Aaj ek saal hogaya CA bane huye. Zindagi ke kuch lamhe aise hote hain jo itne khoobsurat hote hain ki tumhe gham hota hai ki woh lamha firse jeena ka mauka nahi milega. Mujhe yaad hai maine kitne dost, kitne rishte, aur kitni healing gavai hai iss TAKHT ko paane ke liye. Na sirf jashn, maine aansu tak rok ke rakhe kyuki tootne ka aur fir sambhalne ka waqt hi nahi tha. Mujhe yaad hai main apne dost se kaha karta tha, ki jis din CA ban gaya, un sabhi baton pe jinpe rona tha, unpe rolunga. Lekin iss course ne sirf grilling nahi di, isne itna tarasha hai ki ab dar nahi lagta girne se. Girke kaise uthna hai, woh sikhaya, jo mere hisab se sabse zaruri hunar hai, kyuki har shaksh ek na ek bar toh girta hi hai. Pyaar ki takat bhi ajeeb hai, mera maan na hai ke poori shiddat se jo insaan zindagi mein pyaar karta hai, irrespective usse woh mohabbat milti hai ya nahi, aur uss power ko, pagal pan ko, jo mohabbat ke saath ata hai, agar usko woh channelise karna janta hai, toh usse har maidan fateh karne se kuch nahi rok sakta. Mohabbat tumhe tod ti hai, ya jodti hai, iska nirnay tum khud karte ho. CA ban ne ke do din baad jab subah utha toh yeh sher likha tha, Ek jahan-e-takht tha pana mujhe, main masroof tayariyon mein tha. Pichle saal behad ajeeb tha, waisa hi jaisa shayad sab ke liye tha. Zid thi naukri na karne ki, apna kaam shuru kiya, aur fir poori duniya hi band hogayi. Jo banaya tha woh bhi dehgaya. Socha nahi tha ek hi saal mein do baar imarat shuru se banani padegi. Par aaj jab ek saal hogaya hai aur mudke dekhta hu toh pata chalta hai ki work wise kitne strong note pe yeh saal khatam kiya hai, tab samajh ata hai, the kind of power "not giving up" has is insane. Saal achha tha, jaha se shuru kiya tha usse behad aage khada hu, aur behad aage jana hai. Main mummypapa ka sabse jyada shukar guzaar hu, jaisa woh matla-e-sher hai meri nazm ka, maa-baap ne gareebi dekhi, mujhe bad'shah ki tarha pala hai, mere hai jooton mein feete, unke pairon mein chala hai, bhagwan ka toh hu hi, nothing moves without that divine power, which at the same time, moves within you. CONTINUED IN COMMENTS, haamn pata hai thoda jyada hogaya hai — view on Instagram https://ift.tt/3ijsSRC