#100tula

[tugmataludtodtalata]

tamà na.

ngayon lang nagkaroon ng sapat na lakas at tapang, ang plano ko talaga ay makarating ng isandaan. maihayag lahat ng maisip kong salita na hindi ko maipararating sa 'yo nang malaya. ngunit sa tingin ko, tamà na. napagtanto kong habang mas dumarami ang mga akdang hango sa isang masakit na pelikula, mas lalo lámang akong hindi makaaahon at patuloy na dadausdos sa malalim na balon.

[isandaangtulaparasayo-blog]

Tula #3: Curfew

Gaya ng kwagong tulog sa umaga ngunit gising sa gabi

makapiling lang ang buwan sa kanyang tabi,

tataliwas ako sa dapat at tama

masilayan lang ang iyong mata.

-F

[kirisawaaaa]

Isang tula Tulang binubuo ng daan daang letra Na sinulat para sa iyo Bago pa binuo ang pelikulang ito... -kaheeeel (August 2017) #100TulaParaKayStella

[tugmataludtodtalata]

grabe ano, ikaw ang pinaka dakila kong paano at bakit. tapos sa tuwing malungkot ako, aksidente o biglaan kong makikita iyong mga mensahe mong para sa akin, na sa tuwing binabasa ko ay nakapagdudulot sa akin ng tuwa, lakas ng loob, panlulumo at lungkot.

maidagdag ko lang din, ikaw rin pala ang pinaka dakila kong sana at siguro.

[tugmataludtodtalata]

100 TULA PARA SA KANYA

Sequel

#45 Sagip Gusto ko ring masagip Hindi ng sarili ko Ngunit masagip din ng iba... Masagip niya. Kaya lang Kailangan niya rin ng pagsagip At hindi ko siya masasagip Kung ako mismo ay kailangan din ng yakap na mahigpit Kung ipipilit naming sagipin ang isa't isa Parang hindi magandang ideya. Baka lalo lang lumala, Baka lalo lang kaming masira. Kaya siguro nga, Ako na lang muna ulit ang makikidigma Sa giyerang ako rin naman ang nagsimula.

[tugmataludtodtalata]

100 TULA PARA SA KANYA

Sequel

#43 Paruparo Sigurado na ako. Hindi na 'to tungkol sa'yo. Gusto ko lang sabihing, kinikilig na ulit ako. Hindi na lang sa mga nababasa at napanonood ko. Hindi ko alam na ganito pala ang mga paruparo─ Humahalukay ng kalamnan Gustong kumawala, Ipagsigawan, Markahan, Ang teritoryong pasibol pa lang. Sigurado na ako. Hindi na 'to tungkol sa'yo. Pero sana hindi na lang, Kasi ang dami ko nang iniyak wala pa man.

[tugmataludtodtalata]

100 TULA PARA SA KANYA

Sequel

#42 Sapat Na Sa Akin Sapat na sa akin ang mga librong binabasa ko. Sapat na sa akin ang kilig na hatid ng mga ‘to. Sapat na sa aking pinasisikip nito ang dibdib ko sa sakit, Sa lungkot, sa tuwa, sa pag-ibig. Kung hindi man ako iibig sa buhay na ito, Kung wala mang darating para ibigin ako, Ayos lang. Sapat na sa akin ang umibig sa pag-ibig na mayroon ang mga nakapaligid.

[tugmataludtodtalata]

100 TULA PARA SA KANYA

Sequel

#041 Silakbo May ginhawa at kirot sa pagtanaw at muling pagdaan sa mga pamilyar na lugar. May kapanatagan at unti-unting pagguhit ng lungkot sa pagtikim ng mga pagkaing matagal na no'ng hulíng natikman. May tipid na ngiti at tahimik na pagluluksa sa mga itinuring mong tahanan pero hindi pala.