بكره البلد دي وناسها وقد ايه مفيش منهم رجا. بعد أي قضية أو "تريند" أو مسلسل بدل ما يفهموا ويوعوا زيادة أو نطالب بتغيير القانون وتشديد العقوبات ومسح مصطلح "جرائم الشرف" ده بالمرة ونغيّر المناهج ونوعّي الأطفال من صغرهم بجسمهم وخصوصيتهم وحقوقهم والجنس والجنس الآخر والتربية الجنسية عشان ميبقاش شحط في عشريناته وميعرفش جسمه ده شغّال ازاي ولا جسم البنت بيشتغل ازاي ومتعقّد وبيكره الستات ومش شايفهم غير أداة جنسية وأقل منه. بدل ما أي حاجة من دي تحصل كل اللي بيعملوه إنهم يعقّدوا الأطفال أكتر ويخوفوهم ويحبسوهم ويكرّهوهم في جسمهم ويرعبوهم من الجنس التاني أو الجنس عامةً. بدل ما نفهّمهم بنرهبهم وبنقمعهم أكتر وبنقولهم إن المشكلة فيهم هما وفي جسمهم هما وازاي بنت وتلبس فستان قصير؟ ازاي ولاد يرقصوا مع بنات في الحضانة؟ يعني ايه تلعبي جمباز والمدرب راجل؟ أكيد أنت/أنتِ السبب عشان حد اتحرش بك... إلخ، ويزيد القمع ويزيد الجهل والترهيب من غير ما نشتغل على إننا نلاقي حلول فعلًا بدل ما كل يوم نشوف قضية جديدة ونطلعها تريند حبة وبعدين نرجع نفاقم أسباب المشكلة. ملعون أبو الغباء على أبو دي ناس غبية.
