vers cun „Cultura Ladina“ o che dijes valch dl „ester Ladin“:
Ogeć da zacan mo inće d’aldedaincö, por ejëmpl de vedles massaries de mistiers tradizionai, documënć, libri y manoscrić y i.i.
Retrać, material video o audio de porsones, usanzes, tradiziuns, da vigni dé, de laûrs, dla contrada, dl’architetöra y i.i.
Stories y recorć che reverda le savëi da fà certes cosses, cer’ laûrs da zacan mo inće d’aldedaincö, da cujiné, savëi da paur y i.i.
Le patüc coiü adöm gnarà digitalisé y metü te n archif digital online adöm cun les stories documentades. Vigni tòch gnarà indô dè zoruch ai possessurs! Le proiet se tëgn ma copies digitales. An po inće portè plü co ma un n oget o öna na storia.
Döta la popolaziun é inviada da tó pert. Vigni porsona cunta, anfat de ći eté, de ći ses o profesciun! Vigni storia, vigni recort, vigni oget é sciöche n tòch de n mosaich: metüs adöm cheriëii n cheder plü gran che po nes mostrè sö cer’ aspeć dla cultura ladina. De plü tòć che i coiun adöm y plü gran che le cheder gnarà!
Dessigü ëise inće Os val’ storia da cuntè y val’ oget te ćiasa! Tolede pert inće Os a chësta scomenciadia!
Por informaziuns sön le proiet y terminns por la racoiüda ti paîsc podëise contatè:
„Memoria Ladina“ é n proiet de Emanuel Valentin en colaboraziun cun:
Provinzia Autonoma de Bulsan
Museum Ladin Ćiastel de Tor
Istitut Ladin Micurà de Rü
Facolté de Sciënzes dla Formaziun dla Université da Balsan
Assoziaziun Antropologica Südtirol EVAA
areudirty
janainaart
dededos
andulkaphoto
germansingergirl
vaporwave