Discover Top Posts Tagged with #fasila

..............

ഒരിക്കലും കരുതിയിരുന്നില്ല മനസ്സില്‍ വീണ്ടും പ്രണയം പൊട്ടിമുളയ്ക്കുമെന്ന്‍. മരുഭൂമിയിലാണ് അവള്‍ മഴ പെയ്യിച്ചത്. നീരുറവകള്‍ പൊട്ടിമുളച്ചത് എന്‍റെ മനസ്സിലും. ആ മഴയില്‍ പുതിയ ചെടികള്‍ വേരിട്ടു. പൂക്കളുണ്ടായി, പൂക്കളെ തേടി ചിത്രശലഭങ്ങള്‍ വന്നു. ജീവിതം നിറമാര്‍ന്ന പൂന്തോട്ടമായി.

അവളുടെ കണ്ണുകളില്‍ എന്നോടുള്ള പ്രണയം നീന്തിക്കളിക്കുന്നത് ഞാന്‍ കണ്ടു. ഇഷ്ടമായിരുന്നു , അവളുടെ കുസൃതി നിറഞ്ഞ വാക്കുകള്‍. അവള്‍ എന്നെ വിളിച്ചിരുന്ന പേര് പോലും എന്നെ ഈറനണിയിക്കുന്നതായിരുന്നു. ഓരോ തവണ അവളോട് സംസാരിക്കുമ്പോഴും മനസ്സ് കൂടുതല്‍ കൂടുതല്‍ അവളോട് അടുക്കുന്നതായി തോന്നും. അവളുടെ വാക്കുകളിലെ കാന്തികശക്തി എന്നെ അവളിലേക്ക് അടുപ്പിച്ചുകൊണ്ടിരുന്നു.

കിലോമീറ്ററുകള്‍ക്ക് അപ്പുറമാണെങ്കിലും ഒന്ന്‍ കണ്ണടച്ചാല്‍ അവളെ എനിക്ക് നേരിട്ട് കാണാം. അവളുടെ മനസ്സ് കാണാം, ആ മനസ്സിലെ എന്നെ കാണാം. ആ മനസ്സ് എന്നും കൂടെ ഉണ്ടാവുമെന്ന വിശ്വാസം ജീവിതത്തിനു പുതിയ ഒരു ഉണര്‍വ്വ് തന്നിരിക്കുന്നു. എന്നിലെ ഞാന്‍ കാണാതെ പോയ എന്നെ തിരിച്ചുകൊണ്ട് വന്നത് കൊണ്ടാവും, അവളോടെനിക്ക് ഇത്രയും ഇഷ്ടം തോന്നാന്‍ കാരണം.

#love #life #romance #fasi #fasila #thasleem #addicted