Nung bata pa ako (bata pa din naman ngayon), ibig kong sabihin nung Elementary pa lang ako, ang pangarap ko, maging teacher, kasi si Tatay (Lolo ko) ay isang guro. Parang ang sarap magsulat sa blackboard habang nagdidiscuss, tapos magpapabasa, magbibigay ng exam.
Pinangarap ko ding magtinda ng halo, binusa at mani. Sa hindi nakakaalam, yung binusa, kornik tawag ng iba dun. Oo! Naging pangarap ko din yun, grade 2 siguro ko nun. Natutuwa kasi ako kay ate Lucy, yung nagtitinda sa labas ng gate ng school. Amazed na amazed ako lalo na pag nilagyan na nya ng bawang at asin tapos hahaluin nya, alam na alam nya kung gano lang dapat karami para hind maging oily at sobrang alat yung binubili namin.
Isa pang pangarap ko nabuo naman nung mga grade five na ko, nung nauutusan na ko sa palengke. Medyo mahirap buhay naming nun kasi yung isa kong kapatid, may sakit sa puso tapos yung bunso nadengue. Sabay pa nagkasakit. Nasa manila sila lahat nun, kaya kami lang ni tatay at nung isa kong kapatid ang nasa bahay. Mabalik tayo sa pangarap ko. Pinangarap ko ding magtinda ng baboy. Opo, baboy. Bilib na bilib kasi ko sa mga nagbebenta ng baboy. Ang galing nilang magtaga ng baboy. Alam nila kung gano kalaki lang dapat. Alam din nila na hindi nila matataga yung kamay nila.
Nung nagcollege ako, hindi ko talaga gusto yung course ko. Ang pangarap ko maging architect o kaya interior designer. Ewan ko ba kung bakit business administration/commerce ang natapos ko. Nakatapos naman ako. Hahahah!
Natupad naman yung isang pangarap ko, yung maging teacher. Nakapagturo ako sa college. ‘Kalain mo yun! Masaya, iba yung pakiramdam. Lalo at alam mong may natutunan sila, nakakfrustrate din naman kapag mayroong hindi nakakakuha ng tama.
Ngayon, nandito na ko sa ibang bansa, nagtiis sa amoy ng mga to dito. Ganun talaga, tiisan lang. nakakaiyak nga lang minsan, kasi minsan, gusto kong Makita sila nanay at tatay, mga kapatid kong luka luka at dalawang pamangkin na anak anakan ko. Opo, kulang na lang ako magluwal. Kasi ako nag-alaga sa kanila dati.
Madami pa kong pangarap, isa na dun yung makauwi. At makaamoy ng mababangong tao. At makakain ng mangga na sinungkit sa bakuran. Makipaghabulan sa aso. Makapag motor. Makakin ng isaw. Gumala kasama barkada. At makapiling ang pamilya.
gummygunk
prguitarman
dailybridgerton
ellievsbear