churz: mier gahts immer no guet und fange ah, d'lüüt richtig gern z'übercho und die vo diheime z'vermisse :) fühl mich gott voll nöch und fasch alles isch eifach grossartig :) lang: sind jetz richtig züglet und hend richtig afah schaffe :) letscht wuche isch no orientationswuche gsi, womer vili infos übercho hend und ois ändlich alles erchlärt worde isch^^ am donnschtig isch team-usflug gsi, wos ganz büro en velotour gmacht hed, bade und barbeque inklusive :) spöter hend die junge en film gluegt, für mich de erscht film nach langer ziit ;) am friitig abig hemmer all vom team zäme gchocht und g'ässe und glachet und gschwätzed! am samschtig isch so en art chilbi gsi im råslätt-quartier, voll interessant wenn all 6000 bewohner us allne teile vo de wält ide strasse azträffe sind :) am sunntig simmer id "quartier-chile", wo vili vom om-büro au gönd. es isch chli, aber voll cool gsi! hed mer fasch no besser gfalle als d'pfingschtgmeind letscht wuche. nach de chile gits immer jugendträff, wo immer zwüsche 40-120 jugendlichi eifach chönd fuessball schpile, tanze, chille, musig mache, etc. alles imene chäller: sporthalle, tanzsaal, musigstudio, kafi, chuchi, alles!! und di teens sind hauptsächlich verhaltensoriginell und i alli arte vo kriminalität verwickled, isch voll spannend gsi, dem leiter zuezlose und denn eifach chöne zueluege und chli hälfe. es gäbt d'möglichkeit, jede samschtig und sunntig abig vom sächsi bis 11i am abig det mitz'hälfe, aber ich bi mer nuni sicher :) hüt hed also de erschti richtig arbetstag agfange und mer hend midem team versuecht, rollene für jede usezgfinde, luege, was für bereiche jede cha überneh, damit au jede öppis rächts ztue hed :) ich hoffe es wird schnell klar, wo ich wie was cha inebringe und mithälfe oder sogar leite :) es isch super team, alli sind eh nätt und dstimmig isch kreativ locker :D dezue chunnd das mer mindeschtens jede tag zwoi mal en andacht hend und so han ich sgfühl, ich lern mega vill nois und entdeck mid de anderne cooli sache wo gott ois wett säge durd bible :) ich känne zwar nuni vill konkreti tätigkeite während mim ufenthalt in schwede, hani im vorus ned gwüsst und wirdi glaub au nie becho, de stundeplan mid uufgabe woni mier immer gwünscht han ;) aber wie vill ich scho glernt han, über mänsche, über mich, über gott, über schwede, moslem, gäld, gfühl, internet, technik, ässe, medie, änglisch.. das isch ja scho beachtlich find ich :D ha mer irgendwie scho paar sache andersch vorgstellt, aber alles in allem gahts mier guet und ich fühl mich wohl und am richtige ort! ;) ich wünsche oich allne mänsche wo das da läsed en gueti wuche und das ier gottes friede und froid döfed gschpüre :) liebi grüess und bis bald ♥️♥️♥️♥️♥️♥️♥️♥️♥️♥️♥️♥️ ps: dear brother, happy 18th birthday🎈
