🕯 @qaralamays - Tumblr Blog

Oxu sonra bəyən

İnsan itirər, sonra sinəsinə elə dağ çəkilər ki.

7-8 ci siniflərdə müəlliməmiz bizə kitab falı öyrətmişdi. Amma hansı kitabda fal edəciksə onu axıra qədər oxumalıydıq. Bəzilərimiz Uni, bəzilərimiz xaricdə yaşamaq, bəzilərimiz yarış nəticələrimiz üçün edərdik. Bu gün qardaşımçün sifariş vurduğum kitab gəldi. Xatırladım ki belə fal vardı😃 etmərəmmi? Təbii ki etdim. Dünəndən ağlımda məni çox narahat edən mövzu vardı kiiii bu əslində hələ də ağlımdadı. Nəysə çıxan cavabı yazım. Bilirəm ki əziyyət çəkib oxuyan olmayacaq😂

"Biz həyatımıza həlledici təsir göstərən rollarımızı bəzən dərk edə bilmirik. Xüsusən də bizi müəyyən davranışlara təhrik edən rollarımızı başa düşmürük. Xoşbəxt və azad olmaqdan ötrü biz rollarımızı qiymətləndirməliyik, həm də gizli ehtiyaclarımıza açıq gözlə baxmalıyıq."

Qəribədir. Qarşına istədiyin kimi biri çıxır. Səninçün əlindən gəldikcə hər şeyi edəcək, sevgisinin arxasında duracaq, uşaq kimi sevəcək... amma olmur. Məntiqinin təsdiqlədiyini ürəyin qəbul etmir. Üzünü güldürməyə çalışanla özünün gülmək istədiyin/güldüyün fərqli olur.

Deyirəm ki "danışmaq istəmirəm", deyir "nazını yeyim az sənin"

Çalışıram qısa kəsim söhbəti, deyir "tripini yeyim az sənin"

Əsəbləşirəm, deyir "Allah əsəbi olanda nə şirin oluur, yeyərəm az səni"

Bir sözlə bu uşaq məni yeməyə çalışır. Görsəz ki post atmıram bilin🥲

Anna Karenina kitabında Dolli Annaya qardaşı haqda "onun peşman olmağa qabiliyyəti çatırmı?" Deyə sual verir. Çox xoşuma gəldi. Peşman olmağa belə qabiliyyət lazımdır

#Spotify

Kaş MİQ zamanı müəllimlərin psixoloji vəziyyətləri də əsl psixoloqlar tərəfindən ciddi nəzarət altında yoxlanılsaydı

Kimləsə münasibətin dərinləşdiyini hiss edəndə ( ki bura yalnız sevgi deyil. Dostluq da aiddir ) qaçıram. Sonunun yaxşı bitməyəcəyinə, aldadılacağıma, xoşbəxt olmayacağıma, həmçinin kimisə xoşbəxt edə bilməyəcəyimə inanıram. Nə qədər tez qırsam o qədər yaxşı olacaqmış kimi hiss edirəm. Münasibət uzandıqca gərilir, bəhanələr axtarmağa çalışıram. Bitdikdən sonra isə rahatlayıram, heç nə olmamış kimi həyatıma yenidən başlayıram. Mən sevgi nədir bilmirəm deyəsən. İstər dostluqda, istər münasibətdə, istər qohumluq əlaqələrində. Amma nənəm bir gün tapacağımı, bunu mənə kiminsə bir gün öyrədəcəyini deyir

Direktordan 2 dəfə "ərizəyə təsərrüfat müdirinin adı və imzası lazım olacaq ?" Deyə soruşub, hər dəfə də "yox" cavabı aldıqdan sonra gedib yazan o gerizekalı mənəm😕 ümid edirəm ki görməz🥰