اظن ما كملتي الجواب من وجهة نظرك و خلاص غسلت يدي من غوشو وطريقة كتابته
انتي ايش تشوفي منطقي اكثر لتصرف ران مع شين اذا اكتشفت الحقيقة ايش السيناريو الي حيرضيك
السيناريو اللي يرضيني انه ما يعطيهم وجه أصلاً خخخخخخ
أو أضعف الإيمان لا يدخّل سالفتهم البيض بصراع المنظمة بالأخير .. ما أبغى أشوف منغصات
,
تصرف ران الطبيعي المفروض نناقشه من قبل بعدين أقول وش بتسوي ..وهو انها ليش تنتظر ؟؟
ترى غيابه عنها كله 6 شهور .. وخلالها قابلها كم مرة .. ويكلمها بالجوال أكثر مما يكلمني زوجي ههههههههه وش تبي ذي الحين ؟؟ .. لاهو زوجها ولا خطيبها مثل ما انلعب علينا بسبيستون😁 ولا حبيبها ولا تبن .. صديق طفولة .. خلاص اهجدي
وإذا مرة ميتة عليه و مشتاقة أو تحس فيه شيء مخفي عنها .. طيب عندي لك حل بسيط سهل جداً ..
امسكي جوالك و ارسلي لـ شينتشي الآتي : شف يابو راس .. إذا ما صارحتني بكل شيء و وينك .. وش سالفة هالقضية اللي مغيبتك شهور ... والا هذا أرايدي سينسي جنبنا.. ميّت علي ... رحت أخاويه لابوك لابو تبن ..
أخونك ؟؟
ايه ايه ..ايه أخونك وأخون اللي خلّفك و شارع بيكر كله .. أنت مين عشان تتملكني كذا ؟؟؟
تسحب علي .. أسحب على جدن جابك..
بعد ساعة ونص يجيها يزحف ويعترف لها بكل شيء خخخخخخخ
,
فـ هي برضو مُلامة .. لانها غبية ..وماتعاملت مع هالسالفة بحكمة
فـ شينتشي كان يمر بأزمة .. وهي مب اخته ولا زوجته ولا أحد من عايلته .. مو مجبور يقول لها كل شيء .. خاصة لما يكون شيء سري خطير..
وهي برضو مو مُلزمة بعلاقة مع واحد ساحب عليها و يخفي عنها شيء مهم زي كذا ..
فالحل لانهاء هالسالفة كان بيدها ..
محد أجبرك تكونين حبيبة لدرجة الغباء و تنتظرين واحد ساحب عليك .. ثم لما تطول السحبة تبكين وتلومينه ... لومي نفسك أول .. أنت اللي رضيتي بهالمصير لك
فالتصرف المنطقي لـ وحدة غبية راضية بهالمصير .. انها تستفسر منه ليش ما قلت لي من بد كل الناس ؟؟ ..
ولما يقول لها الجواب .. تسكت وتنثبر
أما لو كانت وحدة بعقلها .. فزي ما قلت .. من البداية ماراح ترضى بهالمصير و بتنهيه قبل يبدأ ..
وبس والله
" ترى غيابه عنها كله 6 شهور .. وخلالها قابلها كم مرة .. ويكلمها بالجوال أكثر مما يكلمني زوجي ههههههههه وش تبي ذي الحين ؟؟ .. لاهو زوجها ولا خطيبها مثل ما انلعب علينا بسبيستون😁 ولا حبيبها ولا تبن .. صديق طفولة .. خلاص اهجدي "
مليون لايك على ذي النقطة الاغلب مو مستوعبينها ترى ران وشين الي بينهم بالبداية صداقة طفولة بس لا اعترفو بحبهم للبعض ولا هم مخطوبين ولا شي فالتملك الي عندهم تجاه بعض غريب زي مثلا يوم سافر لندن واعترف لها سوت سالفة ومناحة ليه ماعلمتني انك مسافر !!! يعلمك بصفتك ايش انتي صديقة بس ( رسميا ) والدليل الاعتراف نفسه عشان تكون بينهم علاقة حب رسمية متبادلة لان الي بيهم قبل ماكان حب متبادل نعم فيه مشاعر لكنهم ما اعترفو للبعض رسميا فرسميا قبل الاعتراف ماكان بينهم حب ، وفيه نقطة ثانية سالفة ان ران هي الي تنظف بيته !!! مع انه ماطلب منها بل العكس قالها لا تنظفين ولا تسوين شي
