Madalas akong magpaliwanag at sumagot dahil palaban akong tao, hindi dahil defensive ako o ano pa mang iniisip niyo. Ayokong-ayoko na isipin nila na mahina ako, pero iyakin ako. May mga taong nandiyan pa rin, kahit anong tulak ko sa kanila palayo, kahit anong tigas ng ulo ko, at kahit anong mali man ang gawin ko. Una, oo, palaging mali mga ginagawa ko, Reyna ng Sablay kung titignan niyong maigi. Ilang beses na nadapa, pero bumabangon pa rin at sumusubok na magkamali ulit. Pinipilit gumawa ng tama, pero nadadapa't nasusugatan lang lalo. Pangalawa, matigas ang ulo ko, malas mo kung kasama ka sa 98% na hindi ko kayang pakinggan ng kahit 50% man lang. Pero swerte ka kung kasama ka sa 2% na pinapakinggan at sinusunod ko ng 90%. Oo, kabilang ako sa mga taong black and white lang ang kulay pagdating sa ganitong bagay. Pangatlo, madalas kong itulak palayo ang mga taong may pakialam sakin, dahil palagi kong iniisip na masasaktan ko lang sila sa mga pagkakamali ko, at ayokong kapag dumating yung oras ko e marami silang pagsisihan. Gusto ko kasalanan ko lang lahat kung bakit 'di na kami naging magkaibigan o kung ano man. Madalas kong isipin na malapit na ang oras ko, dahil ayokong maging kalmado sa mga bagay sa paligid ko. Baka maging komportable ako at maging masaya tapos bigla na lang akong tarantaduhin ng sarili kong katawan. Malay mo bukas, wala na 'ko. Pagod na ang katawan ko, alam ko 'yon, at dahil matigas ang ulo ko, araw-araw ko lang dudurugin ang sarili ko. Sa mga oras na 'to, apat na oras lang ang tulog ko. Nakatulog at nagising ako habang naiyak. Ilang araw na rin nabigay ang katawan ko sa hindi ko malamang dahilan. Aalis ako ngayong buwan kaya pag-uwi ko na lang tsaka ako papacheck-up, at sana, sana lang, sana'y bumigay na ang dapat bumigay dahil ayoko ng harapin kung ano mang meron dito ngayon. Pagod na 'ko mabuhay – ulit, gusto kong magpakalbo't tumakbo sa humaharurot na tren o kaya'y magpaanod na lang sa dagat at ialay ang katawan na 'to sa mga isda. Putang inang buhay 'to, kahit kailan 'di na 'ko sasaya.
baratheonpilled
snowghoul
germansingergirl
turnnoffyourmind
prguitarman
janainaart
titsay