PoonPhoto

Facebook:https://www.facebook.com/poonwainang

[poonphoto]

Happy New Year

[poonphoto]

Merry Christmas Everyone

祝各位平安夜快樂 2015 smile 

[poonphoto]

誰偷走我的女兒身？

我正在做一個露宿者專題報導，今晚訪問到一個好特別個案：他年過半百但仍然渴望做一個真女人。過了大半世卻一直壓抑著這個傾向，他明明喜歡作女性打扮，但又不能形於外。現在他唯有不停對自己說，女性化外表是不對，況且露宿生活更令他不可以做女性，於是他索性把所有化妝品、女服，通通丟棄，但我仍然聞到她身上有股廉價女裝香水味。

現在他要刻意做回男性，本來叫Judy，現在叫Danny，改了名就改不到動作，跟他交談舉手頭足就是一個女人。他最終按捺不住對我說：我已經到政府醫院排期做變性！我問他什麼時候做？他說未知。要等多5年？10年？到了花甲，身體還可以支撐到這個手術？

我再問他，做了女人之後想怎樣？他說不知道，只想還一個心願。

[poonphoto]

文明的進化，是要摘去鮮花？

叢林不割下如何建造繁華？

[poonphoto]

誰來拯救？

最近做一個關於香港露宿者project，原來問題比想像中複雜和困難。

[poonphoto]

好驚呀

[poonphoto]

旅行是永無止境

一個旅程完結並不代表結束，而係另一個旅程嘅開始。

[poonphoto]

新西蘭夜空

銀燭秋光冷畫屏，輕羅小扇撲流螢。 天階夜色涼如水，臥看牽牛織女星。

[poonphoto]

無盡星空

新西蘭這個地方相信是全球最美麗星空。

[poonphoto]

新西蘭夢幻之旅

超興奮一刻！ 黃昏臨食飯之前，我同朋友講如果有彩虹落在牧羊人教堂＋湖景，咁就神級相片啦！真係話口未完，突然風雲變色，狂風冷雨，背後猛烈太陽射出又深又長彩虹，而且仲係雙彩虹，橫跨天空。你可能覺得我誇張，但我真係興奮到大叫!!!!!!!!!!!到而家再睇返張相，仍然心跳。

[poonphoto]

悉尼的日與夜

[poonphoto]

追蹤鯨魚大遷徙

係我今次澳洲昆士蘭省之旅，重點行程登上費沙島，追蹤座頭鯨魚大遷徙。真係好感動，第一次見到鯨魚，仲要咁近距離見到，果一刻真係難以形容。

[poonphoto]

萬物有靈

座頭鯨係世上最大哺乳動物，雖然體積大，但非常溫馴。就好似今日見到一家人帶埋手抱bb，坐上小艇，極近距觀鯨，就知呢種鯨魚冇殺傷力。我地既船更有人跳入海同鯨魚暢泳，用觸感去接觸呢隻龐然大物。 聽當地人講，鯨魚係認得每艘黎過嘅船，當佢地知道你係善意嘅時候，佢會願意游近你身邊，心情好時還會躍水表演比你地睇。

https://www.facebook.com/gofraserisland

[poonphoto]

茶餐廳的一杯水

埃塞俄比亞地勢極端，一邊是索馬里地區，長期高溫乾旱，另一邊是高原天氣寒冷。我地離開沙漠區之後就向高地出發，去到2800米到探訪當地人。雖然，這個地區環境比之前好，但仍然出現缺糧水。呢位小朋友手上一杯水，根本不宜飲用，唔少人因水源衛生問題，感染疾病。當地人要一杯清潔水飲用，真係非常困難。 我地去茶餐廳食嘢，伙計總會比杯水，如果你唔係用黎洗餐具又唔係飲，就應該退回去，從小習慣開始，節約用水。

[poonphoto]

Rainbow in the sky

[poonphoto]

跑吧 孩子！

唔好話我認叻，去到世界各地我都可以指揮小孩。係埃塞俄比亞亦唔例外。雖然言語不通，就靠手勢，糾集村內十幾個小朋友，上演跑吧孩子嘅一幕，十幾人一起推住車軚一起向前衝，太好玩了。 係呢個世界，小朋友就只有一個任務，就係玩。即使環境有幾極端，超高溫抑或超寒冷，仍然阻礙唔到佢地尋找快樂辦法。 我嘅親人、我嘅好朋友，我知道大家生活上經常遇到好多挫折、好唔開心，但日子總要過，保持小孩的心，每天都要為自己快樂生活啊！

[poonphoto]

烈日樹下

雖然赤地千里，但偶然仍有一、兩棵樹可以遮下蔭。呢到小朋友冇馬拉維咁多自創玩具，樹就似乎係佢地最好玩伴。