Mae gymaint o engreifftiau penigamp ar hyd a lled Cymru o wirfoddoli sy’n gwneud gwahaniaeth mawr mewn iechyd a gofal cymdeithasol – felly pam nad yw’r arfer da hwn yn cael ei ddefnyddio ym mhob man? Mae Fiona Liddell yn ystyried yr her o ‘gynyddu’ syniadau newydd.
Mae Andrew Goodall (Cyfarwyddwr Cyffredinol Iechyd a Gwasanaethau Cymdeithasol a Phrif Weithredwr GIG Cymru) yn ei gyflwyniad i Gymru Iachach yn traethu ar y weledigaeth o newid ein gwasanaethau iechyd a gofal cymdeithasol:
‘Drwy arloesedd lleol sy’n bwydo modelau newydd o wasanaethau iechyd a gofal cymdeithasol di-dor, byddwn yn cynyddu syniadau newydd a ffyrdd gwell o weithio i lefel rhanbarthol ac yna lefel cenedlaethol. Bydd Rhaglen Drawsnewid genedlaethol yn dod â chyflymder a phwrpas i sut yr ydym yn cefnogi newid ar draws yr holl system… ein gwir brawf fydd yn ein darpariaeth o wasanaethau a gwellau canlyniadau ar hyd a lled Cymru’.
Nid yw’r broses a ddisgrifir yn gryno ac yn obeithiol yn y dyfyniad yn fater syml er hynny. Er enghraifft, roedd cyflwyno ffrwythau sitrig i ddiet morwyr yn 1601 heb amheuaeth yn ‘syniad da’ ar y pryd ond fe gymrodd dan 1795 i’r arfer gael ei ddefnyddio gan y llynges Brydeinig. Cant naw deg a phedwar o flynyddoedd!
Mae’r cwestiwn o sut i ‘gynyddu’ arfer da lleol yn un a aethom i’r afael ag o mewn gweithdy mewn cynhadledd diweddar ar rôl y trydydd sector yng Nghymru i gyflawni cynllun hirdymor Cymru ar gyfer iechyd a gofal cymdeithasol.
Rhai heriau
Roedd cyfranogwyr yn barod i adnabod (yn aml o brofiad!), y cyfyngiadau oblegid natur byr dymor yr ariannu. Yn aml mae hyn yn golygu nad oes modd o fewn y cyfnod byr yr ariennir y prosiect, i archwilio, i ddogfennu neu rannu’r gwersi a ddysgwyd gyda’r rhwydwaith ehangach.
Mae swyddi’r staff yn aml yn dod i ben yr un pryd a’r prosiect ac felly collir profiad lleol gwerthfawr. Yn fwy na hynny, mae ariannu tymor byr yn arwain at feddwl tymor byr.
Yn llwyr arwahân i’r cwestiwn o gyllid, os yw prosiect gwirfoddoli yn effeithiol mewn un ardal, beth yw’r tebygoliaeth y bydd yn gweithio mewn ardal wahanol, ble mae’r cynnwys a’r personoliaethau yn wahanol?
Os yw’n gweithio’n dda ar raddfa fach, beth yw’r tebygoliaeth y bydd yn gweithio ‘run mor dda pan fydd ar raddfa fwy?
Trawsblanwch model craidd neu weithgaredd gwirfoddoli o un amgylchedd gysgodol mewn ‘inciwbator’ i ardal fwy agored a ni all o reidrwydd ffynnu.
Byddai’n well i ni mewn unrhyw achos siarad am ‘ledaenu’ yn hytrach na ‘chynyddu’ o ran ymyriadau gwirfoddoli, gyda mwy o bwyslais ar ddyblygu rheolaidd o syniad yn hytrach na masgynhyrchu.
Gall ‘llwyddiant’ gael ei farnu drwy wahanol lensiau: o economeg, i ganlyniadau clinigol, i lesiant ungiol neu effeithionlrwydd cyflenwei gwasanaeth, yn dibynnu ar byw ydych chi – neu bwy yr ydych yn bwriadu ei argyhoeddi.
Mae her benodol yn ein hwynebu o ran sut yr ydym yn ‘pecynnu’ a chyfathrebu ymyriadau gwirfoddoli sydd wedi eu profi’n effeithiol mewn un ardal, mewn ffordd sy’n galluogi eraill i’w gwneud yr un mor effeithiol mewn ardal arall.
Lledaenu arfer da
Cynhaliodd The Health Foundation ymchwil ymhlith y rhai a oedd yn derbyn grantiau ganddynt a phartneriaid yn ystod 2017-18. Daethant i’r casgliad yn eu hadroddiad The Spread Challenge y dylid rhoi mwy o sylw i’r rôl mabwysiadwyr yn hytrach na sylw penodol i arloeswyr y modelau newydd ac arferion newydd mewn gofal iechyd.
‘I ledaenu ymyriadau gofal iechyd cymhleth yn llwyddiannus bydd gofyn eu pecynnu mewn ffordd fwy soffistigedig a dylunio rhaglenni bydd yn eu lledaenu mewn ffyrdd mwy soffistigedig.’
Gellir dadlau, bod y rhan fwyaf o raglenni gwirfoddoli yn ‘ymyriadau cymhleth’ o ganlyniad i bresenoldeb bod dynol.
Bydd gofyn efallai hefyd i fabwysiadwyr fod yn addaswyr wrth iddynt gyfieithu, coethi, ac weithiau yn fwy neu lai ailddyfeisio ymyriad peilot.
Mae’r cam hwn yn hanfodol ac yn datblygu ein dealltwriaeth o beth yw’r elfennau hanfodol o’r prosiect, yr hy’n sydd, yn anghenrheidiol ar gyfer ei lwyddiant a beth sydd angen ei deilwra i weddu gydag amgylchiadau lleol.
Helplu yng Nghymru
Mae Helpforce, a’i brif bartner WCVA yng Nghymru, yn gweithio gyda phartneriaid ar hyd a lled y DU i feithrin a lledaenu arloesedd mewn gwirfoddoli o fewn gwasanaethau iechyd a gofal cymdeithasol.
Bydd yn canolbwyntio’n fwyfwy ar sut y gall gwirfoddoli llwyddiannus gael ei ‘becynnu’ a’i ‘ledaenu’ ar gyfer buddion ehangach. Mae swydd newydd wedi cael ei chreu er mwyn datblygu’r gwaith.
Yng Nghymru gallwn ddysgu o brofiadau ar hyd a lled y DU ac o dystiolaeth a’r fethodoleg sy’n dod i’r wyneb. Byddwn yn adolygu’r llenyddiaeth a gyhoeddir gyda phartneriaid ymchwil yn y dyfodol, yn ogystal â thynnu sylw at engreifftiau o wirfoddoli effeithiol sydd â photensial strategol. Os ydych yn gwybod am brosiect o’r fath, cysylltwch â ni!
Mae’r Comisiwn Bevan yn cychwyn ar raglen arall yn fuan i gefnogi’r penodiad o fabwysiadwyr arloesedd gofal iechyd ym mhob Bwrdd Iechyd. Bydd rhain yn dod yn gydnabyddion clos i’r achos.
I gloi..
Gadewch i mi ddod yn ôl at gydweddiad garddwriaethol, unwaith eto er mwyn gwneud fy mhrif bwynt: er mwyn i arloesedd mewn gwirfoddoli wreiddio, mae angen i ni hefyd baratoi’r tir, hynny yw, i greu’r capasiti a’r parodrwydd ar gyfer cymryd rhan mewn gwirfoddoli.
Mae hyn yn golygu datblygu diwylliant mudiad, agweddau staff a’r polisi isadeiledd er mwyn galluogi gwirfoddoli i ffynnu. Wrth gydweithredu gyda WCVA ar lefel genedlaethol, mae Canolfannau Gwirfoddoli ym mhob sir yn cefnogi mudiadau i ddatblygu rhaglenni gwirfoddoli addas a pholisïau.
Bydd WCVA hefyd yn paratoi’r sylfaen drwy drafodaethau cenedlaethol gydag ystod o rhanddeiliaid a thrwy ddatblygiad o safonau arfer fwy cyson.
Fiona Liddell yw Rheolwr Helpforce Cymru, wedi’i lleoli o fewn WCVA. Gellir cysylltu â hi ar [email protected] 029 2043 1730.
Erthyglau perthnasol
Datblygu gwirfoddoli i gefnogi gofal iechyd yng Nghymru
Gwaith tîm 💪🏿 During special events, like our Easter event on Sunday, we rely on a group of dedicated volunteers. Diolch yn fawr! 👏🏻 #Pasg #Easter #Gwirfoddoli #Volunteering #Chwarae #Play #Wrecsam #Wrexham https://www.instagram.com/p/BwmoL_JHFWd/?utm_source=ig_tumblr_share&igshid=1ixq2kdomkwun
Volunteering Wales website - changing in response to your feedback
Am ddarllen hon yn Gymraeg?
The launch of the new Volunteering wales website, back in June 2018 was a significant step forward for us in Wales. It provides a range of free tools to enable the promotion, recruitment and management of volunteers. It gives volunteers easier and more direct access to a wide range of volunteering opportunities - through their mobile phone, if they wish! Here, WCVA Volunteering Development Manager Fiona Liddell discusses the changes made in response to feedback from users.
As you might imagine, we have encountered many and various challenges since then as we, and you, have worked with the new system in our day to day work. We have been working with the developers to address many of these.
In August – September we asked users of the website what they liked about it and what could be improved. Let me tell you about two of the issues that many of you raised and what is being done about these.
Searching for opportunities
A lot of you mentioned the search function and difficulties experienced in finding specific opportunities using common search words.
The developers have introduced some major changes in the update that was released last month, which should make significant difference to the ease of search.
If you click on the search button you get to some Advance search options, with a range of filters that help to focus the search. You can search by distance from a specific location. This could be a postcode, or it could be a place name search as Anytown railway station or university. Anything that is recognised by Google place names will be recognised here.
Narrow your search by entering a distance and a named location.
Click on ‘more options’ to see more filter options, including age ranges, whether expenses are paid, or the opportunity can be carried out from home.
You can search by our 10 broad, defined categories of organisations’ area of interest, or, more usefully, by tags.
Providers can select or add tags when posting their opportunity, to include words that people might reasonably be searching for.
Close the ‘more options’ again and you’ll see down the left hand side of the page that you can also search by selecting a provider or by type of location (ie whether the opportunity can be done from anywhere or at a set location) and by activity tags. You can see next to all these options a number in brackets, which denotes how many search results have been returned for each of these filters.
I searched for ‘animals’, and found, for example, that 2 of these have been tagged ‘horses’ and two are tagged ‘sheep’.
It is still under discussion whether and how many of the advanced search options should be visible on the main page without causing visual clutter or confusion. Meanwhile just remember to click on the search button and away you go. Happy searching!
Applying or joining opportunities?
When creating opportunities you choose to make them either for ‘applying’ or ‘joining’. The terminology is unfamiliar and the implications of choosing one or the other has not been clear to many of you.
Some changes to the ‘applying’ process were introduced in the latest update which make it more flexible, allowing you to respond to volunteers on an individual basis as and when they apply (rather than choosing a closing date and dealing with all applications then, as you would in a staff appointment). The developers, in the light of feedback from us and others, have committed to a major re-working of this section, with the use of questions to determine the appropriate recruitment option, rather than requiring the Provider to choose from unfamiliar alternatives.
This will be some months down the line. Meanwhile it may be helpful to know that the software came from the world of sporting events. For some roles, (like, say, litter picking), a number of volunteers may be needed for each shift, say, maximum 5 volunteers for each of 3 sessions during a one day event. By choosing opportunity options ‘non- repeating’ (because it’s a one off event on one day) and ‘joining’ (a first come first served basis) then you can get volunteers signing up for the different sessions until you have 5 committed for each of the sessions. Hey presto! That’s the rota sorted.
For other roles, maybe some experience is needed, such as minibus drivers. By choosing ‘applying’ you can put in place a screening/ application process through the website, allowing you to consider each application in turn, view any documents, credentials, application forms, references or whatever, before confirming that the volunteer is successful or unsuccessful.
What information do volunteers get when they sign up to an opportunity?
When volunteers sign up for an opportunity (whether ‘applying’ or ‘joining’) they receive this autogenerated message:
You have joined a volunteering opportunity
You joined the *|OPPNAME|* opportunity.
This opportunity is provided by *|PROVIDER|*
You can contact *|PROVIDER|*, directly on *|TELEPHONE|* or via email at *|EMAIL|* with any questions you might have regarding this opportunity.
Thank you for offering your time to volunteer. It is appreciated.
Someone from your chosen opportunity should be in touch shortly to let you know what happens next.
If you have signed up for specific session dates and times, these are confirmed below.
If you have any queries you can contact your opportunity provider using the contact details above or contact your local volunteer centre.
Your sessions on this opportunity
The sessions you've currently signed up for are shown below. You can see your upcoming sessions and opportunities at https://volunteering-wales.net/vk/volunteers/my_profile.htm
*|SESSIONLIST|*
If you have any other general questions you can reply to this email or call us on 0300 111 0124 .
Thank you, Volunteering Wales
If you mark an individual’s application as unsuccessful, or remove them from the list of volunteers associated with a particular opportunity, for whatever reason, they will be sent this autogenerated message:
*|EVENTNAME|* *|OPPNAME|* : You have been removed from this opportunity
Opportunity Removal.
Hi *|VOLNAME|*,
Thank you for registering with Volunteering Wales and for offering to volunteer on the *|EVENTNAME|* *|OPPNAME|* opportunity which was offered by *|PROVIDER|*.
Unfortunately this opportunity is no longer available. We hope you find another suitable opportunity.
If you want any help your local volunteer centre will be pleased to assist.
Volunteering Wales appreciate your support and we are sorry for any disappointment caused.
These messages have to be general so as to cover a wide range of contexts. The best advice is for you to be sure to follow up with emails to interested volunteers and to keep them in the loop about what is happening.
But our opportunities are not like this!
The options above are fine for session- based or event- based volunteering. But your opportunities may not be based around fixed time periods at all, but rather a matter for negotiation between yourselves and the volunteer.
The option for you is ‘Flexible’. Choose this for any opportunity that is not based on fixed time slots.
If you choose ‘applying’ as the method of selection, you can distinguish on line between those who are applicants awaiting a response from you and those you have accepted as volunteers. You can manage the selection process through the website, for example emailing an application form and requesting necessary information. You may hold an interview with the volunteer also, all before confirming whether or not you can accept them.
If you choose ‘joining’ then every volunteer who applies will be accepted onto your list of volunteers right away. If the opportunity is session based (‘repeating’ or ‘non-repeating’), they could just turn up. If it is ‘flexible’ they will need to hear from you about what happens next. You can still administer your own recruitment processes such as application form, interview and references but with the ‘joining’ option, you will not be using the website to manage that selection process.
The best advice here is for you to be clear in the opportunity description, what the recruitment process entails.
Sign up for the webinar
The next webinar for users of the Volunteering Wales platform will take place on Wednesday 23 January 2 – 3 pm. Book your free place here and let me know of any particular areas or questions that you would like to see addressed in the session.
I hope to see you there!
If you have other questions about the website then please consult our FAQs, refer to previous blogs, or use the ‘contact us’ option on the website to get in touch with your local administrator (your volunteer centre). Or get in touch with me by email: [email protected] or phone (029 2043 1730).
Related blogs:
Need help with the Volunteering-Wales.net ?
I’m on the new Volunteering wales platform – what now?
The New Volunteering wales platform – Help, where do I start?
Gwefan Gwirfoddoli Cymru – newid yn sgil eich adborth
Roedd lansio gwefan newydd Gwirfoddoli Cymru, nôl ym mis Mehefin 2018, yn gam mawr ymlaen i ni yng Nghymru. Mae’n cynnig llwyth o nodweddion am ddim i alluogi mudiadau i hyrwyddo, recriwtio a rheoli gwirfoddolwyr. Mae’n rhoi mynediad haws a mwy uniongyrchol i wirfoddolwyr at ystod eang o gyfleoedd gwirfoddoli – drwy eu ffonau symudol, os mynnant! Yma mae Rheolwr Datblygu Gwirfoddoli WCVA Fiona Liddell yn son am y newidiadau sydd wedi digwydd i’r gwefan ar ol adborth o’i ddefnyddwyr.
Fel y gallwch ddychmygu, rydym wedi wynebu llawer o heriau amrywiol ers hynny wrth i ni, a chithau, weithio gyda’r system newydd yn ein gwaith bob dydd. Rydym wedi bod yn gweithio gyda’r datblygwyr i fynd i’r afael â llawer o’r rhain.
Ym mis Awst a Medi gofynnon ni i ddefnyddwyr y wefan beth oeddynt yn ei hoffi amdani a beth ellid ei wella. Dyma ddau fater a gafodd ei godi gan lawer ohonoch a beth sy’n cael ei wneud yn eu cylch.
Chwilio am gyfleoedd
Soniodd llawer ohonoch am y peiriant chwilio a thrafferthion wrth ddod o hyd i gyfleoedd penodol gan ddefnyddio geiriau chwilio cyffredin.
Mae’r datblygwyr wedi cynnwys newidiadau mawr yn y diweddariad a ryddhawyd fis diwethaf, a ddylai wneud dipyn o wahaniaeth a’i gwneud yn haws chwilio am gyfleoedd.
Wrth glicio ar y botwm chwilio rydych yn cael opsiynau chwilio ychwanegol, gyda hidlyddion amrywiol sy’n helpu i roi ffocws i’r chwiliad. Gallwch chwilio yn ôl pellter o leoliad penodol. Gallai hwn fod yn god post, neu’n enw lle megis gorsaf drenau neu brifysgol. Bydd unrhyw beth y mae Google yn ei adnabod fel enw lle yn gweithio yma.
Gallwch gulhau’ch chwiliad drwy nodi pellter ac enw lle.
Cliciwch ar ‘mwy o opsiynau’ / ‘more options’ i weld rhagor o hidlyddion, gan gynnwys ystod oedran, a yw treuliau’n cael eu talu, neu a ellir gwneud y gweithgarwch gwirfoddol gartref.
Gallwch chwilio yn ôl ein 10 categori eang o feysydd diddordeb mudiadau, neu, yn fwy defnyddiol yn ôl tagiau.
Gall darparwyr ddewis neu ychwanegu tagiau wrth ychwanegu eu cyfleoedd, er mwyn cynnwys geiriau y gallai pobl chwilio amdanynt.
Wrth gau ‘more options’ eto fe welwch ar hyd ochr chwith y dudalen y gallwch hefyd chwilio drwy ddewis darparwr neu yn ôl math o leoliad (hynny yw, a ellir gwneud y gweithgarwch gwirfoddol o unrhyw le neu mewn lle penodol) ac yn ôl tagiau gweithgarwch. Ger pob un o’r opsiynau hyn fe welwch rif mewn bracedi sy’n dynodi sawl canlyniad sydd wedi dod i law yn y chwiliad ar gyfer pob hidlydd.
Chwiliais am ‘animals’, a gweld, er enghraifft, fod 2 o’r rhain wedi’u tagio gyda ‘horses’ a dau gyda ‘sheep’.
Rydym yn dal i drafod a ddylai’r opsiynau chwilio ychwanegol ymddangos ar y prif dudalen, ac os felly faint ohonynt, heb achosi annibendod neu ddryswch wrth edrych ar y dudalen. Yn y cyfamser cofiwch glicio ar y botwm chwilio ac i ffwrdd â chi. Hwyl ar y chwilio!
Ymgeisio am gyfle ynteu ymuno â chyfle?
Wrth greu cyfleoedd rydych yn dewis naill ai ‘ymgeisio’ neu ‘ymuno’. Mae’r derminoleg yn anghyfarwydd ac nid yw goblygiadau dewis y naill neu’r llall wedi bod yn glir i lawer ohonoch.
Cafodd rhai newidiadau yn y broses ‘ymgeisio’ eu cyflwyno yn y diweddariad diwethaf sy’n ei gwneud yn fwy hyblyg, gan eich galluogi i ymateb i wirfoddolwyr yn unigol wrth iddynt ymgeisio (yn hytrach na dewis dyddiad cau a delio gyda phob cais bryd hynny, fel y byddech yn ei wneud wrth benodi staff). Mae’r datblygwyr, yn sgil adborth gennym ni ac eraill, wedi ymrwymo i ailwampio’r rhan hon o’r wefan, gan ddefnyddio cwestiynau i bennu’r opsiwn recriwtio priodol, yn hytrach na gofyn i’r Darparwr ddewis o blith dewisiadau anghyfarwydd.
Ni fydd hyn yn digwydd am rai misoedd eto. Yn y cyfamser efallai y bydd yn fuddiol i chi wybod bod y feddalwedd yn deillio o fyd digwyddiadau chwaraeon. Ar gyfer rhai rolau (megis codi sbwriel), efallai fod angen nifer o wirfoddolwyr ym mhob sifft, er enghraifft, hyd at 5 gwirfoddolwr y sesiwn ar gyfer 3 sesiwn yn ystod digwyddiad untro. Wrth ddewis yr opsiynau canlynol ar gyfer y cyfle: ‘ddim yn ailadrodd’ (gan mai digwyddiad untro yw ef ar un diwrnod) ac ‘ymuno’ (y cyntaf i’r felin) yna gallwch gael gwirfoddolwyr yn ymuno â’r gwahanol sesiynau hyd nes y mae gennych 5 sydd wedi ymrwymo i bob un o’r sesiynau. A dyna ni! Mae’r rota wedi’i sortio.
Ar gyfer rolau eraill, efallai fod angen rhywfaint o brofiad, megis gyrwyr bws mini. Wrth ddewis ‘ymgeisio’ gallwch sefydlu proses sgrinio/ymgeisio drwy’r wefan, gan eich galluogi i ystyried pob cais yn ei dro, bwrw golwg ar unrhyw ddogfennau, cymwysterau, ffurflenni cais, geirdaon neu beth bynnag, cyn cadarnhau bod y gwirfoddolwr wedi llwyddo ai peidio.
Pa wybodaeth y mae gwirfoddolwyr yn ei chael wrth ymrwymo i gyfle?
Pan fo gwirfoddolwyr yn ymrwymo i gyfle (boed yn un ‘ymgeisio’ neu ‘ymuno’) maent yn cael y neges awtomatig hon:
Rydych wedi ymuno â chyfle gwirfoddoli
Fe wnaethoch ymuno â’r cyfle *|OPPNAME|*.
Darperir y cyfle hwn gan *|PROVIDER|*
Gallwch gysylltu â *|PROVIDER|*, yn uniongyrchol drwy ffonio *|TELEPHONE|* neu ebostio *|EMAIL|* os oes gennych unrhyw gwestiynau am y cyfle hwn.
Diolch am gynnig eich amser i wirfoddoli. Fe’i gwerthfawrogir.
Dylai rhywun o’r cyfle rydych wedi’i ddewis gysylltu’n fuan i roi gwybod i chi beth sy’n digwydd nesaf.
Os ydych wedi ymrwymo i ddyddiadau ac amseroedd penodol, mae’r rhain wedi’u cadarnhau isod.
Os oes gennych unrhyw gwestiynau cysylltwch â darparwr eich cyfle drwy’r manylion cyswllt uchod neu cysylltwch â’ch canolfan wirfoddoli leol.
Eich sesiynau yn y cyfle hwn
Dangosir isod y sesiynau rydych wedi ymrwymo iddynt ar hyn o bryd. Gallwch weld y sesiynau a’r cyfleoedd sydd gennych ar ddod ar https://volunteering-wales.net/vk/volunteers/my_profile.htm
*|SESSIONLIST|*
Os oes gennych unrhyw gwestiynau cyffredinol eraill gallwch ateb yr ebost hwn neu gysylltu â ni drwy ffonio 0300 111 0124 .
Diolch yn fawr, Gwirfoddoli Cymru
Os ydych yn nodi bod cais unigolyn heb lwyddo, neu’n ei dynnu oddi ar y rhestr o wirfoddolwyr sydd ynghlwm wrth gyfle penodol, am ba reswm bynnag, bydd yn cael y neges awtomatig hon:
*|EVENTNAME|* *|OPPNAME|* : Mae’ch enw wedi’i ddileu o’r cyfle hwn
Dileu’ch Enw o Gyfle.
Helo *|VOLNAME|*,
Diolch am gofrestru â Gwirfoddoli Cymru ac am gynnig gwirfoddoli yn y cyfle *|EVENTNAME|* *|OPPNAME|* a oedd yn cael ei gynnig gan *|PROVIDER|*.
Yn anffodus nid yw’r cyfle hwn ar gael mwyach. Gobeithio y dewch o hyd i gyfle addas arall.
Os oes angen unrhyw gymorth arnoch bydd eich canolfan wirfoddoli leol yn fwy na pharod i’ch cynorthwyo.
Mae Gwirfoddoli Cymru yn gwerthfawrogi’ch cefnogaeth ac ymddiheurwn am unrhyw siom a achosir gan hyn.
Rhaid i’r negeseuon hyn fod yn gyffredinol i fod yn addas ar gyfer sawl cyd-destun gwahanol. Y cyngor gorau i chi yw sicrhau’ch bod yn anfon ebyst pellach at wirfoddolwyr sydd â diddordeb a chadw mewn cysylltiad â nhw ynglŷn â beth sy’n digwydd.
Ond nid yw ein cyfleoedd ni’r un fath â’r rhain!
Mae’r opsiynau uchod yn iawn ar gyfer gwirfoddoli mewn sesiwn neu ddigwyddiad. Ond efallai nad yw’ch cyfleoedd wedi’u seilio ar gyfnod amser penodol o gwbl, ond yn hytrach yn fater i’w drafod rhyngoch chi a’r gwirfoddolwr.
Yr opsiwn gorau i chi yw ‘Hyblyg’. Dewiswch yr opsiwn hwn ar gyfer unrhyw gyfle nad yw wedi’i seilio ar slotiau amser penodol.
Os ydych yn dewis ‘ymgeisio’ fel y dull dethol, gallwch wahaniaethu arlein rhwng y rheini sy’n ymgeiswyr yn aros am ymateb gennych a’r rheini yr ydych wedi’u dewis fel gwirfoddolwyr. Gallwch reoli’r broses ddethol drwy’r wefan, er enghraifft, ebostio ffurflen gais a gofyn am wybodaeth angenrheidiol. Gallech hefyd gynnal cyfweliad gyda’r gwirfoddolwr, i gyd cyn cadarnhau a allwch ei dderbyn ai peidio.
Os ydych yn dewis ‘ymuno’ yna bydd pob gwirfoddolwr sy’n ymuno â’r cyfle yn cael eu derbyn a’u rhoi ar eich rhestr o wirfoddolwyr ar unwaith. Os yw’r cyfle wedi’i seilio ar sesiwn (‘ailadrodd’ neu ‘ddim yn ailadrodd’), yna y cwbl sydd angen iddynt ei wneud yw troi lan yn y man priodol ac ar yr amser priodol. Os yw’n gyfle ‘hyblyg’ bydd angen iddynt aros i glywed gennych ynglŷn â beth sy’n digwydd nesaf. Gallwch dal weinyddu’ch prosesau recriwtio’ch hun megis ffurflen gais, cyfweliad a geirdaon ond gyda’r opsiwn ‘ymuno’, ni fyddwch yn defnyddio’r wefan i reoli’r broses ddethol hon.
Y cyngor gorau yma yw i chi fod yn glir yn y disgrifiad o’r cyfle beth fydd ynghlwm wrth y broses recriwtio.
Cofrestru ar gyfer y gweminar
Cynhelir y gweminar nesaf i ddefnyddwyr gwefan Gwirfoddoli Cymru ddydd Mercher 23 Ionawr 2 – 3 y prynhawn. Gallwch gadw’ch lle, yn rhad ac am ddim, yma a chofiwch roi gwybod i mi am unrhyw bynciau neu gwestiynau penodol yr hoffech i’r sesiwn ymdrin â nhw.
Mawr obeithiaf eich gweld yno!
Os oes gennych gwestiynau eraill am y wefan cymerwch olwg ar ein Cwestiynau Cyffredin, darllenwch ein blogiau blaenorol, neu defnyddiwch yr opsiwn ‘cysylltu â ni’ ar y wefan i gysylltu â’ch gweinyddwr lleol (eich canolfan wirfoddoli). Neu cysylltwch â mi drwy ebostio [email protected] neu ffonio 029 2043 1730.
Blogiau perthnasol:
Angen cymorth gyda GwirfoddoliCymru.net?
Rwyf ar lwyfan newydd Gwirfoddoli Cymru - beth nawr?
Llwyfan newydd Gwirfoddoli Cymru - Help! Lle dwi’n dechrau?
Yma mae Fiona Liddell, Rheolwr Datblygu Gwirfoddoli WCVA, yn disgrifio’r cymorth sydd ar gael i’r rheini sy’n chwilio am wirfoddolwyr drwy’r llwyfan gwirfoddoli newydd.
Mae’r wefan wirfoddoli newydd bellach ar waith ond mae’n dal i fod yn anghyfarwydd i’r rhan fwyaf ohonom. Mae dod i arfer â system wahanol (yn enwedig, efallai, un ddigidol) yn cymryd amser.
Mae’r wefan yn defnyddio terminoleg wahanol ac mae ganddi nodweddion gwahanol o’i chymharu â’r hen un. Efallai’ch bod wedi cael trafferth eich hun wrth ei defnyddio; mae rhai ohonoch wedi dod ar draws gwallau ac rydym yn ddiolchgar iawn o gael gwybod am y rhain.
Nid oes gennym system berffaith eto ac mae rhai o’r nodweddion yr ydym yn eu disgwyl yn dal i gael eu datblygu. Ond mae’r hanfodion yno ac mae’r potensial yn gyffrous; mynediad hwylus uniongyrchol at gyfleoedd gwirfoddoli a llu o nodweddion rheoli arlein gan gynnwys gwobrau digidol a ffyrdd o fonitro gwirfoddolwyr a gweithgareddau gwirfoddoli ac adrodd arnynt.
Mae rhai o nodweddion y system wedi’u disgrifio mewn blogiau blaenorol (Gweler Llwyfan newydd Gwirfoddoli Cymru - Help! Lle dwi’n dechrau?; Rwyf ar lwyfan newydd Gwirfoddoli Cymru - beth nawr? a Gwefan newydd i’ch helpu i fynd ati i wirfoddoli)
Hoffwn egluro rhai o’r ffyrdd gwahanol y gall defnyddwyr y system gael cymorth.
Cymorth arlein
Mae cymorth amrywiol ar gael arlein, o’r ddewislen Help ar frig y sgrin.
Nodwch allweddeiriau yn y bar chwilio i ganfod erthyglau perthnasol, blogiau neu ganllawiau eraill, a ddarperir gan y datblygwyr, Team Kinetic. Mae’r arweiniad wrthi’n cael ei ddiweddaru yn sgil diweddariad mawr yn y feddalwedd ym mis Awst. Er hynny, dyma fan cychwyn da ac mae’n bosib y bydd yn ateb eich cwestiynau.
Cwestiynau Cyffredin Gwirfoddoli Cymru
19 o systemau sirol cysylltiedig, ac un genedlaethol, yw’r system yr ydym wedi’i datblygu yng Nghymru yn y bôn. Prif bwrpas hyn yw trefnu cyfrifoldebau gweinyddol a pherchnogaeth dros ddata ac ni ddylai gael gormod o effaith ar ddefnyddwyr. Eich cod post fydd yn pennu at ba system sirol y caiff eich cofrestriad ei gyfeirio, ni waeth ble rydych yn mewngofnodi.
Golyga hyn fod cwestiynau’n codi sy’n benodol i’n system yng Nghymru ac felly rydym wedi llunio ein rhestr ein hunain o Gwestiynau Cyffredin.
Canolfannau Gwirfoddoli a WCVA
Mae gan Ganolfannau Gwirfoddoli a WCVA gyfrifoldebau gweinyddol dros y system. Bydd un ohonynt wedi cymeradwyo’ch cofrestriad ac yn cymeradwyo cyfleoedd a roddir ar y wefan. Gallwch gysylltu â’ch gweinyddwr drwy’r botwm Cysylltwch â ni ar frig y dudalen, neu drwy ffonio neu ebostio.
Y cyfryngau cymdeithasol
Mae Team Kinetic yn weithgar ar y cyfryngau cymdeithasol ac yn falch o glywed gan ddefnyddwyr os oes ganddynt broblem, cwestiwn neu brofiad i’w rannu. Gallwch ddod o hyd iddynt ar facebook, Twitter @TeamKineticUK ac mae modd tanysgrifio i’w safle blog i gael newyddion a diweddariadau rheolaidd.
Gweminarau
Mae WCVA yn cynnal gweminarau gyda Team Kinetic ar y dyddiadau canlynol:
9 Hydref 2018 – 11:00-12:00
23 Ionawr 2019 – 14:00-15:00
15 Mai 2019 – 14:00-15:00
Gobeithiwn ryddhau fideo i gyfranogwyr ei wylio ymlaen llaw, a fydd yn ymdrin â’r pethau mwyaf cyffredin y mae defnyddwyr wedi’u codi yn ein harolwg adborth diweddaraf. Bydd cyfle wedyn i ofyn cwestiynau yn y gweminar. Bydd y fideo a recordiad o’r gweminar ar gael i’w gwylio arlein yn ddiweddarach.
Felly, rhyw fodd neu’i gilydd, gobeithio y dewch o hyd i’r cymorth sydd ei angen arnoch, i ddefnyddio’r wefan fel y mynnoch. Peidiwch â dioddef mewn distawrwydd, mae cymorth parod wrth law!
Ruth Marks, Prif Weithredwr WCVA, yn edrych yn ôl ar wythnos llawn ysbrydoliaeth yn y Brifwyl ym Mae Caerdydd.
Mae gweithio a gwirfoddoli yn y trydydd sector yng Nghymru yn waith difrifol yn aml. Mae llywodraethu, cyllido, arloesi a mesur effaith yn bynciau y mae pobl yn eu codi â mi yn rheolaidd. Mae monitro ein hamgylchedd gweithredu o oddi mewn i’r sector, yn ogystal â chadw llygad ar yr amgylchedd allanol o ran strategaethau, polisïau, cymdeithas a’r economi bob amser yn ddiddorol ac yn heriol.
Wedi dweud hynny, dwi newydd gael un o wythnosau gorau fy mlwyddyn – mae hi wedi bod yn werth chweil cael bod yn rhan o’r Brifwyl ar garreg drws ein pencadlys ym Mae Caerdydd.
Mae WCVA yn draddodiadol wedi bod â stondin ar y Maes yn agored i aelodau a phartneriaid gynnal trafodaethau a gweithgareddau yn ystod yr Eisteddfod. Eleni roedd modd i ni gynnig hyn ar ein stondin, yn ogystal ag yn ein swyddfa rownd y gornel o’r Maes ar Sgwâr Mount Stuart, ac roedd yna gymaint o wirfoddolwyr a phobl o bob cwr o Gymru y gwnes i eu gweld, sgwrsio â nhw a gwrando arnynt sy’n caru gwirfoddolwyr.
Uchafbwyntiau’r wythnos
Cymerais ran mewn trafodaeth â Mentrau Iaith sydd am weithio gyda WCVA a phob Cyngor Gwirfoddol Sirol i hyrwyddo cyfleoedd gwirfoddoli a’r Gymraeg. Roedd y brwdfrydedd o’r panel yn y Ddadl Cymdeithasau yn heintus.
Manteisiais ar y cyfle i wrando ar drafodaeth ynglŷn â diddordeb mewn melin drafod ddigidol i Gymru. Fe’i hwyluswyd gan Iolo ap Dafydd o Indycube – ac roedd hi’n sesiwn ddiddorol dros ben.
Yn olaf, cynhaliodd y cyfryngau yng Nghymru a byd drama teledu Cymraeg drafodaeth fywiog a difyr gan fy ngwneud yn fwy penderfynol fyth o gefnogi ein haelodau i adrodd eu straeon yn y cyfryngau.
Mae hyn yn gynyddol bwysig o gofio’r chwyddwydr sydd ar elusennau, ac roeddem yn falch iawn o’r ymateb i’n wal #CaruElusennau wrth i lwyth o negeseuon ardderchog gael eu gadael i Elusennau Cymru (gan gynnwys rhai gan ambell i wyneb cyfarwydd!)
Arweinyddiaeth oedd y pwnc trafod ddydd Mawrth ac roedd yn dda gen i gyflwyno ACEVO i Academi Cymru a dwi’n edrych ymlaen at drafod â’r ddau sefydliad sut y gallwn gefnogi arweinwyr yn y sector yn well, gan gynnwys darpar arweinwyr yn ogystal ag arweinwyr sefydledig.
Roedd lansio ail Fwrsari Walter Dickie yn gyfle pwysig i’n hatgoffa ein hunain o’r angen i gymryd amser i feddwl, dysgu a rhannu syniadau ag eraill.
Pwysleisiodd Comisiynydd y Gymraeg eto ei bod yn credu’n gryf fod y 3ydd Sector yn chwarae rôl hanfodol yn hyrwyddo’r Gymraeg mewn gweithgareddau a chymunedau a hefyd yn rhoi cyfleoedd amrywiol i ddysgwyr ymarfer a magu hyder.
Prif argraffiadau o’r Eisteddfod 2018
Dyma’r negeseuon allweddol a ddaeth i’r amlwg i mi yn sgil y Brifwyl:
Gwnewch y pethau bychain – cofiwch fod manylion yn bwysig yn ogystal â materion strategol, bod dweud diolch yn golygu llawer, ac yn aml gall y weithred leiaf gael yr effaith fwyaf
Mae gwirfoddoli yn fwy o hwyl gyda chyfaill!
Mae elusennau’n gweithio gyda gwasanaethau cyhoeddus – ond nid ydym yno i gymryd eu lle.
Dwi’n edrych ymlaen yn barod at wneud y cwbl eto yn Llanrwst fis Awst nesaf. Serch hynny, fe fyddwn mewn Cymru wahanol erbyn hynny. Fe fydd yr amser ar gyfer Brexit – caled, meddal neu rywbeth yn y canol – wedi pasio. Fe fydd gan lawer o’r pleidiau yng Nghymru arweinwyr newydd.
Mae’r penawdau diweddar yn ein hatgoffa bod angen i elusennau ysgwyddo cyfrifoldeb dros gynnal ymddiriedaeth y cyhoedd. Dylai pob elusen ddangos eu bod yn gynhwysol ac yn agored yn eu ffordd o weithio, gan gynnwys yr Eisteddfod.
Yn y cyfnod rhwng y Brifwyl eleni a’r un nesaf fe fyddwn yn parhau i hyrwyddo’r neges o Eisteddfod heb ffiniau – i annog mwy o bobl i wirfoddoli, i weithredu am eu bod yn llawn angerdd, yn flin, yn bryderus, yn frwdfrydig – ond yn bennaf am fod pethau’n bwysig iddyn nhw ac yn agos at eu calon.
Ein harwyddair am yr wythnos oedd #CaruElusennau – ac fe wnaeth popeth a glywais ac a welais yn yr Eisteddfod atgyfnerthu’r neges honno.
Dalia fyny gyda’r hwyl trwy edrych ar ein hashnod #CaruElusennau!
Mae Bwrsari Arweinyddiaeth Walter Dickie 2018 yn awr yn agor i ceisiadau. I gael gwybod mwy am y bwrsari, ewch ar y dudalen we neu cysylltwch ag Alun Jones.
Yma mae Fiona Liddell, Rheolwr Datblygu Gwirfoddoli WCVA, yn cynnig cyngor i wirfoddolwyr ar sut i gael y gorau o wefan newydd Gwirfoddoli Cymru, a lansiwyd ar 8 Mehefin.
Mae ein gwefan gwirfoddoli newydd sbon, a lansiwyd wythnos diwethaf, yn ei gwneud yn hawdd i wirfoddolwyr chwilio am gyfleoedd gwirfoddoli, ymuno â nhw a chadw cofnod o’u profiadau.
Mewn blogiau blaenorol canolbwyntiais ar sut y gall mudiadau ddechrau arni a chreu cyfleoedd ar y wefan newydd ac ar nodweddion eraill a all eu helpu i recriwtio a rheoli gwirfoddolwyr. Mae cyfleoedd newydd yn cael eu rhoi ar y wefan bob dydd. Nawr mae’n bryd troi ein sylw at wirfoddolwyr, neu ddarpar wirfoddolwyr, a sut y gallwch chi ddefnyddio’r wefan.
Dod o hyd i gyfleoedd gwirfoddoli
Yn gyntaf, ewch i’r wefan
www.gwirfoddolicymru.net
Gallwch ddechrau chwilio ar unwaith gan ddefnyddio allweddeiriau – gweithgaredd efallai, neu enw mudiad.
Dangosir canlyniadau yn ôl eu pellter ohonoch chi. Bydd unrhyw ddigwyddiadau untro perthnasol yn ymddangos ar frig y rhestr. Os yw’r rhestr yn rhy hir, ceisiwch gulhau’r chwiliad drwy roi allweddeiriau ychwanegol yn y chwiliad.
I gael gwybod mwy am y cyfleoedd sy’n ymddangos yn eich rhestr ganlyniadau, gofynnir i chi gofrestru, os nad ydych eisoes wedi gwneud hynny. Dim ond ychydig funudau y bydd hyn yn ei gymryd. Mae angen cyfeiriad ebost arnoch a gofynnir i chi greu cyfrinair.
Ar gyfer rhai cyfleoedd gwirfoddoli, gallwch ymuno’n syth â’r cyfle ar sail y cyntaf i’r felin, heb broses ymgeisio na phroses ddethol. Mewn achosion o’r fath gwahoddir i chi ‘Ymuno’. Anfonir cadarnhad atoch a disgwylir i chi fod yn y man priodol ar yr amser a nodir gan y mudiad.
Mae proses ymgeisio ynghlwm wrth gyfleoedd eraill – megis sgwrs gychwynnol, ffurflen gais ac mewn rhai achosion hyfforddiant cychwynnol neu wiriadau DBS cyn y gellir cadarnhau’ch lleoliad gwirfoddoli.
Yn yr achosion hyn gofynnir i chi ‘Ymgeisio’ a dilyn y camau angenrheidiol. Mae’n bosib y bydd modd i chi lawrlwytho dogfennau perthnasol, megis ffurflen gais, o’r wefan. Fe welwch fanylion cyswllt y mudiad (a elwir yn ‘Ddarparwyr’ ar y wefan hon), fel y gallwch gysylltu â nhw os hoffech gael gwybod mwy cyn ymgeisio.
Gweld holl gyfleoedd mudiad
Ar ôl dod o hyd i gyfle gwirfoddoli efallai y byddwch am gael gwybod beth arall y mae’r mudiad dan sylw yn ei gynnig. Cliciwch ar enw’r mudiad i weld ei dudalen Darparwr, a fydd yn cynnwys manylion y mudiad a rhestr o’r holl gyfleoedd gwirfoddoli y mae’n eu hysbysebu ar y wefan.
Mae’r wefan yn gwbl ddwyieithog a gallwch chwilio yn Gymraeg neu’n Saesneg – ond cofiwch fod eich chwiliad wedi’i seilio ar allweddeiriau sy’n ymddangos yn y disgrifiad o’r cyfle a roddwyd ar y wefan gan y mudiad.
Tra’r ydym yn annog disgrifiadau dwyieithog yn gryf, ni allwn orfodi hyn. Rydym yn annog mudiadau i ddefnyddio’r tag ‘Cymraeg’ i ddynodi cyfleoedd lle gallwch ddisgwyl gallu siarad Cymraeg, felly rhowch ‘Cymraeg’ yn y peiriant chwilio i ddod o hyd i gyfleoedd gwirfoddoli cyfrwng Cymraeg.
Cymorth i ddod o hyd i’r cyfleoedd cywir
Os hoffech gymorth personol i ddod o hyd i gyfleoedd gwirfoddoli addas bydd cyfle i chi ddweud hynny wrth gofrestru ar y wefan. Bydd eich canolfan wirfoddoli leol wedyn yn cysylltu â chi gan gynnig cymorth neu gyngor drwy ebost, dros y ffôn neu drwy drefnu cyfweliad wyneb yn wyneb.
Eich proffil arlein
Fel arall, gallwch ddechrau arni drwy glicio ar y botwm ‘Rhoi Cynnig ar Wirfoddoli’ ar y dudalen gartref i gofrestru fel gwirfoddolwr newydd ar y wefan a dechrau creu’ch proffil arlein.
Ar dudalen eich proffil gallwch gadw cofnod o ba sesiynau gwirfoddoli rydych wedi ymrwymo iddyn nhw, a faint o oriau o wirfoddoli rydych wedi’u gwneud. Byddwch yn cael bathodynnau gwirfoddoli digidol pan fyddwch yn cofnodi 50, 100, 200, 500 neu 1000 awr. Mae cofnodi oriau yn hawdd – bydd y wefan yn eich atgoffa pan rydych yn debygol o fod ag oriau i’w cofnodi. Os lawrlwythwch ap Teamkinetic o siop apiau Google neu Apple yna gallwch wneud hyn ar eich ffôn ble bynnag ydych chi.
Mae angen i’r mudiad rydych yn gwirfoddoli iddo gadarnhau’r oriau rydych yn eu cofnodi cyn iddynt gyfrif tuag at eich bathodynnau digidol – felly atgoffwch nhw’n garedig os nad ydynt yn gwneud hyn!
Gallwch lanlwytho manylion cymwysterau a hyfforddiant rydych wedi’u gwneud, gan gynnwys tystysgrifau, i dudalen eich proffil. Dim ond mudiadau sy’n gyfrifol am gyfleoedd gwirfoddoli yr ydych yn ymuno â nhw a all weld y wybodaeth yn eich proffil.
Gallwch adael adborth ar eich cyfleoedd gwirfoddoli, i roi gwybod i eraill sut hwyl cawsoch arni.
Gallwch gysylltu’ch proffil â’ch cyfrif Facebook neu Twitter ac yna gallwch bostio’n awtomatig pan fyddwch yn ymuno â chyfle newydd neu’n cofnodi oriau gwirfoddoli. Fel hyn gallwch roi’r diweddaraf i’ch ffrindiau ynglŷn â’r hyn rydych yn ei wneud.
Os ydych eisoes yn gwirfoddoli, efallai y bydd y mudiad rydych yn ei gefnogi yn eich annog i gofrestru ar y wefan newydd fel y gallant ei ddefnyddio i drefnu rotas, cyfathrebu â gwirfoddolwyr, rhoi a derbyn adborth ac olrhain oriau gwirfoddolwyr.
Mwynhewch!
Sut bynnag rydych yn defnyddio nodweddion newydd y wefan newydd hon, y peth pwysicaf yw’ch bod yn dod o hyd i gyfleoedd gwirfoddoli gwerth chweil a’ch bod yn mwynhau’r profiad.
Os hoffech unrhyw gymorth wrth ddefnyddio’r wefan, neu os yw’n well gennych siarad â rhywun i ddod o hyd i’r cyfle gwirfoddoli rydych yn chwilio amdano, mae croeso i chi gysylltu â’ch canolfan wirfoddoli.
Rwyf ar lwyfan newydd Gwirfoddoli Cymru - beth nawr?
Yn ei hail flog ar y pwnc, mae Fiona Liddell, Rheolwr Datblygu Gwirfoddoli yn WCVA, yn cynnig rhagor o awgrymiadau ar ddefnyddio gwefan newydd Gwirfoddoli Cymru, a fydd yn cael ei lansio ddechrau mis Mehefin.
Yn fy mlog blaenorol soniais am gofrestru eich mudiad ar y llwyfan a sut i greu cyfleoedd gwirfoddoli. Dewch i ni edrych ar nodweddion eraill a all fod yn ddefnyddiol i chi.
Yn ddiweddar prynais gamera newydd sy’n gwneud llawer mwy nag ydwi’n gallu’i wneud gydag ef, ar y funud - er dwi’n dysgu. I fod yn onest mae’n gwneud llawer mwy na fydda’ i’n debygol o fod eisiau ei wneud fyth. Ond mae’n tynnu lluniau gwell na mae fy ffôn yn ei wneud, a dwi’n hapus gyda hynny.
Yn yr un modd, mae nifer o nodweddion ar y llwyfan newydd na fyddwch chi’n teimlo’n barod i’w defnyddio, yn gallu eu defnyddio neu angen eu defnyddio, ac mae hynny, wrth gwrs, yn berffaith iawn. Byddwch er hynny, efallai’n darganfod eich bod eisiau meddwl am sut y byddwch yn defnyddio’i nodweddion yn llawnach yn y dyfodol ac i wneud hynny’n nod yn y tymor canolig i’r hirdymor.
Mae’r cyfleuster wedi’r cyfan, ar gael i chi am ddim yn rhan o seilwaith Gwirfoddoli Cymru, a gefnogir gan Lywodraeth Cymru. Mae yno i’w gwneud yn haws i wirfoddolwyr gael at gyfleoedd gwirfoddoli ac i’ch helpu i reoli gwirfoddolwyr.
Felly, rydych wedi creu ychydig o gyfleoedd, beth nawr?
Ymateb i wirfoddolwyr
Gwahaniaeth pwysig o gymharu â’r hen system yw pan fydd gwirfoddolwyr yn gofyn i ‘ymuno’ neu ‘ymgeisio’ (pa bynnag un rydych chi wedi’i ddewis - gwelwch y blog blaenorol sy’n egluro’r gwahaniaeth) bydd hysbysiad e-bost yn mynd yn syth atoch chi ac nid, fel yn flaenorol (yn y rhan fwyaf o achosion), i’r ganolfan wirfoddoli.
Afraid dweud bod ymateb i’r hysbysiadau hyn yn brydlon o bwysigrwydd mawr. Mae gwirfoddolwyr eisiau system recriwtio sy’n sydyn, hawdd ac uniongyrchol. Gall y llwyfan hwn alluogi hynny’n union, ond mae’n gofyn am berson cyswllt y mudiad i fod yn barod ac yn gallu ymateb yn briodol.
Mae canolfannau gwirfoddoli weithiau wedi bod yn gyfryngwr yn y broses recriwtio, yn dewis ac yn gyrru ymgeiswyr argymelledig i gael eu hystyried gennych. Pe byddai hyn yn ddefnyddiol yna cysylltwch â’ch canolfan wirfoddoli leol; efallai y gallant reoli rhai agweddau ar y broses recriwtio ar eich rhan.
Creu tudalen broffil darparwr
Pan fyddwch yn cofrestru fel ‘darparwr’ cyfleoedd gwirfoddoli, byddwch yn cael eich tudalen we unigryw eich hun a chyfeiriad gwe ble gallwch ychwanegu eich logo, delwedd clawr a gwybodaeth am eich mudiad. Pan fydd gwirfoddolwr yn chwilio ac yn dod o hyd i gyfle yr ydych wedi’i bostio, gallant glicio ar enw eich mudiad i fynd ar eich tudalen broffil. Yno byddant yn gweld yr holl gyfleoedd yr ydych yn eu cynnig.
Drwy gyhoeddi URL/ cyfeiriad gwe eich tudalen broffil gallwch arwain pobl yn syth bin at eich tudalen broffil. Gallant weld ac ymuno â chyfleoedd, neu gallant gysylltu â chi, o’r dudalen hon.
Gallwch ddod o hyd i help i greu tudalen darparwr yma: http://guide.teamkinetic.co.uk/provider-profile-page
Cofnodi oriau gwirfoddolwyr
Gallwch gofnodi oriau gwirfoddolwyr ar y system. Mae’n rhoi adborth gweladwy o’r cyfraniad y maent yn ei wneud. Unwaith maent wedi gwneud 50, 100, 200, 500 a 1,000 o oriau, bydd bathodyn lliw Gwirfoddoli Cymru yn ymddangos ar eu proffil yn gydnabyddiaeth.
Gall gwirfoddolwyr gofnodi eu horiau eu hunain ar eu dangosfwrdd. Bydd y system yn ‘cyfrif’ yr oriau hyn pan fyddant yn cael eu gwirio gennych fel darparwr. Gall gweinyddwyr hefyd gofnodi neu gymeradwyo oriau ar ran darparwr. Os yw hyn yn rhywbeth na allwch ei wneud am ba bynnag reswm, efallai gall eich canolfan wirfoddoli helpu.
Mwy na recriwtio yn unig
Mae yna sawl rheswm da pam y dylech fynd ati i annog eich gwirfoddolwyr presennol i gofrestru ar gyfer y llwyfan.
Byddai’n eich galluogi i greu cyfleoedd caeedig, y gallwch eu cyfyngu i’ch grŵp gwirfoddoli. Gall y rhain fod yn sesiynau gwirfoddoli fel eich bod yn gallu cwblhau eich rota ar-lein, gallant yn ogystal fod yn hyfforddiant neu’n sesiynau gwybodaeth yr ydych eisiau i bobl gofrestru ar eu cyfer.
Os ydi gwirfoddolwyr wedi cofrestru ar eich system gallwch fonitro oriau gwirfoddoli - a all fod yn ddefnyddiol i gefnogi ceisiadau cyllid, ynghyd â’ch galluogi i roi adborth positif i wirfoddolwyr a rhanddeiliaid.
Creu a rheoli grwpiau gwirfoddoli
Os ydi gwirfoddolwyr wedi cofrestru ar eich system gallwch greu a rheoli grwpiau gwirfoddoli a gyrru e-byst grŵp.
Gallwch, er enghraifft, greu grŵp a’i alw yn ‘myfyrwyr’ (y mae’n debygol y bydd eu hargaeledd yn cael ei gyfyngu i gyfnodau gwyliau). Gallwch anfon dolen arbennig at wirfoddolwyr sy’n fyfyrwyr a phan fyddant yn cofrestru byddant yn cael eu rhoi’n awtomatig yn y grŵp gweinyddol hwn.
Mae creu grwpiau yn hwyluso cyfathrebu. Gallwch e-bostio’r holl wirfoddolwyr am gyfle penodol, neu efallai eich bod eisiau e-bostio gwirfoddolwyr mewn grŵp penodol yr ydych wedi’i greu. Gallwch hefyd wrth gwrs e-bostio gwirfoddolwyr unigol hefyd.
A ydych wedi cofrestru ar y llwyfan newydd eto?
Cofiwch mai’r cam cyntaf pwysicaf yw rhoi cyfleoedd arno cyn i’r llwyfan fynd yn fyw, ddechrau mis Mehefin. Ar ôl y dyddiad hwnnw, ni fydd unrhyw gyfleoedd fydd gennych ar hen wefan Gwirfoddoli Cymry yn cael eu hyrwyddo.
Dechrau Arni
Ewch i’r cyfeiriad gwe dros dro https://volunteerwales.teamkinetic.co.uk/ i gofrestru ac i greu cyfleoedd. Gallech hefyd gofrestru fel gwirfoddolwr prawf, chwilio am eich cyfleoedd gwirfoddoli eich hun ac ymuno â nhw er mwyn ymgyfarwyddo â’r ffordd y mae’n gweithio. Ar ôl y dyddiad lansio, bydd y wefan ar gael ar www.volunteering-wales.net.
Gobeithiwn y bydd y system newydd o gymorth i chi wrth recriwtio a rheoli gwirfoddolwyr. Fel yr wyf wedi ei ddweud eisoes, bydd y system a’n defnydd ohoni, yn broses esblygol. Yn y cyfamser byddwn yn awyddus i glywed sut hwyl rydych yn ei chael arni, beth sy’n ddefnyddiol a gwnawn ein gorau i helpu gydag unrhyw anawsterau a gewch chi.
