Kan nakaaging petsa otso kan Mayo, nagka igwa nin pagtiripon asin paghirilingan ang samuyang batch kan highschool (Batch 2005), eyo ini an ika duwang paghirilingan poon kan nagtapos kami sa samuyang eskwelahan. Maogmahon sa pagmati na pagkatapos kan onseng taon, nakaiba ko man giraray sinda.
kadaklan samu may mga agom asin aki na, ang iba mayo pa nanggad nakukuang makakaiba sa buhay, sabi ngani ninda kayan dae muna magmadali ta aki pa man daa. Yaon man sa kwarenta ang bilang kan nag arabot, ang makamundo lang ta mayo ni saro sa mga maestra na inimbita ang nag abot pero okey lang, nagpaabot man sinda nin pag-pasensya.
Dakol man kaming napag urulayan, dati man giraray an mga ugali, mayong nagbago maliban lang sa mga hulma kan hawak mi. kadaklan samu na kapayatot kaidto eh malaman na ngunyan. Dati ta talaga masabi an panahon, aminado man kaming mga ina na na masakit na magpasadit kan hawak kung mas dakol an oras kan pag-asikaso sa aki kesa sa sadiri.
Liquor Ban kan kami naghirilingan pero arog kan dati, matatagas pa din ang mga payo. Kaiba na sa pag orogma ang pag-ino sabi ninda pero sinigurado man na dae masobra.
Nagpakawat man kami, may mga papremyo man daa…sa mga masunod na organizer, dapat mas galante na ang mga papremyo ta mas makakwarta na iyan.
Sayang ta kinaipuhan ko mag uling amay. Mabyahe pang harayo. Pasesya na ta dae na ako nakapag-paaram sa gabos. Sana sa susunod mas dakol na kita. Salamat sa pag arabot nindo sa maogmang paghirilingan na iniyo.
Maogmang Paghirilingan Kan nakaaging petsa otso kan Mayo, nagka igwa nin pagtiripon asin paghirilingan ang samuyang batch kan highschool (Batch 2005), eyo ini an ika duwang paghirilingan poon kan nagtapos kami sa samuyang eskwelahan.