#iparra

[goteart-blog]

A selection of old Gotequest panels 

[gauekoberbak]

Iparra eta Hegoa

2012 - urtarrila - 9, 21:13

Norabidea aurkitzeko beti iparra bilatu behar omen da. Eta hala, iparrorratzak, iparrizarrak... iparra non aurki dezakegun azaltzen digute. Nik, hau jakinik ere, hegoaldera egitea erabaki nuen, norabide berri baten bila. Hala abiatu nintzen, hegoaldera eta hegoaldera, ezarritako norabide guztien aurka, iparrizarren aurka, iparrorratzen aurka. Bidai luzearen ondoren, beti hegoaldera, konturatu nintzen ezin nintzela hegoaldera joan. Ez zen nire aurka egiten zuen ezintasun fisikorik ez nire adoreak zuen ahultasunik aurrera egiten uzten ez zidanik. Ezinezkoa zen hegoaldera joatea, besterik gabe. Galdu ote nuen norabidea? Erratu ote zituen nire pausuak Fortunak? Pentsatzen orduak eman ondoren konturatu nintzen ez zela horrelako ezer. Gauzak ziren bezala onartu behar ziren: ezin zen hegoaldera joan. Hego poloan nengoen. Gauza bitxia, hego polotik iparraldera joan daiteke soilik.