Nakailang sumbong na si Daph sakin na sa tuwing naghihintay siya ng masakyan papuntang school, may kotse na parang nag-aabang sa kanya. Nung una, dedma lang ako kasi nagtanong lang daw naman yung driver kung pwede ba daw mag park dun sa space na malapit sa bahay nila, tahimik kasi dun, hindi ganun kainit kasi may mga puno na nakapalibot kaya siguro magpapahinga lang yung driver at mga kasama nito, pero nagulat at natakot parin siya nun kasi siya lang mag-isa, matagal na rin yun kaya kinalimutan na namin. Pero nung last week, thursday ata, habang naglalakad siya mula sa kanila papuntang sakayan, dumaan ulit siya dun sa lugar na yun, at sinabayan daw siya ng isang kotse na tinted daw at parang kino-corner siya, binaba ng driver ang salamin ng kotse sabay sabi “Miss, pwede ko ba mahingi number mo?” hindi na sumagot si Daph at agad na umiwas sa kanila at binilisan ang paglakad. Takot na takot siya na baka habulin siya at hawakan, o kaya takpan ang bibig niya at ipasok siya sa kotse (ang cute lang ng pagkasabi, pareho daw sa mga napapanood niya sa tv) pero nakakatakot rin naman talaga. Buti nga daw walang sumunod hanggang sa sakayan, at safe siya papuntang school. Nainis ako dun, bakit may mga lalaking ganun, yun bang gagamitin ang sasakyan para lang gumawa ng kalokohan, gagamitin ang laki para lang malamangan ang mga babae, hindi nila naisip na pwedeng matakot o ma trauma ang mga babaeng gaganunin nila, kahit pa sabihing wala silang masamang intensyon o trip lang, di pa rin talaga mabuti. Lalo na’t matatanda na at malalaki pa ang katawan nung may gawa. Hindi ko mabantayan si Daph sa lahat ng oras kasi hindi naman kami pareho ng schedule, kung kelan siya aalis sa kanila, sakto namang nasa bahay na ko, di ko siya masundo at maihatid lagi, pero tuwing gabi ko siya hinahatid sa sakayan. Sabi ko sa kanya na pag may nangyaring ganun ulit, sabihin niya sakin agad, pupuntahan ko yung mga yun! Kaya sa lahat ng mga babaeng nagbabasa nito ngayon, mag-ingat kayo lagi, pray lang rin lagi. Keep safe!
origamiaround
areudirty
gummygunk
stormborns
dededos
