Loving Memory @qumaweb-blog - Tumblr Blog

Posts

ULusindiso Poyo walibona ilanga ngomhla we 12 September 1965, ezalwa ngongasekhoyo umama uSongeleni Poyo. Uzalelwe kwilali yaseTombo kwisithili sase Port St Johns. Ungumntwana wesibini kubantwana abathandathu. Ukhule njengamakhwenkwe onke ekhaya encedisa kwimisebenzi yekhaya.

Amabanga akhe aphantsi uwenze eTombo JSS apho aphumelele ibanga lesixhenxe. Udlulele eMthweni SSS ngenjongo yokwenza amabanga aphezulu nalapho aphumelele ibanga leshumi emagqabini ngomnyaka we 1985. Kuthe ngenxa yemeko eyayingaphezulu kwamandla akhe akaqhubeleka nezifundo zakhe waza waqeshwa liSebe lezamanzi (Department of Water Affairs). Kuthe ngokuhamba kwexesha exelenga kweliSebe wathabatha isigqibo sokuqhubeleka nezifundo zakhe waza wazibandakanya neziko-mfundo Umlazi Technical College ngenjongo yokwenza izifundo zakhe kwiChemical Engineering nathe wayiphumelela ngomnyaka we 1989. Kuthe kuba ubengahambanga kakubi kwiSebe Lezamanzi wabuyela kwasemsebenzini wakhe njengeNjineli (Plant Operator).

Ngomnyaka we 1990 uphandlwe yintombi yakwaNqezo uMambathane kwilali yaseTshandatshe eLusikisiki. Kuthe ngenxa yenceba kaThixo kubantwana bakhe balizwa ngabantwana abathathu uLwavela, uZesipho noSibabalwe. Ngomnyaka we 1999 uphinde wazimanya ngeqhina lomtshato nentombi yaseMamvulaneni eMaclear uNoxolo Eugenia Ndzongo. UThixo uphinde wamsikelela ngabantwana abathathu uOnesimo, uInganathi noEnathi.

Ngomnyaka wa 2002 uthathe isigqibo sokuyeka kwiSebe Lezamanzi waza waqeshwa nguMasipala wase Port St Johns kwicandelo lokucoca amanzi (Technician . Uwabonakalisile amva akhe awafumene kwiSebe Lezamanzi nolwazi aluzuze kwizifundo zakhe nento eyenze isithili sasePort St Johns sachulumanca yinkozo yakhe. Ngomnyaka wa 2005 wakhomba umnwe kaThixo wonyukela kuMasipala ombaxa wase OR Tambo njengeManejala wezamanzi nogutyulo lwelindle (Water and Sanitation). Ngomnyaka wa 2013 uqhubekile nezifundo zakhe bucala neziko-mfundo iWits Business School ngenjongo yokwenza izifundo zeBusiness Finance neProject Management nalapho aphumelele isidanga ngomnyaka wa 2015.

Kuthe kuba nezibhalo ziyingqina into yokokuba silundwendwe emhlabeni njengoobawo bethu bonke kunjalonje kungekho nethemba lokuhlala, levakala ilizwi elinamandla eliviwa bubumnyama bubaleke lisithi “Lusindiso khawuleza ufike apha, mna Yehova uThixo wakho ndiyenze yanempumelelo indlela yakho ngoko ke yithi wambu ingubo yakho undilandele”, walusabela kwaoko ubizo, lakrazuka ikhuselo, wangena kwengunaphakade inyhweba. Ushiya ngasemva inkosikazi yakhe, abantwana bakhe abathandathu nabantakwabo abahlanu.

Hamba ngoxolo Tita, hamba nguxolo Ngcwangule, goduka uxolile Khanandana umzamo omhle uwuzamile nogqatso walubaleka ngempumelelo silusapho siyakukhulula ngeentliziyo zethu ezivumayo sisithi yanga iNkosi yoxolo ingakwamkelela kwesosakhiwo singakhiwanga ngazandla side sibuye sihlangane kulongqungquthela yangasentla.

Amen.

fundraising concert

#in loving memory

#Funeral

“Ubawo uPennington Mzwandile Tshitshi walibona ilanga ngomhla we 19 June 1945, ezalwa ngabangasekhoyo ubawo uEdwin Khekhe nomama uLillian Nontose ( nee Mzileni) Tshitshi. Uzalelwe kwilali yaseJambeni kwa-C kwisithili saseLusikisiki. Ungumntwana wesihlanu kubantwana abathandathu nesele bengasekho emhlabeni. Ukhulele phantsi kweemfundiso nengqeqesho yebandla laseWesile, apho abazali bakhe bebesaya kuthi kusendlwini kaYehova apho sizuza ukuphila.Ngomnyaka we 1954 uqalise amabanga akhe aphantsi ePalmerton Primary School, waza ngomnyaka we 1961 wedlulela eMfundisweni High School ngenjongo yokwenza amabanga aphezulu ( Junior Certificate). Uphumelele emagqabini ibanga leshumi eFrank de Villiers nesele isaziwa ngokuba yiSigcau Special School. Uyewanethamsanqa lokufumana umsebenzi kumzi oshishina ngeencwadi iVia Afrika kangangethuba elingangonyaka. Uthathe isigqibo sokokuba aqhubeleke phambili nemfundo yakhe, waza wazibandakanya neCicira Training College ngomnyaka we 1965 ngenjongo yokwenza izifundo zobutitshala.Ngomnyaka we 1968 uqalise ukuxelenga njengomfundisi ntsapho ePalmerton High School nathe wazibalula kakhulu ngesakhono sakhe. Kuthe ebudeni bendlela athe wayihamba waphandlwa yintombi yaseMavaleleni umama uVivienne Ntombizifikile Nokhele baza ngomnyaka we 1972 bazimanya ngeqhina lomtshato. Kuthe ngenxa yenceba kaThixo kubantwana bakhe balizwa ngabantwana abalishumi, amakhwenkwe amahlanu neentombi ezintlanu.Uzibandakanye neDyunivesithi yoMzantsi Afrika (UNISA) ngenjongo yokuhlahla indlela kubantwana bakhe waza waphumelela isiDanga seBA ngomnyaka we 1983, kwangaloo nyaka mnye wabanethamsanqa lokonyuselwa emsebenzini ukuba abeyisekela-nqununu. Uqhubekile nezifundo zakhe bucala kwaneDyunivesithi yoMzantsi Afrika ( UNISA) waza waphumelela isiDanga iBED ngomnyaka we 1985, kwangaloo nyaka mnye waphinda wakhomba umnwe kaThixo, wonyuselwa wayinqununu yasePalmerton High School. Ngomnyaka we 1990 uphinde wonyuselwa waba ngumhloli (Circuit Inspector) kwisithili saseGcuwa. Ngonyaka we 1994 kuphinde kwathi kuba inkwenkwezi isohluka kwenye ngokukhanya wonyuselwa wanguMhloli ophethe isithili (District Manager) kwisithili saseMthatha. Ngomnyaka wa 2001 kufike ithuba lokuba athathe umhlala phantsi, wabuya weza ekhaya.Nanjengamntu obeqhele ukusebenza akuvumanga okokuba ahlale nje engenzinto, wazibandakanya nomzi oshishina ngeencwadi iPresident Bookshop. Kwangelixesha linye ubekwanguMmeli weKumkani yaMampondo eseleyakhothama "uThandizulu" kwindlu yeeNkosi ( House of Traditional Leaders) eBisho. Njengenkokheli ephume izandla, ibandla lamaWesile oMzantsi Afrika (Methodist Church of Southern Africa), ePalmerton Circuit 1351, labona kufanele okokuba limenze igosa leSekethe iminyaka emininzi, nalapho afike ngexesha elinzima lokufika kwenguqu ecaweni. Uwabonakalisile amava akhe obunkokheli obungagungqiyo noxa imimoya ibibantlitha wema ngecawa yakokwabo, kunamhlanje imisebenzi yakhe iyabonakala.Ngenxa yobude bendlela iyeyophuka ngokophuka impilo yakhe, wasikwa yimfesane engummangaliso uThixo, levakala ilizwi elinamndla lisithi " Dosini kudala uzamazamana nentaba, nyukela ngasentla ndikubonise izinto ezizakubakho emva koku", waphuma umphefumlo, wangena kwengunaphakade inyhweba ngomhla we 17 April 2016.Ushiya ngasemva inkosikazi yakhe, abantwana abalishumi, oomolokazana abane nabazukulwana.Hamba ngoxolo Dosini, Vuma ugoduke Mpondomise, goduka Mqhorhana, hamba ngoxolo Phangel'ilanga lingekaphumi phumla phezu kwemizamo yakho kuba kaloku eyamaKrestu iphela sakufika phambi kukaThixo. Dlanengidi!

Fundraising at St Andrew’s Church

#lusikisiki #church #aglican church #Quma

Lala ngoxolo Radebe, Mthimkhulu, Ndlebentlezombini. Umzamo omhle uwuzamile nogqatso ulufezile. Sobonana kwelizayo.

#anglican #lent #lusikisiki

#easter #Lusikisiki

#Funeral Notice

On 5 December 2013, Nelson Mandela, the first President of South Africa elected in a fully representative democratic election, died at the age of 95 after suffering from a prolonged respiratory infection. He died at around 20:50 local time at his home in Houghton, Johannesburg, South Africa, surrounded by his family.

South Africa observed a national mourning period of 10 days. During this time numerous memorial services were conducted across the country. The official memorial service was held at FNB Stadium, Johannesburg, on 10 December where the 95 000 sitter stadium.

His body lay in state at the Union Buildings in Pretoria from 11 to 13 December 2013. A state funeral was held on 15 December 2013 in Qunu in the Eastern Cape province, where his body was buried.

Trending Blogs

Recently Viewed Blogs

Loving Memory