ℕ𝕒𝕣𝕛❀𝕤𝕒

من أنا؟ أنا تراب أنا رماد كن سماويًّا

[narjisyehiasblog]

شو بحب لمّا كنت تناديني، كنت فجأة أعشق إسمي وطير🦋

[narjisyehiasblog]

الله يرحمك حبيبي يا حنون الله يجعلك من أهل الجنة اشتقتلك يابا كتير يا روحي

[narjisyehiasblog]

[narjisyehiasblog]

[narjisyehiasblog]

كل سحابة لها جانب مشرق..عليكِ فقط أن تجدي هذا الجانب⛅️

[narjisyehiasblog]

[narjisyehiasblog]

[narjisyehiasblog]

[narjisyehiasblog]

حكيت عن مرض ابوي الله يرحمه ويجعله من أهل الجنّة🤲

حكيت لأنو هون عم بشوف ناس متلي موجوعة على فراق أهلها حبّيت أقول إني حاسّي فيكو وربنا يصبركو🤲

هاي حال الدنيا

إنّا لله وإنّا إليه لراجعون

ان شالله منلتقي بأحبابنا بالجنّة حيث لا فراق ولا ألم🤲

في ناس وضعها أصعب في ناس فقدوا كل عيلتهن بلحظة الحمد لله يا رب على كل شيء🤲

من حبنا لحبايبنا منتمنى يضلّوا معنا لدرجة منقول " حسّه كان بالدنيا" يا ريتهن ضلّوا رغم إنهن كانوا موجودين وعم بتوجعوا بس هاد حب أناني لازم نتقبل موتهن عشان هني ارتاحوا من الوجع ونحاول قد ما فينا ندعيلهن ونتصدق عنهن.

[narjisyehiasblog]

مرض أبوي

في فترة مرض أبوي جهاز الاوكسجين مفعوله بطّل يجيب نتيجة صار صعب عليه بتنفس كان عم بقول "فش هوا فش هو" من حركة شفايفه فهمنا أخدناه عالمستشفى أكتر من مرة بفترة مرضه.

اليوم الأخير كان نبض الأوكسجين يرتفع وينخفض كتير رحت سألت الدكتور قلتله عم أحس أبوي اليوم وضعه مش منيح قال طبيعي أبوكي معه مرض رئوي مزمن وبالمرحلة الرابعة هاد طبيعي ورجعت على غرفة أبوي إمي قاعدة على كرسي حدو وأنا ماسكي إيدو من جهة وأختي من جهة، إمي كانت تتعب كتير حتى ما كانت تقبل إني أنام عند أبوي وهي تروّح عالبيت ترتاح حتى لمّا أخوي نام عند ابوي برضو ما قبلت تروّح ترتاح إمي بنت أصول وأطيب وأحن من قلبها ما في الله بطوّل في عمرك يما🤲

باليوم الأخير ضلينا هيك ماسكين إيد أبوي أنا وأختي من الصبح عندو صارت الدنيا العصر بس مش قادرين نتركو لأنو فكرنا بضل مشغول عليه منخاف عليه ومنحبو ولأنو إمي لحالها صعب عليها فكنا نضل أنا وأختي والعصر تيجي أختي الكبيرة تبدلنا بس بهاد اليوم ما قدرنا نروّح كل الوقت عيونو غريبة صافن فينا وبتبسم إلنا وكنت أقوللو بحبك يابا يقول وأنا والله بحبكو كتير الله يخليكو كنت أفهم على أبوي دغري حتى خلال مرضه لمّا صوته راح وإجتنا فكرة إنو يكتب على تلفونه شو بدو يقول عشان مش كل الوقت كنّا نفهم عليه مرة كنت عم أقول إنو جهاز الأوكسجين أنا جربتو مرة وكأنو بسحب الواحد لعالم تاني كنت عم بحكي عن هاد الإشي فأبوي حكى إشي وما فهمنا عليه دغري قلنالو إكتب يابا إكتب..مسكناه التلفون وبصعوبة كتب " أنا فهمت على نرجس" أنا كتير انبسطت إنو فهم علي صار عمي وخواتي وإمي يسألوني عن سو عم بحكي شو فهم قلتلهن يمكن قصدو فهم علي لمّا كنت عم بحكي عن الجهاز صرنا نسألو يابا شو فهمت قال:" نسيت"🥹

باليوم الأخير رجع كمان مرة الاوكسجين مش مستتب رحت انا وأختي عند الدكتور وحكالنا نفس الجملة " طبيعي عشان مرض انسداد رئوي مزمن في المرحلة. الرابعة"

انا واختي منتطلع ببعض قلقانين كتير ومش هاين علينا نروّح مع إنو اختي الكبيرة وصلت بس ضلينا سالتنا شو في شرحنالها الوضع وهي كمان حسّت الوضع مش طبيعي وقلقت زينا وفجأة صارت ارقام التنفس والنبض تنزل ركضوا الدكاترة وأبوي جسمو انكمش صغر أبوي راح مات مصدقتش أنا اللي انصدمت كلهن صدّقوا أنا لا.

"صدمني الأمل"

لا اعتراض على حكم الله، الحمد لله على كل شيء طبعًا، بس طول الوقت كان عندي أمل ابوي يطيب كان عندي أمل بالله ويقين هاد الشي قتلني.

كل الوقت كنت أشجع أبوي يتجاوب بالتمارين عشان يتحسن ويطيب وكنا كل الوقت نقرأ قرآن وندعي لربنا يشفي ابوي ليل نهار ندعيلو ما كنا نعرف ننام.

مع الوقت فهمت إنو أبوي الله يرحمه ما كان بدو يطيب أبوي كان مشتاق لإمو كان عمرو 19 لمّا توفت وكان عمرو 30 لمّا توفى أبوه وأخوه توفى قبلو ب 14 سنة

الله يرحمهن يا رب جميعًا ويجعلهن من أهل الجنّة🤲

[narjisyehiasblog]

مرض أبوي

مرّت أيام وأشهر وأبوي على نفس الحال وأكتر بطًل يقدر يوكل إلّا إشي طري وخفيف وبين كل لقمة ولقمة نعطيه الأكسجين🥹

كان راضي يرفع إيديه للسما ويتبسم بوجهنا كان يكتبلنا على دفتر غلبتكو معي يابا حبيبي يابا ياما غلبناك إحنا أخ يابا يا ريت كان عندي القدرة أحمل وجعك ومرضك عنّك يعملّي بإيدو إنو لا تحكيش هيك.

في يوم انقطعت الكهربا بالبيت وبدها سيعتين لترجع والجهاز بشتغل عكهربا كتير خفنا بس وقتها الحمد لله شغّلنا قنينة أكسجين عبيناها احتياط.

كنّا نسلّي أبوي ونضحكو ونقرأله قرآن وييجو أصحابو وقرايبنا يطلّوا عليه بس مع الأيّام أبوي بطّل ينام والدكتور اقترح منوّم إسم الدوا " بوندورمين" أنا فحصت وقتها شو أعراضه الجانبية وطلع مش مناسب للمريض اللي عندو مرض رئوي مزمن اعترضت أنا صار يقول الدكتور أبوكي مش عم بنام ولازم ينام يرتاح بس انا صممت قاللي هاد الدوا مرخّص قلتلو لو مرخّص من العالم كلو ما دام مكتوب مش مناسب يعني مش مناسب وغيرنا الدوا وهيك الأيام كانت تمرق كان ييجي معالج فيزيائي كنت أشجع أبوي أنا وخواتي وإمي على التمارين بس ما كان يتجاوب.

أبوي كان يحب البلد وأهل البلد كان بدو ينزل يقعد مع عمي في دكّانه ويشوف الناس أبوي وعمي كتير أصحاب كانوا يضلّوا مع بعض أخوي أخدو بالعرباي وإحنا حطّينا قنينة الأكسجين في الطريق تعب ورجعو اخوي بسرعة وأعطيناه أكسجين من الجهاز..

أنا تعبت إسا راح أكمّل بكرا ان شالله تعبت وراسي صار يجعني كتير.

[narjisyehiasblog]

مرض أبوي

أبوي بعد بيومين انقلب حالو بطّل يقدر يمشي متخيلين؟

فات عالمستشفى بمشي وبيومين بطّل يمشي🥺

وراح صوت أبوي إختفى فكّرنا التهاب حلق شديد بس أبدًا مش هيك انصدمنا فكرنا صوتو يرجع بس ما رجع حطّولو جهاز التنفس اسمو Copd وصار يضايق منو لأنو بيجي زي كمّامة وإلها ربّاطات وبشدّوهن وبمرحلة ما صار يقيم الجهاز بإيديه والدكتور يرجّع الجهاز وتعصبن أبوي كتير وكتير متضايق من الجهاز ومش قادر يحكي بس بحط إيديه بدو يسحب الجهاز حاولت أهديه أنا وخواتي وإمي مرّات كان يهدأ ومرات كانوا يعطوه دوا يهدأ بس كتير تعب ولمّا كتب الدكتور ورقة خروج من المستشفى حكولنا جهاز ال Copd راح يضل مرافقو بهاي المرحلة وكتب على أدوية وقال إنو هاي الفترة راح يحتاج عرباي وتخت خصوصي.

كنّا مصدومين من تغيّر الحال وصرنا نهتم فيه بالبيت نهتم للدوا والجهاز والتمارين العلاجية وكل شي وكلنا حدو أنا بطلت شغلي لمّا شفتو هيك ما قدرت أرجع أشتغل كنت أقول بس أتطمن بس اتطمن.

[narjisyehiasblog]

راح أحكي عن فترة مرض أبوي ووفاته عشان الناس اللي فقدت حدا من عيلتها يمكن هيك نقدر شوي نهوّن على بعض🤲

بابا في 17/9/26 راح يصير أربع سنين متوفي يعني صارلي مش شايفة أبوي الله يرحمه ويجعله من أهل الجنّة 1461 يوم هاد إشي كنير مؤلم💔

البداية

مرض أبوي

أول ما توفى والدي كلنا انهارنا أنا انصدمت لأنو بابا كان جسمو قوي كان يشتغل شغل صعب ويروّح من شغلو مرات يرتاح شوي ويكمل شغل تاني بورشتو تحت البيت ومرات ما يرتاح يكمل شغل دغري وفجأة إجا موعد التقاعد من الشغل، بس أبوي قال مش راح أطلع إسا تقاعد شو بدي أعمل أنا متعود أشتغل فقرر إنو ما يتقاعد بشكل كامل وإنمّا بشكل جزئي وصار يشتغل بس أربع ساعات في الشركة ويشتغل ساعتين في الورشة بس بعدين صار عندو وجع ضهر والوجع خلّاه يعرج شوي بإجرو فالدكتور قال لبابا يعمل عمليّة لضهرو وبابا كان محتار وبالآخر قرر يعملها وبعد العمليّة بفترة كل إشي تغيّر🥹

في يوم كنّا قاعدين كلنا كعادتنا سهرانين ومنضحك أبوي فتح الراديو ومسك تلفونو فات عاليوتيوب يسمع القرآن مش سامع منيح بدو يعلّي الصوت صار يعلّيه من الراديو مع إنو أبوي بعرف منيح إنو الإشي مش هيك ومبيّن كمان مش إنو تلخبط لا مببن من تصرفو إنو كأنو فجأة بطّل متذكر كيف وإنو مش مركز بإشي إحنا سيعتها حسينا مالو إشي اخدناه عالمستشفى يعملولو فحوصات إمي ضلّت معاه وروحنا.

تاني يوم قالوا معاه مرض رئوي مزمن والمرض وصل للمرحلة الرابعة🥹

[narjisyehiasblog]

3.4.26

عيد ميلادي مشاعري متداخلة.. ممتنّة لربنا على وجود عائلتي المحبّة على محبّتهن واهتمامهن..على وجود والدتي الله يطوّل في عمرها🤲

ممتنّة إلك يابا على حنانك وكرمك ومحبتك واهتمامك الكبير فينا، رغم إنك كنت تتعب كتير بشغلك بس دايمُا كنت قريب مننا تسأل عن أحوالنا وأخبارنا وتضحك بوجهنا وإحنا نضحك بوجهك زي ما عودتنا إمي نستقبلك بابتسامة الله يرحمك ويجعلك من أهل الجنّة بشتاقلك كتير، عم حاول أكون أقوى أوقات بتحمّل أوقات بضعف أوقات بقوم أوقات ما بقدر، بس برجع بقوم بفضل ربنا بحس روحك معي بقوى بربنا وبقوى فيها🩵

بتعب برتاح بس ما بستسلم لأنو ربنا معي وما في أقوى منو.

أمنيتي تنول الجنّة راح ضل ادعيلك لآخر نفس بحياتي🤲

ابنتك: نرجوسة العنقاء

[narjisyehiasblog]

كيف تضحك هذه، التي كادت أن تجّف من كثرة ما بكت؟!

[tu-mb-lr]

‏"عقلُ الإنسانِ مخبوءٌ تحتَ لسانِه، فإن تكلّم ظهر معدنه، وإن صمت بقي في أمانٍ من الزلل؛ فاللسانُ مرآةُ الفكرِ، وما يخرجه من كلماتٍ هو الشاهدُ الأصدقُ على ما يحمله القلبُ والعقلُ، ولهذا كان الصمتُ حكمةً حين لا تجد ما يرفعك، والكلامُ أمانةً حين يكون فيه نفعٌ وصدق."

[tu-mb-lr]

[narjisyehiasblog]

لا ذكرى أبشع من ذكرى رحيلك

17.9.2022 مرّت ثلاث سنوات رحمك الله يا فقيد قلبي💔