MD.Abdullah @mrmdabdullah-blog - Tumblr Blog

(via https://www.youtube.com/watch?v=OFMXBl039lc)

Silsile Qadriya Chistiya Nooriya

Zindagi ka sab se qimti hissa wo hai jo ALLAH TAALA ki Khushnoudi ke liye sarf kiya jaye.

Aye Imaan walo! (kisi bhi mamle me ) ALLAH AUR USKE RASOOL (sallallahu alaihi wasallam) se aage na badha karo aur ALLAH se darte raho (ke kahi RASOOL sallallahu alaihi wasallam ki be adabi na hojaye).

(Al Hujraat:49)

#Hadees

Hazrath Muaawiya raziallahu taala anhu farmate hain:

Ek Martaba HUZOOR NABI E KAREEM Sallallahu alaihi wasallam ka apne sahaba ke ek halqe se guzar hua,

Aap Sallallahu alaihi wasallam ne irshaad farmaya: Tum yaha kyun baithe ho?

Unho ne arz kiya: Hum ALLAH TAALA ka zikar karne aur usne hame jo Islaam ki Hidayat ataa farmayi, uspar uski Hamd o Sana bayaan karne aur Usne AAP (Sallallahu alaihi wasallam) ko bhej kar hum par jo Ehsaan kiya, uska zikar karne ke liye ye Munaqid kiya hai..

AAP (sallallahu alaihi wasallam) ne irshaad farmaya: ALLAH ki Qasam! Tum sirf isi wajeh se baithe ho?

Sahaba Ekraam ne arz kiya: ALLAH ki Qasam! Hum isi wajeh se baithe hain.

HUZOOR E AKRAM (sallallahu aliahi wasallam) ne irshaad farmaya: Main ne tumko isliye Qasam nahi di ke tumhare bare me galat guman kiya balke Abhi Mere paas Jibreel Ameen (Alaihissalaam) aaye aur unho ne Mujhe bataya ke ALLAH TAALA tumhari wajeh se farishtou par faqar farmaraha hai.

(Musnad Imaam Ahmed,hadith no:16960)

#Hadees

Hazrath Anas Raziallahuanhu farmate hain:

Main ne Hazrath NABI E KAREEM Sallallahu alaihi wasallam ke pasina Mubarak se Zyada Khushboodaar na koi Mushk sungha aur na koi Atar...

(Sahih Muslim,vol:2,pg:257)

#Hadess

Hazrat Hassan Bin Saabit Raziallahu taala anhu farmate Hain:

“Jab Andheri Raat Mein HUZOOR Sallallahu alaihi wasallam Ki Peshaani mubarak Zaahir Hoti To Tareeki Ke Roshan Chiragh Ki Manind Chamkti."

(Zarqani Al-Mawahib,Pg: 91,vol:4)

#Hadees